प्रेरित 18
18
कुरिन्थुस नगरा में
1एता बाद पौलुस एथेंसा जागहा छाडी करे कुरिन्थुसा में आउअ। 2तखे तेऊ अक्विला प्रिस्का ना रअ एक यहूदी भेटअ, जासका जन्म पुन्तुस में होऊ दा थी । सह आपणी लाड़ी प्रिस्किल्ला संघे इटली कअ तेभरे जेहडअ आऊअ दअ थी, किबेकी क्लौदियुस सभी यहूदी बे रोमा का निखने री आज्ञा दीनी। एतकी तणी त्याह तखा बे नाठे। 3तेऊरा होर त्याह रा एक ही व्यापार, एतकी तणी सह त्याह संघे रहू होर त्या कामा करदे लागे; होर त्याह रअ व्यापारा रअ तंबू बणाऊंणे बे थी।
4सह हर एक सब्ता री धयाडी प्रार्थना घरा में बाद-बिबाद करी करे यहूदी होर यूनानी समझाऊंदअ रंहदा थी। 5जेबा सीलास होर तिमोथी मकिदुनिया में आऊऐ, तेबा पौलुस बचन शूनाऊणे री धुना में मगन, होर यहूदी बे गुआही दींदअ, लागअदअ। की यीशु ही मसीह आसा। 6पर त्याह बिरोधा करदे होर निंदा करदे लागे, तेऊ तेबा झिकड़े झाडी कर बोलू, थारा लोहू थार गलआ में रहे! हाँऊ शुद्ध सा। एबा माह अन्यजाति सेटा बे नांहणा। 7तखा का नाशी करे तितुस यूस्तुस ना रे परमेश्वरा री पूजा करन आले भक्ता रे घरा बे नाठअ; जासकअ घरअ प्रार्थना घरा संघे थी।
8तेबा प्रार्थना घरा रे सरदार क्रिस्पुस होर आपणे सारे घराने समेत प्रभु पैंदे बुशाह करू; होर बहू कुरिन्थुस वासी शूणी करे बुशाह करू होर बपतिस्मा लऊ। 9परमेश्वर एकी राची पौलुसा बे दर्शन देई करे बोलू, नांई डरे, पर बोलदअ रह होर चुप नांई रहे; 10किबेकी हांऊ तांई संघे सा, होर कोई हमला करी ताहबे हानि नांई पहुंचाई सकदअ; किबेकी एऊ नगरा में बहू लोका मेरे साहा। 11तेबा सह त्याहबे परमेश्वर रा बचन सिखाऊंदअ देहुडी साला तणी रहू।
12जेबा गल्लियो अखया देशा रअ जज, तेबा यहूदी लोका कठे होई होर पौलुसा पैंदे हमला करू, होर सह न्याय साहा ना सेटा आणू होर बोलदे लागे, 13यह लोका बे समझाऊंदा कि परमेश्वरा री पूजा एडी रीति संघे करे, जोह व्यवस्था रे बिपरीत साहा। 14जेबा पौलुस बोलना लाऊ, तेबा गलीये बे यहुदिए बोलू, हे यहूदियों, अगर यह अन्याय होर दुष्टता री गल हुंदी, तेबा सही, हाँउ थारी शुंणदअ। 15पर जेबा यह बाद-बिदाद शब्दा, होर ना, होर थारी व्यवस्था रे बारे में सा, तेबा तमे ही जांणा; किबेकी हाँऊ याह गला रअ न्यायी नांई बणना चांहदअ।
16होर तेऊ त्याह न्याय साहा ना सेटा कअ बागे काहडी। 17तेबा सभी लोक प्रार्थना घरा रअ सरदार सोस्थिनेस ढाकु होर न्याय साहा ना सामने चीकू। पर गल्लियो याह सब गला री कुछ भी चिंता नांई करी।
अन्ताकिया बे बापस इंहणा
18पौलुस बहू धयाडी तणी तखे रहू। तेबा भाईया तखाक बिदा होई करे किंख्रिया में तेबा आपणा मुंडन कराऊ, किबेकी तेऊ मन्नत मानी दी, होर जहाजा में सीरिया जागहा बे नाठअ होर तेऊ संघे प्रिस्का होर अक्विला। 19तेऊ इफिसुस पुजी करे त्याह तखे छाडी, आपु प्रार्थना घरा में नाशी करे यहूदी संघे बाद-बिबाद करदअ लागअ। 20जेबा त्याह बिनती करी कि, हामा संघे कुछ धयाडी होर रह। तेबा तेऊ नांई मानू; 21पर यह बोली करे बिदा होऊ, ज़बा परमेश्वर चाहू तेबा माह तमा सेटा भी इंहणा। तेबा इफिसुसा का जहाज खोली करे नाठअ 22होर कैसरिया में उतरी कर (यरूशलेमा बे) नाठअ होर कलीसिया बे नमस्ते करी अन्ताकिया बे आऊअ।
पौलुसा री चींहूणी प्रचार यात्रा
23तेबा कुछ धयाडी तखे रही करे तखा का निखत, होर एकी फेरा का गलातिया होर फ्रुगिया रे चेले पाके करदअ रहू।
इफिसुस नगर में अपुल्लोस
24अपुल्लोस ना रअ एक यहूदी जासका का जन्म सिकंदरिया में होऊ दा, जोह एक विद्वान मर्द, होर पवित्र शास्त्रा अच्छी तरह जांणदा, इफिसुसा में आऊअ। 25तेऊ परमेश्वरा रे पन्था रास्ते री शिक्षा पाईदी, होर मन लाई करे यीशु रे बारे में ठीक-ठीक शूणाऊंदा होर सिखाऊंदा, पर सह सीधी यूहन्ना री बपतिस्मा रे बारे में जांणदा। 26सह प्रार्थना घरा में निडर होई करे बोलदअ लागअ, पर प्रिस्का होर अक्विला तेऊरी गला शूणी सह आपणे घरा बे नींऊ होर परमेश्वर रे रास्ते तेऊबै होर भी ठीक-ठीक खोजी।
27जेबा तेऊ निश्चय करू कि पार उतरी करअ अखया बे नांहणा तेबा भाईऐ ढाढ़स देई करे चेले बे लिखू कि त्याह तेऊ अच्छी तरह मिले; होर तेऊ तखे पूजी करे त्याह लोका री बड़ी सहायता करी जासू अनुग्रह री बजा बुशाह करू। 28किबेकी सह पवित्र शास्त्र संघे प्रमाण देई करे कि यीशु ही मसीह सा, बड़ी प्रबलता संघे यहूदी सभी सामने मनाऊंदअ रहू।
Currently Selected:
प्रेरित 18: ISJNT
Highlight
Copy
Compare
Share
Want to have your highlights saved across all your devices? Sign up or sign in
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.
प्रेरित 18
18
कुरिन्थुस नगरा में
1एता बाद पौलुस एथेंसा जागहा छाडी करे कुरिन्थुसा में आउअ। 2तखे तेऊ अक्विला प्रिस्का ना रअ एक यहूदी भेटअ, जासका जन्म पुन्तुस में होऊ दा थी । सह आपणी लाड़ी प्रिस्किल्ला संघे इटली कअ तेभरे जेहडअ आऊअ दअ थी, किबेकी क्लौदियुस सभी यहूदी बे रोमा का निखने री आज्ञा दीनी। एतकी तणी त्याह तखा बे नाठे। 3तेऊरा होर त्याह रा एक ही व्यापार, एतकी तणी सह त्याह संघे रहू होर त्या कामा करदे लागे; होर त्याह रअ व्यापारा रअ तंबू बणाऊंणे बे थी।
4सह हर एक सब्ता री धयाडी प्रार्थना घरा में बाद-बिबाद करी करे यहूदी होर यूनानी समझाऊंदअ रंहदा थी। 5जेबा सीलास होर तिमोथी मकिदुनिया में आऊऐ, तेबा पौलुस बचन शूनाऊणे री धुना में मगन, होर यहूदी बे गुआही दींदअ, लागअदअ। की यीशु ही मसीह आसा। 6पर त्याह बिरोधा करदे होर निंदा करदे लागे, तेऊ तेबा झिकड़े झाडी कर बोलू, थारा लोहू थार गलआ में रहे! हाँऊ शुद्ध सा। एबा माह अन्यजाति सेटा बे नांहणा। 7तखा का नाशी करे तितुस यूस्तुस ना रे परमेश्वरा री पूजा करन आले भक्ता रे घरा बे नाठअ; जासकअ घरअ प्रार्थना घरा संघे थी।
8तेबा प्रार्थना घरा रे सरदार क्रिस्पुस होर आपणे सारे घराने समेत प्रभु पैंदे बुशाह करू; होर बहू कुरिन्थुस वासी शूणी करे बुशाह करू होर बपतिस्मा लऊ। 9परमेश्वर एकी राची पौलुसा बे दर्शन देई करे बोलू, नांई डरे, पर बोलदअ रह होर चुप नांई रहे; 10किबेकी हांऊ तांई संघे सा, होर कोई हमला करी ताहबे हानि नांई पहुंचाई सकदअ; किबेकी एऊ नगरा में बहू लोका मेरे साहा। 11तेबा सह त्याहबे परमेश्वर रा बचन सिखाऊंदअ देहुडी साला तणी रहू।
12जेबा गल्लियो अखया देशा रअ जज, तेबा यहूदी लोका कठे होई होर पौलुसा पैंदे हमला करू, होर सह न्याय साहा ना सेटा आणू होर बोलदे लागे, 13यह लोका बे समझाऊंदा कि परमेश्वरा री पूजा एडी रीति संघे करे, जोह व्यवस्था रे बिपरीत साहा। 14जेबा पौलुस बोलना लाऊ, तेबा गलीये बे यहुदिए बोलू, हे यहूदियों, अगर यह अन्याय होर दुष्टता री गल हुंदी, तेबा सही, हाँउ थारी शुंणदअ। 15पर जेबा यह बाद-बिदाद शब्दा, होर ना, होर थारी व्यवस्था रे बारे में सा, तेबा तमे ही जांणा; किबेकी हाँऊ याह गला रअ न्यायी नांई बणना चांहदअ।
16होर तेऊ त्याह न्याय साहा ना सेटा कअ बागे काहडी। 17तेबा सभी लोक प्रार्थना घरा रअ सरदार सोस्थिनेस ढाकु होर न्याय साहा ना सामने चीकू। पर गल्लियो याह सब गला री कुछ भी चिंता नांई करी।
अन्ताकिया बे बापस इंहणा
18पौलुस बहू धयाडी तणी तखे रहू। तेबा भाईया तखाक बिदा होई करे किंख्रिया में तेबा आपणा मुंडन कराऊ, किबेकी तेऊ मन्नत मानी दी, होर जहाजा में सीरिया जागहा बे नाठअ होर तेऊ संघे प्रिस्का होर अक्विला। 19तेऊ इफिसुस पुजी करे त्याह तखे छाडी, आपु प्रार्थना घरा में नाशी करे यहूदी संघे बाद-बिबाद करदअ लागअ। 20जेबा त्याह बिनती करी कि, हामा संघे कुछ धयाडी होर रह। तेबा तेऊ नांई मानू; 21पर यह बोली करे बिदा होऊ, ज़बा परमेश्वर चाहू तेबा माह तमा सेटा भी इंहणा। तेबा इफिसुसा का जहाज खोली करे नाठअ 22होर कैसरिया में उतरी कर (यरूशलेमा बे) नाठअ होर कलीसिया बे नमस्ते करी अन्ताकिया बे आऊअ।
पौलुसा री चींहूणी प्रचार यात्रा
23तेबा कुछ धयाडी तखे रही करे तखा का निखत, होर एकी फेरा का गलातिया होर फ्रुगिया रे चेले पाके करदअ रहू।
इफिसुस नगर में अपुल्लोस
24अपुल्लोस ना रअ एक यहूदी जासका का जन्म सिकंदरिया में होऊ दा, जोह एक विद्वान मर्द, होर पवित्र शास्त्रा अच्छी तरह जांणदा, इफिसुसा में आऊअ। 25तेऊ परमेश्वरा रे पन्था रास्ते री शिक्षा पाईदी, होर मन लाई करे यीशु रे बारे में ठीक-ठीक शूणाऊंदा होर सिखाऊंदा, पर सह सीधी यूहन्ना री बपतिस्मा रे बारे में जांणदा। 26सह प्रार्थना घरा में निडर होई करे बोलदअ लागअ, पर प्रिस्का होर अक्विला तेऊरी गला शूणी सह आपणे घरा बे नींऊ होर परमेश्वर रे रास्ते तेऊबै होर भी ठीक-ठीक खोजी।
27जेबा तेऊ निश्चय करू कि पार उतरी करअ अखया बे नांहणा तेबा भाईऐ ढाढ़स देई करे चेले बे लिखू कि त्याह तेऊ अच्छी तरह मिले; होर तेऊ तखे पूजी करे त्याह लोका री बड़ी सहायता करी जासू अनुग्रह री बजा बुशाह करू। 28किबेकी सह पवित्र शास्त्र संघे प्रमाण देई करे कि यीशु ही मसीह सा, बड़ी प्रबलता संघे यहूदी सभी सामने मनाऊंदअ रहू।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.