KETANGKASEN 22

1Ituduhken malekat e man bangku lau si mereken kegeluhen. Lau e erkilat-kilat bagi kristal. Lau e rehna i bas kursi Kinirajan Dibata ras Anak Biri-biri e nari, #Esek 47:1; Sak 14:8 2janah maler arah tengah-tengah pasar kota e. Arah kawes ras kemuhen lau e lit batang kayu kegeluhen, si erbuah sepuluh dua kali setahun, e me sebulan sekali. Bulungna ipake guna pepalem bangsa-bangsa. #Kej 2:9 3La lit i bas kota e si kena sumpah Dibata. Kursi Kinirajan Dibata ras Anak Biri-biri e lit i bas kota e, janah suruh-suruhenNa nembah me man baNa. #Sak 14:11 4Idah suruh-suruhen e me ayoNa, janah isuratken pe gelar Dibata i bas perdempaken suruh-suruhen e. 5Lanai lit berngi, janah terang lampu ras sinalsal matawari pe lanai perlu sabap Tuhan Dibata me si nerangi suruh-suruhen e, janah kalak enda erkuasa jadi raja seh rasa lalap. #Jes 60:19; Dan 7:18

Kerehen Jesus

6Jenari nina man bangku, “Kata enda kerina tuhu, janah terteki. Tuhan Dibata si mereken KesahNa man nabi-nabi, dingen si enggo nuruh malekatNa encidahken man suruh-suruhenNa kai si nandangi jadi minter.”

7“Nehenlah!” nina Yesus, “Minter Aku reh! Ketuahen kalak si ngikutken Kata nubuat si tersurat i bas Kitap enda!”

8Aku, Johanes, enggo megi dingen ngidah si enda kerina. Janah kenca kubegi dingen kuidah si enda kerina, erjimpuh aku nembah i lebe-lebe malekat si ncidahkenca e man bangku. Kusembah ateku ia. 9Tapi nina man bangku, “Ola sembah aku! Aku pe suruh-suruhen nge, bali ras kam, bali ras senina-seninandu nabi-nabi e; bage pe bali ras kerina kalak si ngikutken kata-kata si tersurat i bas Kitap enda. Sembahlah Dibata!” 10Tole nina malekat e man bangku, “Ola tutupi Kata nubuat si tersurat i bas Kitap enda, sabap enggo ndeher paksana si enda kerina jadi. 11Kalak jahat iteruskennalah erbahan jahat; kalak si melket lagu-langkahna iteruskennalah erlagu langkah si melket; kalak si mehuli iteruskennalah erbahan mehuli janah kalak si enggo iserapken guna Dibata teruslah ia nggeluh guna Dibata.” #Dan 12:10

12Nina Jesus, “Nehenlah! Pedas me Aku reh! Kubaba me upah man kerina jelma rikutken kai si enggo ibahanna. #Jes 40:10; 62:11; Msm 28:4; Jer 17:10 13Aku kap si erkuasa mula-mulana nari seh ku kedungenna; Aku kap Tuhan mula-mulana nari ku pendungina.” #Ket 1:8; Jes 44:6; 48:12; Ket 1:17; 2:8

14Ketuahen kalak si naptapi jubahna seh bersih. Lit hakna man buah batang kayu kegeluhen e ras bengket arah pintun-pintun gerbang ku bas kota e. #Kej 2:9; 3:22 15Idaraten kuta e ringan kalak si mbau lagu langkahna, tukang sihir, perlua-lua, pemunuh, kalak si nembah berhala bage pe kalak si perguak subuk i bas kata ras i bas perbahanen.

16“Aku, Jesus, enggo nuruh malekatKu meritaken si enda man bandu kerina guna kiniulin perpulungen-perpulungen. Aku kap urat ras kesusuren Daud; Aku me bintang erpagi-pagi si terang e.” #Jes 11:1,10

17Nina Kesah Dibata ras Penganten si Diberu e, “Marilah!”

Kerina si megi kata enda pe arus ikatakenna, “Marilah!”

Ise si muas rehlah ia! Janah ise si mesikel, ibuatnalah lau kegeluhen e, la pada nggalar. #Jes 55:1

Kata Pendungi

18Kusehken kata pertenget man kerina kalak si megi kata-kata nubuat si tersurat i bas kitap enda, “Adi lit kalak si nambah-nambahi isi kitap enda itambahi Dibata me man bana mara-mara si enggo isuratken i bas kitap enda. #Ul 4:2; 12:32 19Janah adi lit kalak si ngkurangi sitik lah gia kata-kata nubuat si tersurat i bas kitap enda, maka ikurangi Dibata baginna i bas buah batang kayu kegeluhen nari, bage pe baginna i bas kuta si Badia si enggo isuratken i bas kitap enda.”

20IA, si naksiken kerina enda ngataken, “Payo, bage me jadina. Pedas Aku reh!”

Amin. Marilah, o Tuhan Jesus!

21Lias ate Tuhan Jesus ras kam kerina gelah.

Currently Selected:

KETANGKASEN 22: BTX

Highlight

Compare

Copy