MASMUR 129
129
Pertoton guna ngelawan musuh
1O Israel, turiken uga pengayak-ngayak kalak kam
paksa kitikndu nari.
2“Mulai kin kitikku nari, enggo aku iayak-ayak musuh-musuhku,
tapi la tertalukenca aku.
3Mbages pengelukaina gurungku,
bali ras juma si mbaru dung itenggalai.
4Tapi TUHAN bujur kap,
enggo ipulahiNa aku i bas perbudaken kalak jahat nari.”
5La banci lang talu dingen surut
kalak si ernembeh ate man Sion.
6Jadilah ia bali ras dukut si turah i datas tarum,
melus ope mbelin.
7La lit kalak si pepulungsa,
ntah si mberkissa.
8Kalak si mentasisa, sekalak pe la ngatakenca,
“TUHAN si masu-masu kam!
Ipasu-pasu kami kam i bas gelar TUHAN.”
Currently Selected:
MASMUR 129: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
