MASMUR 99
99
TUHAN kap Raja si Meganjangna
1 TUHAN kap raja,
manusia nggirgir.
IA kundul i bas kursi kinirajanNa i babo kerubim
doni pe mugur-ugur. #Kel 25:22
2Mada Kuasa kal TUHAN i Sion,
IA kap ngkuasai kerina bangsa-bangsa.
3Kerina kalak muji gelarNa si mulia medolat,
Badia kap IA!
4O TUHAN, Kam kap Raja si mbisa; ngena ateNdu kebenaren,
enggo ipajekkenNdu kinibujuren,
kinibujuren ras kebenaren idalankenNdu i Israel.
5Pujilah TUHAN, Dibatanta,
nembah erjimpuhlah i adep-adepen kursi kinirajanNa,
Badia kap IA!
6Musa ras Harun kap imamna,
Samuel e me kap kalak si tutus ertoto man baNa,
erlebuh ia man baNa janah idengkehkenNa pertotonna.
7I bas binangun embun nari ngerana IA man kalak kerina,
ipatuhina kerina perentah-perentahNa. #Kel 33:9
8O TUHAN Dibata kami, Kam enggo ndengkehken ia;
Kam kap Dibata si nggit ngalemi dosana,
aminna pe iukumNdu kang kalak erkiteken dosa-dosana.
9Pujilah TUHAN Dibatanta,
ersembahlah i bas delengNa si badia,
TUHAN Dibatanta Badia kap.
Currently Selected:
MASMUR 99: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
