1 थिस्लोनी 5
5
पुनरागमानो कोअता तियार रोजा
1पोन ऐ पाही याआ प्रयोजन नाहा कोअता वेल अने कालाआ विषयोमेहे तुमाआ काही लोखात जाय. 2काहाके तुमामे पक्को मालुम का जेहलो राती बांड आवत्लू तेहलूज प्रभूआ दीही आविलो होय 3जेवी मांहे कोयु ओये का शांती इही होय, किबी बिनारा गोरोज नाहा ताहा तियापो एकाएक संकट आविलो जाण्याकोता उगलित रोईही दुख येत अने तेहलूज ते तारास ओये तियाहा सहन उवे नाहा. 4पोन ऐ पाही, तुमु ताहा आंदाराम नाहा का तो दीही तुमापो चोरोहोस आविलो पोडी. 5काहाके तुमु पुरो उजवाडामे पोऱ्ये अने दिहाआ पोऱ्ये होय पण आमाहा रातीही नाहा अने आधाराआ पोन नाहा. 6त्यापोत आमू दिहरा सारखे निंदोम रोहू कायना अने तुमु जागतू रोत सावध रोअलो. 7काहाके जे हुविलो ते रात्रीच हुविलो अने जे झिंगणार ते रात्रीच झिंगतात. 8पोन आमू ज्या दिहाआ होय विश्वास अने प्रेम याहा आशा कालिते अने तारणाआ एहेज टोपी कालीत सावध रो. 9काहाके परमेश्वरोओ आमाहा क्रोधा कोअता नाहा पण यकोअता नेम्युहू होय का आमाहा प्रभू येशु ख्रिस्ताद्वारे तारण मिळूहुजोवे. 10तो आमाहा आकाता यामुळे मरण पाव्यू का आमाहा जेबी जागतू होय किंवा हुवतले होये आखे मिलून त्याआरी जिवंत रोअलो. 11याकोता तुमु एकादिहराहा सत्वाना दया अने एकादिहराहा उन्नतीचे काहाके बोनाहे तुमु कोअता.
कलिसियाहा उपदेश
12ऐ पाही, आमाहा तुमामे विनंती कोअत्लू काजे तुमामे मेहनतो कोअता अने ख्रीस्तात तुमाआ मार्गदर्शन कोअनारे होय अने तुमामे हिकत्ले तियाआ मान राखिलो. 13अने तियाआ कामाकोता प्रेमोवाही तियाहा जास्तीज सन्मानाने योग्य माना खुद पेल मिलून मिलीलू रो. 14ऐ पाही आमू तुमामे समजाडत्लो काजे व्यवस्थित वागिलो नाहा तियाहा समजाळेए जे धीर तोईलो कोम होय तियाहा धीर दया निर्बल ओत गोईलू हम्बालीलो आखाप रोत सहन शक्ती देखा वागीलो. 15सावध एहेलू, कोडु कोडाआ वाईटो बद्दल वाईट कोअहू कायना पण हरेक टेमे हाजो कोअलाआ तीयार रो आपसामेहे अने आखा आरिजे हाजो कोईत चेष्टा को. 16कायम आनंदाम रो. 17हमेशा प्रार्थनामे रो. 18आखी गोठीमे धन्यवाद आपा काहाके तुमा कोअता ख्रिस्तामेह परमेश्वरोओ एज इच्छा होय. 19आत्माहा उलाड़ी देदलू नाहा 20संदेष्टाहा तुच्छ मानु नाहा. 21आखे गोठीई पारख कोजे हाजो होय तियाहा तोईत रो. 22आखे प्रकारो बुराईपो रोत सेटू रोजा.
आशीर्वाद
23शांतीचा परमेश्वर स्वतः तुमामे पवित्र कोये अने तुमाआ आत्माहा अने जीव अने डील आमाआ प्रभू येशु ख्रिस्त आवे ताहु पुरो पणे निर्दोष अने हाजूहोय राहो. 24तुमामे गोगाडनारा खोरो विश्वासयोग्य होय अने तो ऐहलेच कोये. 25ऐ पाही, आमा कोअता प्रार्थना को. 26आखे पायहोहो पवित्र चुंबनाने स्वागत को. 27आय तुमामे ख्रिस्ताची शपथ आपोहो का ओ पत्र आखे पायहोहो वासित होमलाडे. 28आमू प्रभू येशु ख्रिस्ताआ कृपा तुमापो आरी रोय.
Currently Selected:
1 थिस्लोनी 5: NOINT
Highlight
Copy
Compare
Share
Want to have your highlights saved across all your devices? Sign up or sign in
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.
