MASMUR 120
120
Pertoton mindo penampat
1Tupung i bas kiniseran erlebuh aku man TUHAN,
jenari ialoiNa aku.
2O TUHAN, pulahi min aku,
i bas kalak perguak dingen penipu nari.
3O penipu, kai si nandangi ibahan Dibata man bandu?
Uga ndia pengukumNa kam?
4IukumNa me kam alu panah si entelap,
dingen alu rara api si gara!
5Cilaka kal aku, sabap arus nggeluh ras kam;
la kap lit lainna tading i Mesek,
ntah pe i tengah-tengah kalak Kedar.
6Enggo ndekah aku nggeluh tading ras ia,
ras kalak si ernembeh ate man perdamen.
7Adi ngerana aku kerna dame,
riahen iakapna erperang.
Currently Selected:
MASMUR 120: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
