प्रेरित 17
17
थिस्सलुनीक नगरा में
1तेबा त्याह अम्फिपुलिस होर अपुल्लोनिया होइकरे थिस्सलुनीका रे शहरा में आए, जखे यहूदी रअ एक प्रार्थना घर थी। 2पौलुस आपणी रीति रे साबे त्याह सेटा नाठअ, होर चीण सब्ता री धयाडी पवित्र शास्त्र संघे त्याह संघे बाद-बिबाद करू; 3होर तेत्का अर्थ खोली-खोली करे खोजा, कि मसीह रा दुःख ऊठाऊँणा, होर मुंऐ दे मेंज़ा का जी ऊठणा, जरुरी; होर यही यीशु जासकी हाँउ तमाबे कथा शूणाऊंदा, मसीह साहा। 4त्याह में केतरे ही, पूजा करन आले भक्त यूनानीयों में बहू, होर बहू कुलीन वेटडी मानू, होर पौलुस होर सीलासले संघे मिली।
5पर यहूदि जोह बुशाह नांई करदा थी, बजारा कअ कुछ दुष्ट लोका आपु संघे मीलाई, होर भीड़ कठे करी करे नगरा में हाला मचाऊंदे लागे, होर यासोना रे घरा फेरा बे नांही करे, त्याह लोका सामने आंणने चाही। 6त्याह तखे नांई भाली करे त्याह चिलाऊंदे -चिलाऊंदे यासोन होर कुछ भाई नगरा रे न्यायधीश सेटा खींची करे आणी, याह लोका जासू यह संसारा उलटअ पुलटअ करू, अखे भी आऊऐ।
7यासोने त्याह आपणे अखे ऊतारी। याह सभे यह बोलदा कि यीशु राजा साहा, कैसरा री आज्ञा रा बिरोध करदा। 8त्याह लोका होर हकीमा बे यह शूणाई त्याह डरी। 9तेबा त्याह यासोन होर बाकी लोका जमानत देई करे त्याह छाडी।
बिरीया नगरा में
10भाईये तेभरी त्याह राचो राच पौलुस होर सीलास बिरीया बे भेजी; होर त्याह तखे पूजी करे यहूदी रे प्रार्थना घरा में नाठे। 11या लोका थिस्सलुनीक यहूदी का भले थी, होर त्याहे बड़ी लालसा संघे बचन ग्रहण करू, होर रोज पवित्र शास्त्रा में पूछते रही कि या गला सच सा कि नांई। 12तेबा त्याहा में बहु, होर यूनानी कुलीन वेटडी में का होर मर्दा मेंज़ा का बहु बुशाह करू।
13पर जेबा थिस्सलुनीका रे यहूदिये जाणू कि पौलुस बिरीया में परमेश्वरा रा बचन शूणाऊंदा, तेबा तखे भी इच्छी करे लोका ऊकसाऊंदे होर हलचला मचाऊंदे लागे । 14तेबा भाई होर भींणा पौलुसे तेभरी बीदा करी कि त्या समुन्द्रा रे किनारे बे नांहे; पर सीलास होर तिमोथी तखी रही। 15पौलुसा पजेरने आले सह एथेंस तणी नीऊ; होर सीलास होर तिमोथी बे आज्ञा लई बिदा होई कि त्याह छेको तेऊ सेटा इच्छे।
एथंस नगरा में पौलुस
16जेबा पौलुस एथेंसा में त्याह नीहालदअ, लागअदअ थी, तेबा नगर मूर्ति संघे भरूदअ हेरी तेऊरे मना बहु दुःख होऊ। 17होर सह प्रार्थना घरा में यहूदी होर पूजा करन आले भक्ता का, होर चौका में जोह लोका तेऊका मिलदा थी, त्याह संघे रोज बाद-बिबाद करदा।
18तेबा इपिकुरी होर स्तोइकी दार्शनिका मेंज़ा का कुछ तेऊ संघे झगडा करदे लागे, होर कुछ बोलदे लागे, यह बक-बक करन आलअ कह बोलना चांहदा? पर होरी बोलू, यह होरी दुष्टात्मा रे प्रचारा करदअ लागदअ -किबेकी सह यीशु रे होर पुनरुत्थाना रा सुसमाचार शूणाऊंदा। 19तेबा त्याह सह आपु संघे अरियुपगुसा बे नींऊ होर पुछु, केह हामे यह जांणी सकदा कि यह जोह नऊंए मत तूह शूणाऊंदा केह साहा? 20किबेकी तूह अनोखी गला हामा बे शूणाऊंदा, तेबा हामे जांणना चांहदा कि एतका मतलब केह साहा। 21(तेबा कि सभ एथेंसा रे लोका होर परदेशी जोह तखे रंहदा, नई-नई गला बोलन होर शूणने रे सिबाय होर कासु कामा में वक्त नांई बीतांऊंदे।)
अरियुपगुस री सभा में पौलुसा रा भाषण
22तेबा पौलुस अरियुपगुस बीचे खडे होई करे बोलू, हे एथेंसा रे लोका, हाँऊ हेरदा कि तमे हर गला में देऊ मानने आले साहा। 23किबेकी हाउ हांडदे वक्ते जेबा थारे पूजणे री सामग्री हेरी तेबा एक एडी बेदी भी पाई, जासू में लिखूदा थी, अनजान ईश्वरा री तणी। तेबा जासू तमे बीना जांणदे पूजदा, हांऊ तमाबे तेऊरा समाचार शूणाऊंदा। 24जासू परमेश्वरे धरती होर तेता में रंहण आली सारी चीजा बणाई, सहे सरग होर धरती रअ स्वामी होई करे, हाथे संघे बणाईदे देहुरे में नांई रंहदअ; 25ना कासु चीजा री जरूरता री तणी मणशा री सेवा लऊंदअ, किबेकी सह आपे ही सभी बे जीबन होर श्वास होर सब कुछ ठीक करा।
26तेऊ एक ही मूला रे मणशा री सबे जाति सारी धरती मे रंहणे री तणी बणाई; होर त्याह रे ठहराऊदे वकते होर निवासा री सीमाएं तेबा बान्ही दे। 27कि परमेश्वर लोडे, होर टटोली करे तेऊ पाऐ, तेबा भी सह हामा का दूर नांई आंहदअ। 28किबेकी हामे तेऊमें ही जिऊंदे रंहदा, जेडहा थारे केतरे ही कविये बोलू दा भी साहा, हामे तेऊरे ही वंशज सा।
29अतः परमेश्वरा रा वंश होई करे हामा यह समझणा जरूरी नांई आंहदा कि ईश्वर सुने रुपे या पाथरा रे समान साहा, जोह मणश री कलाकारी होर कल्पना संघे गाडीदे साहा। 30तेबा परमेश्वर अज्ञानता रे वक्ता पैंदे ध्यान नांई दीना, होर एबा हर जागह सभी मणशा बे मन फेरने री आज्ञा दिंदा। 31किबेकी तेऊ एक धयाडी ठहराईदी आसा, जासू मे तेऊ मणश रे साबे धर्मा संघे एऊ संसारा रा न्याय करणा जूण तेऊ ठहराऊदअ साहा, होर सह मुंऐ दे मेंज़ा का जी करे तेऊ ऐसा गला रा प्रमाण भी सभी बे दीना।
32मुंऐदे रे पुनरुत्थाना री गला शूणी कुछ लोका ठठे करदे लागे, होर कुछ बोलू, यह गलअ हामा ताहका कासु होरी धयाडी शूणनी। 33एता पैंदे पौलुस त्याह हे बिचा मेंज़ा का निखलू। 34पर कुछ मणश तेऊ संघे मिली, होर बुशाह करू; जासू में दियुनुसियुस जोह अरियुपगुस रअ सदस्य, होर दमरिस ना री एक वेटडी, होर त्याह संघे होरा भी लोका थी।
Currently Selected:
प्रेरित 17: ISJNT
Highlight
Copy
Compare
Share
Want to have your highlights saved across all your devices? Sign up or sign in
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.
प्रेरित 17
17
थिस्सलुनीक नगरा में
1तेबा त्याह अम्फिपुलिस होर अपुल्लोनिया होइकरे थिस्सलुनीका रे शहरा में आए, जखे यहूदी रअ एक प्रार्थना घर थी। 2पौलुस आपणी रीति रे साबे त्याह सेटा नाठअ, होर चीण सब्ता री धयाडी पवित्र शास्त्र संघे त्याह संघे बाद-बिबाद करू; 3होर तेत्का अर्थ खोली-खोली करे खोजा, कि मसीह रा दुःख ऊठाऊँणा, होर मुंऐ दे मेंज़ा का जी ऊठणा, जरुरी; होर यही यीशु जासकी हाँउ तमाबे कथा शूणाऊंदा, मसीह साहा। 4त्याह में केतरे ही, पूजा करन आले भक्त यूनानीयों में बहू, होर बहू कुलीन वेटडी मानू, होर पौलुस होर सीलासले संघे मिली।
5पर यहूदि जोह बुशाह नांई करदा थी, बजारा कअ कुछ दुष्ट लोका आपु संघे मीलाई, होर भीड़ कठे करी करे नगरा में हाला मचाऊंदे लागे, होर यासोना रे घरा फेरा बे नांही करे, त्याह लोका सामने आंणने चाही। 6त्याह तखे नांई भाली करे त्याह चिलाऊंदे -चिलाऊंदे यासोन होर कुछ भाई नगरा रे न्यायधीश सेटा खींची करे आणी, याह लोका जासू यह संसारा उलटअ पुलटअ करू, अखे भी आऊऐ।
7यासोने त्याह आपणे अखे ऊतारी। याह सभे यह बोलदा कि यीशु राजा साहा, कैसरा री आज्ञा रा बिरोध करदा। 8त्याह लोका होर हकीमा बे यह शूणाई त्याह डरी। 9तेबा त्याह यासोन होर बाकी लोका जमानत देई करे त्याह छाडी।
बिरीया नगरा में
10भाईये तेभरी त्याह राचो राच पौलुस होर सीलास बिरीया बे भेजी; होर त्याह तखे पूजी करे यहूदी रे प्रार्थना घरा में नाठे। 11या लोका थिस्सलुनीक यहूदी का भले थी, होर त्याहे बड़ी लालसा संघे बचन ग्रहण करू, होर रोज पवित्र शास्त्रा में पूछते रही कि या गला सच सा कि नांई। 12तेबा त्याहा में बहु, होर यूनानी कुलीन वेटडी में का होर मर्दा मेंज़ा का बहु बुशाह करू।
13पर जेबा थिस्सलुनीका रे यहूदिये जाणू कि पौलुस बिरीया में परमेश्वरा रा बचन शूणाऊंदा, तेबा तखे भी इच्छी करे लोका ऊकसाऊंदे होर हलचला मचाऊंदे लागे । 14तेबा भाई होर भींणा पौलुसे तेभरी बीदा करी कि त्या समुन्द्रा रे किनारे बे नांहे; पर सीलास होर तिमोथी तखी रही। 15पौलुसा पजेरने आले सह एथेंस तणी नीऊ; होर सीलास होर तिमोथी बे आज्ञा लई बिदा होई कि त्याह छेको तेऊ सेटा इच्छे।
एथंस नगरा में पौलुस
16जेबा पौलुस एथेंसा में त्याह नीहालदअ, लागअदअ थी, तेबा नगर मूर्ति संघे भरूदअ हेरी तेऊरे मना बहु दुःख होऊ। 17होर सह प्रार्थना घरा में यहूदी होर पूजा करन आले भक्ता का, होर चौका में जोह लोका तेऊका मिलदा थी, त्याह संघे रोज बाद-बिबाद करदा।
18तेबा इपिकुरी होर स्तोइकी दार्शनिका मेंज़ा का कुछ तेऊ संघे झगडा करदे लागे, होर कुछ बोलदे लागे, यह बक-बक करन आलअ कह बोलना चांहदा? पर होरी बोलू, यह होरी दुष्टात्मा रे प्रचारा करदअ लागदअ -किबेकी सह यीशु रे होर पुनरुत्थाना रा सुसमाचार शूणाऊंदा। 19तेबा त्याह सह आपु संघे अरियुपगुसा बे नींऊ होर पुछु, केह हामे यह जांणी सकदा कि यह जोह नऊंए मत तूह शूणाऊंदा केह साहा? 20किबेकी तूह अनोखी गला हामा बे शूणाऊंदा, तेबा हामे जांणना चांहदा कि एतका मतलब केह साहा। 21(तेबा कि सभ एथेंसा रे लोका होर परदेशी जोह तखे रंहदा, नई-नई गला बोलन होर शूणने रे सिबाय होर कासु कामा में वक्त नांई बीतांऊंदे।)
अरियुपगुस री सभा में पौलुसा रा भाषण
22तेबा पौलुस अरियुपगुस बीचे खडे होई करे बोलू, हे एथेंसा रे लोका, हाँऊ हेरदा कि तमे हर गला में देऊ मानने आले साहा। 23किबेकी हाउ हांडदे वक्ते जेबा थारे पूजणे री सामग्री हेरी तेबा एक एडी बेदी भी पाई, जासू में लिखूदा थी, अनजान ईश्वरा री तणी। तेबा जासू तमे बीना जांणदे पूजदा, हांऊ तमाबे तेऊरा समाचार शूणाऊंदा। 24जासू परमेश्वरे धरती होर तेता में रंहण आली सारी चीजा बणाई, सहे सरग होर धरती रअ स्वामी होई करे, हाथे संघे बणाईदे देहुरे में नांई रंहदअ; 25ना कासु चीजा री जरूरता री तणी मणशा री सेवा लऊंदअ, किबेकी सह आपे ही सभी बे जीबन होर श्वास होर सब कुछ ठीक करा।
26तेऊ एक ही मूला रे मणशा री सबे जाति सारी धरती मे रंहणे री तणी बणाई; होर त्याह रे ठहराऊदे वकते होर निवासा री सीमाएं तेबा बान्ही दे। 27कि परमेश्वर लोडे, होर टटोली करे तेऊ पाऐ, तेबा भी सह हामा का दूर नांई आंहदअ। 28किबेकी हामे तेऊमें ही जिऊंदे रंहदा, जेडहा थारे केतरे ही कविये बोलू दा भी साहा, हामे तेऊरे ही वंशज सा।
29अतः परमेश्वरा रा वंश होई करे हामा यह समझणा जरूरी नांई आंहदा कि ईश्वर सुने रुपे या पाथरा रे समान साहा, जोह मणश री कलाकारी होर कल्पना संघे गाडीदे साहा। 30तेबा परमेश्वर अज्ञानता रे वक्ता पैंदे ध्यान नांई दीना, होर एबा हर जागह सभी मणशा बे मन फेरने री आज्ञा दिंदा। 31किबेकी तेऊ एक धयाडी ठहराईदी आसा, जासू मे तेऊ मणश रे साबे धर्मा संघे एऊ संसारा रा न्याय करणा जूण तेऊ ठहराऊदअ साहा, होर सह मुंऐ दे मेंज़ा का जी करे तेऊ ऐसा गला रा प्रमाण भी सभी बे दीना।
32मुंऐदे रे पुनरुत्थाना री गला शूणी कुछ लोका ठठे करदे लागे, होर कुछ बोलू, यह गलअ हामा ताहका कासु होरी धयाडी शूणनी। 33एता पैंदे पौलुस त्याह हे बिचा मेंज़ा का निखलू। 34पर कुछ मणश तेऊ संघे मिली, होर बुशाह करू; जासू में दियुनुसियुस जोह अरियुपगुस रअ सदस्य, होर दमरिस ना री एक वेटडी, होर त्याह संघे होरा भी लोका थी।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.