१ थेसलोनिकि 3

बिश्वासीनको चिन्ता

1तबइकिलाइ जब हामले तमनलाइ नभेट्या सम्म रन सकेइ तब हामले आफ्ना इच्छाले एथेन्स सहरइमि बस्स्या निर्णय अर्या। 2रे तमनलाइ बिश्वासमि स्थिर अराउनाइ रे उत्साह दिनाइ, परमेश्वरमि ख्रीष्टका सुसमाचारको सेवक हामरा सहकर्मी भाइ तिमोथीलाइ हामले तमरा वाँ पठाया। 3तबइकिलाइ यिन कष्टका लाग्दा कोइ जनडगमगाओस। तमन आफइलाइ था छ कि हामले यिसेरी कष्ट भोग्दया हु, क्याकि हामरि निउति यो परमेश्वरको इच्छा हो।

4क्याकि जब हाम तमनसित थ्या तब हामले सतावट सनु पणन्छ भणि हामले अगाडी बठेइ भण्याथ्या। यो साँच्चि भयो लगइ, त्यो तमनलाइ था छ। 5तबइकिलाइ तमनले कसेरी अरिराइछौ भणबर नथापाइबर म आब रनसक्दइन। परिक्षा अद्या सैतानले कसइ किसमले तमनलाइ परीक्षामि पाण्यो कि भणि रे हामरो परिश्रम व्यर्थै जालो कि भण्न्या डरले तमरो बिश्वास था पाउनाइलाइ मइले तिमोथीलाइ पठाए।

तिमोथीले लेया खबर

6तर अइल तिमोथी तमरा वाँ बठेइ हामरा वाँ आइबर तमरो बिश्वास रे प्रेमको सुसमाचार हामलाइ सुणायो। तमनले हामलाइ भिट्टाइ भौत इच्छा अरिबर सदाइ प्रेमसित हामरो सम्जना अरन्छौ भण्नया खबर तिनले दियो। हाम लगइ तमनलाइ भिट्टाइ तति इच्छा अद्दाउ। 7तबइकिलाइ बिश्वासि भाइन हो, हामरा सारा दु:ख रे सतावटमी तमन आफना बिश्वासमि बलिया छउ भण्या सुणिबर हाम उत्साहित भयाछौ।

8क्याकि यदि तमन प्रभुमि दरिला रया भण्या हामरो जीवन अर्थपूर्ण हुन्छ। 9सब आनन्द जो तमरा खातिर परमेश्वरमि हाम अनुभव अद्दाउ तइको निउति रे तमन किलाइ हामले परमेश्वरलाइ जति धन्यबाद दिया लगइ थोकाइ हुन्छ। 10तमनलाइ आजी भेटीबर प्रभु येशू ख्रीष्टमी और बलियो बिश्वास होस भणबर तमरो सहयोग अद्दाइलाइ हाम लगातार भौत प्रार्थना अद्दाउ।

मण्डलिकिलाइ प्रार्थना

11हाम प्रार्थना अददाउ कि परमेश्वर हमरा पिता रे हामरा प्रभु येशूले तमनलाइ भेट्टाइ सम्भब बनाइ दिउन। 12हाम प्रार्थना अददाउ कि हामरा प्रभु येशूले एक-अर्खालाइ रे सब मान्सनसित प्रेम अददाइ सहयोग अरुन, प्रभुले तमरो प्रेमलाइ लाइ बडाउन जसेरि हामरो प्रेम तमनकीलाइ पइल्ली बठेइ छ। 13हाम प्रार्थना अददाउ कि हामरा प्रभु येशूले तमरा हृदय बलियो बनाउन ताकि तमन परमेश्वर हमरा पिताको उपस्थितिमि पबित्र रे निष्खोट हुन सक जब हामरा प्रभु येशू आफ्ना मान्ससित फर्किबर आउन्याहुन।

Currently Selected:

१ थेसलोनिकि 3: DTYNT

Highlight

Copy

Compare