1 कुरिन्थि 3
3
मांहोओ अनुसरण हाजो निमिले
1ऐ पाही आय तुमाआरी एहली रीतीवाही गूठी नाह मेकित सेक्यु जेहलो आत्मिक माहाआ आरी पोन जेहले शारीरिक माहाआ आरी अने तियाआ जे मसीह मेहे पोरये होय. 2आय तुमामे दुध पिवाल्यो, रोटू आप्लु नाहा काहाके तुमु तियाहा खाऊ शकत निमिले, पोन ओमे पर्यंत तुमु खाऊ शकत नाहा, 3काहाके ओमे पर्यंत शारीरिक होय, याकोअता का जांहा तुमामे डाह अने लोळाई होय ताहा तुमु शारीरिक नाहा? अने की मांहाहा रितिमे सालते नाहा? 4काहाके जाहा एक कोत्लू, “आय पौलाचा होय” अने दिहरु आय अप्पुलोसाचा होय, ताहा नाहाकोत तुमु मांहु नाहा?
परमेश्वरोओ दासोओ भूमिका
5अप्पुलोस की होय? अने पौलुस भेद की होय? फक्त सेवक ज्याआ मार्फत तुमु विश्वास कोअयु जेहलो प्रत्येकाहा प्रभूऊ आप्लु. 6आय लागाडले अप्पुलोसाने सिंचले, पण परमेश्वराने वोडेक्यो. 7यकोअता नाहा का लागाळणारू किबी होय अने नाहा सिंचणारा पण परमेश्वरोओ आखे किबी होय जो वोधावनारो होय. 8लागाळणारू अने सिंचन कोअनारे ओ बेन एकुच होय पण हर एक माहहू आपाहाज परिश्रमाने आपाआ मोजरी मेलविनारू. 9काहाके आमू परमेश्वरोओ आरिज काम कोअतेहे होय; तुमु परमेश्वरोओ खेत अने परमेश्वरोओ बोनाडल्ये होय. 10परमेश्वरोओ तिया कृपेच्या अनुसार जे माहु आप्लु होय, आय बुद्धिमान राजमिस्त्र्यासारखा गुडू टाक्यू अने दिहरा तियापो राद्दा मेकतुल्यो पण हर एक माहुई सावध रोअलो का तो तियापो केहलु बांधकामो कोअत्लू. 11रीगडल्यो गुडू जो येशु ख्रिस्त तियाहा सोडीत कोडु दिहरू गुडू टाकुहू शकत नाहा. 12जर कोडु आव पायापो होनो किंवा चांदी किंवा किमतिई डोणो किंवा लाकड़ो किंवा चारू किंवा भूसांआ काम को, 13ताहा हर एक काम उघड उवे काहाके तो दीही कोअही यकोअता का तो अग्नि बरोबर प्रगट उवे अने ती आगी प्रत्येकाआ कामाकोता पारकलु का ते एहलो होय. 14ज्याआ काम गुडापो स्थिर बोणीत रोही तो मोजरी मिलवे. 15जर कोडाआ काम बोलीते जानारू ताहा तो तिया तोटा उवे पण तो स्वतः वासी जाय पण पेटीत-पेटीत बारथे पोडल्या होस. 16की तुमामे मालुम नाहा का तुमु परमेश्वरोओ मंदिर होय अने परमेश्वरोओ आत्माआ तुमामे रोतलू? 17जर कोडु परमेश्वरोओ मंदिराआ नाश कोअनारू ताहा परमेश्वर तियाहा नाश कोअनारू काहाके परमेश्वरोओ मंदिर पवित्र होय अने ते तुमु होय.
सांसारिक ज्ञान सी वासा
18कोडु स्वतःहा फसाविल्यो लेऊ नाहा जर तुमामेरोत कोडु आव संसार मेहे स्वतःहा ज्ञानी होमजुत्लू, ताहा तो मूर्खपणा ज्ञानी ओत जानारू. 19काहाके आव जगोआ ज्ञान पर्मेश्वरारी फोगु होय जेहलो लेखिलो होय, “तो हुशारमाहुउ तियाआ चतुरा मेहे फसाविल्यो आपोहो” 20अने फासाडी ज्ञानवानाचे विचार मालुम होय ते व्यर्थ होय. 21त्यापोत माहुहीई काहीही गर्व कोहू कायना, काहाके किबी तुमाआ होय 22की पौलुस, की अप्पुलोस, की कैफा जगत, की जीवन की मरण, की वर्तमान, की भविष्य, आखे किबी तुमाआ होय, 23अने तुमु ख्रिस्ताचे होय अने ख्रिस्त परमेश्वरोओ होय.
Currently Selected:
1 कुरिन्थि 3: NOINT
Highlight
Share
Copy
Want to have your highlights saved across all your devices? Sign up or sign in
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.
