3 યોહાન પત્રો 1
1
નમસ્કાર
1આંય યોહાન મંડળી વડીલ ઓ પત્ર માઅ મેરાલા ગાયસુલે લેખી રીયોહો, જીયા આરી આંય હાચો પ્રેમ રાખુહુ. 2એ મેરાલાહા, માઅ એ પ્રાર્થના હાય; જેહેકી તુ આત્મામે મજબુત વી રીયોહો તેહેકીજ તુ દરેક ગોઠીમે વાદતો જો, આને હારો રેઅ. 3પેન જાંહા થોડાક વિશ્વાસી પાવુહુ આવીને આખ્યો કા તુ પરમેહેરુ હાચી વાટી અનુસાર જીવી રીયોહો, આને જીયુપે તુ ખરેખર ચાલોહો, તા આંય ખુબુજ ખુશ વીયો. 4જાંહા બી આંય ઇ ઉનાવુહુ કા તે લોક જે માઅ પોયરા સારકે હાય, સત્ય અનુસાર જીવી રીયેહે, તા ઇ માને આજી બી ખુશ કી દેહે.
ગાયસુ વાહ-વાહી કેરુલો
5ઓ મેરાલાહા તુ ઈમાનદારીકી આમા વિશ્વાસી પાવુ ખુબુજ વસ્તુકી મદદ કેરા ખાતુરે ખુબુજ કામે કેયેહે, આને ઇહી લોગુ કા તુ તીયા લોકુ બી મદદ કીહો જીયાહાને તુ નાહ જાતો. 6તીયામેને થોડાક લોકુહુ જીયા તુયુહુ મદદ કેયીહી, તીયાહા ઇહીને મંડળી વિશ્વાસી લોકુહુને આખ્યોહો, કા પોતા આર્યા વિશ્વાસી લોકુહુને કોતો પ્રેમ કીહો. આમી આંય આખા માગુહુ કા, તુલે તીયા લોકુ મદદ કેતા રાંઅ જોજે જાંહા તે તોઅ પાહી આવતેહે, કાહાકા ઇ પરમેહેરુલે ખુશ કેહે. 7કાહાકા ઇ લોક અલગ-અલગ જાગામે ઈયા ખાતુરે મુસાફરી કી રીયાહા કા ઇસુ ખ્રિસ્તુ વચનુલે જાહેર કે, આને વિશ્વાસી લોકુપેને કેલ્લીજ મદદ નાહ લેતા. 8ઈયા ખાતુરે આપનેહે એહેડા લોકુહુને મદદ કેરા જોજે. કા જાંહા તે હાચાયુલે જાહેર કેતાહા તીયામે આપુહુ તીયા ભાગીદાર વી સેક્જી.
દીયોત્રેફસ આને દેમેત્રીયસ
9માયુહુ પેલ્લા બી મંડળી વિશ્વાસી લોકુહુને ઓ પત્ર લેખલો, પેન દીયોત્રેફસ માઅ ગોઠી પાલન કેરા ખાતુરે મનાય કેહે, કાહાકા તોઅ પોતે બી મંડળી આગેવાન બોના માગેહે. 10ઈયા ખાતુરે કાદાચ આંય આવુ તા મંડળી લોકુ આરી ગોઠયા કેહે કા તોઅ કાય કી રીયોહો, કા તોઅ આપુપે ખારાબ કામ કેરા દોષ લાગવેહે. તીયા આરી-આરી તોઅ મુસાફરી કેનારા વિશ્વાસી લોકુહુને સ્વાગત કેરા નકાર કેહે, આને તીયાહાને જે સ્વાગત કેરા માગતાહા મનાય કેહે, ઇહી લોગુ કા તોઅ તીયાહાને મંડળીમેને બારે કાડી દેહે.
11ઓ મેરાલાહા, તીયા લોકુ નકલ માઅ કેરાહા જે ખારાબ કામે કેતેહે, પેન તીયા અનુસાર ચાલજે ભલે કામે કેતેહે, કાદાચ એગો ભલે કામે કેહે, તા ઇ આખેહે કા તોઅ પરમેહેરુ પોયરો હાય, આને જો કેડો ખારાબ કામે કેહે તોઅ પરમેહેરુલે નાહ જાંતો. 12મંડળીમે દરેક આખેહે દેમેત્રીયસ એક હારો માંહુ હાય, કાહાકા તોઅ સત્ય અનુસાર જીવેહે, આને આમુહુ બી ઇ આખાતાહા કા તોઅ એક હારો માંહુ હાય, આને તુ જાંહો કા આમા સાક્ષી હાચી હાય.
છેલ્લી નમસ્કાર
13આજી ખુબુજ ગોઠયા હાય, જે આંય તુલે આખા માગુહુ, પેન આંય તીયુહુને ઈયુ રીતી પત્રમે નાહ લેખા માગતો. 14પેન માને આશા હાય, કા આંય માહરીજ તુલે આવીને મીલેહે: તાંહા આપુહુ આમે-સામે ગોઠયા કીહુ.
15આંય પ્રાર્થના કીહુ કા પરમેહેર તુલે શાંતિ આપે, ઇહીને વિશ્વાસી આર્યે તુલે નમસ્કાર કેતેહ, તીહીને દરેક આર્યા નામે લી લીને નમસ્કાર આખી દેજે.
Currently Selected:
3 યોહાન પત્રો 1: DUBNT
Highlight
Copy
Compare
Share
Want to have your highlights saved across all your devices? Sign up or sign in
Dubli (દુબલી) Bible by The Love Fellowship is licensed under Creative Commons Attribution-ShareAlike 4.0 License.