MASMUR 24
24
Raja mulia
1Masmur Daud.
TUHAN kap simada doni ras isina kerina.
TUHAN kap si mada pertibi ras si nggeluh i je. #1Kor 10:26
2IpajekkenNa palasna i bas lawit si mbagesna,
ipantekiNa i babo lau si mbages si lit i teruh doni.
3Ise kin metunggung nangkih ku Deleng TUHAN
dingen bengket ku bas rumahNa si badia?
4E me, kalak si bersih perukuren ras perbahanenna,
si la ersumpah guak ntah nembah man gana-gana. #Mat 5:8
5Kalak si bage ipasu-pasu TUHAN kap,
keadilen Dibata si engkelini ia.
6Bage me kalak si reh nembah man Dibata,
kalak si reh ku adep-adepen Dibata nu Jakup.
7Angkatlah pintu gerbang si nuria,
maka bengket Raja mulia.
8Ise kin Raja mulia e?
E me TUHAN si mbisa,
TUHAN si permenang i bas perang.
9Angkatlah pintu gerbang si nuria
maka bengket Raja mulia.
10Ise kin Raja mulia e?
TUHAN si permenang.
IA me raja si mbelin e!
Currently Selected:
MASMUR 24: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
