रोमियों 15

दूजे रा भोज चकणा

1हामे जोह प्रभू रे बुशाह मे पाके साहा, की त्याहा जोह बुशाहा मे कमजोर आसा जरूर त्या री सहायता करे ना कि आपणे आपू खुश डाहे। 2हामा में सभी आपणे पड़ोसी वै तेऊरी भलाई री तणी होर सुधरने री तणी तेऊ खुश डाहे।

3किबेकि मसीह भी आपणे आपु वै खुश नांई होऊ, पर जेहड़ा लिखू दा साहा, तेरे निंदा करण आले री निंदा महा में आई। 4जेथरी गला पहिले लिखी दी थी त्याह हमारी शिक्षा री तणी लिखी दी साहा। की हामे धीरज होर पवित्र शास्त्र री शांति सघे आशा डाहे। 5होर धीरजा होर शांति रे दाता परमेश्वर तमाबे यह बरदान दे, की मसीह यीशु रे साबे आपु में एकमन होई करे रहा। 6की तमे एकमन होर एक मुंह होई करे हमारे परमेश्वर यीशु मसीहा में पिता परमेश्वर री बड़ाई करे।

सभे कठे होई करे परमेश्वर री महिमा

7तेबा मसीहे भी परमेश्वर री महिमा री तणी तमे लई दे साहा। 8हाऊं तमा वै बोला की जोह गला पूराणे बजुर्गा बे दीनी दी थी त्याह गला पाकी करने वै मसीह परमेश्वर री सचाई री प्रतिज्ञा दीणे री तणी खतना करी दे लोका रे सेबक बणा। 9होर अन्यजाति भी दया री बजा का परमेश्वर री बड़ाई करा जेहड़ा लिखू दा,

साहा की तेबा महा जाति-जाति में तेरा धन्यवाद करणा,

होर तेरे ना रे भजन गाऊंणे।

10बोलू हे जाति-जाति रे लोको,

सभे लोका तेऊरे लोका सघे मजे करा।

11भी एकी बारी भी बोलू दा साहा,

हे सभी देशा री जाति परमेश्वर री स्तुति करा,

होर हे राज्य-राज्य रे सभी लोको परमेश्वर री स्तुति करा।

12होर तेऊकी यशायाह बोला,

थी यिशै री एक जड़ प्रकट हुणी,

होर अन्यजाति रे हाकिम हुणे वै एक उठणअ,

तेऊ पेन्दे अन्यजाति आशा डाहणी।

13तेबा परमेश्वर जोह आशा रअ दाता साहा, तमे बुशाह करण में सभी तरहा री खुशी होर शांति सघे पूरी करे, की पवित्र आत्मा री सामर्थ्य सघे थारी आशा बढ़दी रह।

यरूशलेमा का इल्लुरिकुम

14हे मेरे भाईयो, हाऊं थारे बारे में मना की तमे भी आपणी भलाई सघे भरे होर परमेश्वर रे ज्ञाने सघे भरपूर होए, होर एकी दूजे री चिंता करी सका। 15तेबा भी माए तमा वै कई बारी यादा दिलाउणे बे तमाबे जो बुशाह करे लिखू दा साहा, यह तेऊरे अनुग्रह सघे होऊ, जोह परमेश्वरे महाबे दीना दा साहा, 16कि हाऊं अन्यजाति वै मसीहा यीशु रे सेबक होई करे परमेश्वरा रे सुसमाचार री सेवा याजका रे समान करू जासु करे; अन्यजाति रे चडाउणा माना पवित्र आत्मा का पवित्र बणी करे ग्रहूण करे। 17तेबा त्याह गला रे बारे में जोह परमेश्वरे सघे साहा, मसीह यीशु में बड़ाई करी सका। 18किबेकि त्याह गला छाडी होर कासु गला रे बारे में बोलणे री हिमत नांई आन्धइ थी जोह मसीह अन्यजाति री दया री तणी बचन होर कर्म। 19होर निशान होर चमत्कारा रा कामा सामर्थ्य सघे, होर परमेश्वरा रे पवित्र आत्मा सघे यरूशलेमा कअ एलुरीकुमे तणी मसीहा रे सुसमाचार रा पूरा-पूरा प्रचार करू।

20पर मेरे मना री इच्छा यह साहा कि जखे-जखे मसीहा रा नां नांई आंदअ तखी सुसमाचार शुणऊ, कई एड़ा ना होए की दूजे री मनियादा पेन्दे घर बडाणे। 21पर जेहड़ा लिखूदा साहा तेहडा लोड़ी होऊ, जासू तेऊरा सुसमाचार नांई शुणू त्याही हेरणा होर जासूये नांई शुणू त्याहा ही समझणा।

रोमा बे नाहंणे री योजना

22तेबा हाऊं तमा सेटा हीहणे री तणी भी रुकू। 23पर एबा याहा देशा में मेरे काम वै जागहा नांई रही होर बहु साला ओरी महा तमा सेटा ईहंणे री लालसा थी। 24तेऊकी जेवा इसपानीया वै नाहल तेबा तमा बाती इलअ, किबेकि महा आशा साहा की तेसा यात्रा में महा तमे भी भेटणे, होर तमे थारी संगती कअ मेरा जी भरला तेबा तमे महा स्‍पेन भेजले। 25पर एबरे तणी पवित्र लोका री सेवा करने री तणी यरूशलेमा बे नाहंदा।

26किबेकि मकिदुनिया होर अखया रे लोका यह ठीक लागा की सहभगिता रे रूपा में यरूशलेमा रे पवित्र लोका कंगाला बे ढबे कठे करे। 27पर त्याह ठीक भी लागा, पर त्याह त्याहरे कर्जदार भी आसा, किबेकि अगर अन्यजाति रे लोका भी त्याह री आत्मिक गल्ला रे सहभागी साहा, होर त्याह वै ठीक साहा की त्याह री शरीर रूपी में त्याह री जरूरता मे सेवा करे। 28तेबा हाऊं एउ कामा पूरे करी करे होर या ढबे त्याह वै मोहर लाई करे तमा सेटा बे, स्‍पेना बे नाहणा। 29होर हाऊं जाणा कि जेब्ररे महा तमा सेटा वै इहणा तेबा मसीहा री पूरी आशीष सघे इहणा।

30हे भाईयो, हमारे प्रभु यीशु मसीहा में होर पवित्र आत्मा रे प्रेमा री याद दिलाई करे तमाकअ बिनती करा कि महा वै परमेश्वरा का प्रार्थना करने वै माई संघे रहे। 31की हाऊं यहूदिया रे अबिश्बासी का बची रहे, होर मेरी सह सेवा जोह यरूशलेमा वै साहा, पवित्र लोका वै भाए। 32होर हाऊं परमेश्वरा री इच्छा संघे तमा सेटा खुशी संघे इच्छी करे आराम करू। 33शांति रअ परमेश्वर तमे संघे रहे। आमीन

Currently Selected:

रोमियों 15: ISJNT

Highlight

Copy

Compare