1 कुरिन्थियों 5
5
कलीसिया में अनैतिकता
1अखे तणी शुडने में आउआ कि तमामें ब्यभिचार हुंदा, पर एडा व्यभिचार जोह अन्यजाति में भी नांई हुंदा कि एक मणश आपणे बापू री बेटड़ी डाहदा। 2होर तमे पश्चाताप नांई करदे तेताका एड़ा काम करन आलअ तमा मेंजा का निख्ली करे, पर तमे घमण्ड करा।
3हाऊं तो शरीरा रे भावा का दूर थी, पर आत्मा रे भाव संघे तमे संघे होई करे माना हाजरी री दशा में एडा कामा करन आले रे बारे न्याय करी छेकू। 4कि जेबरे तमे होर मेरी आत्मा, म्हारे प्रभु यीशु मसीहा री सामर्थ्या संघे कठे होए, तेबा एडअ मणश म्हारे प्रभु यीशु मसीहा रे ना का। 5शरीरा रे नाशा री तणी शैताना वै दे, पर तेऊरी आत्मा प्रभु यीशु मसीह री धयाडी उद्धार पाये।
6थारा घमण्ड करणा ठीक नांई, कैह तमे नांई जाणदे कि थोड़ा जेहा मलेड़ा पुरे मुछईदे पीठे मलेडे करा। 7पूराणे मलडे काहडी करे आपणे आपा वै शुद्ध करे कि नंउये मुछई पीठे बणए पर तमे मीठे होए किबेकि म्हारे भी यह जोह आयरे पिठे मेंजे जोह मसीह साहा, फसहे रे गाभु बलिदान होऊ दअ साहा। 8तेबा इछा हामा जाचा में आनन्द मनाऊंणा पुराणे मलेडे का नाह बुराई का होर नाह बैर होर नांह दुष्टता रे मलेडे, पर सीधी होर सचाई का आयरी रोटी का।
अनैतिकता री तणी न्याय
9माई आपणी पत्री में तमावै लिखुदा साहा की व्यभिचारी री संगत नांई करणी। 10एडा नांई कि तमे एऊ संसारा रे व्यभिचारी होर या लालची यह ठगण या मूर्ति पूजा करन आले री संगता नांई करे; किबेकि एउ साबे तमे एऊ संसारा का जरूरी निख्लणा आऊआ। 11पर मेरा बोलणा एडा साहा कि कोई भाई बोली करे, व्यभिचार करा, या लालची, यह मूर्ति पूजा करन आल, या गाली दिण आलअ, यह शराबी, या ठगण आल, तेऊरी संगत नांई करे; पर एडे मणशा संघे रोटी भी नांई खाये। 12किबेकि महा बाघला न्याय करने का कैह काम साहा? क़ैह तमे मितरला न्याय नांई करदे। 13पर बाघला न्याय परमेश्वरा आपे करना तेबा तेऊ कुकर्मी आपु विचा का काहडे।
Currently Selected:
1 कुरिन्थियों 5: ISJNT
Highlight
Copy
Compare
Share
Want to have your highlights saved across all your devices? Sign up or sign in
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.
