MASMUR 108
108
Pertoton mindo penampat lako ngelawan musuh
(Masmur 57:7-11; 60:5-12)
1Masmur Daud; ende-enden.
2Enggo tetap kal ukurku, o Dibata.
Ateku rende dingen muji Kam. #Msm 57:8-12
3Kekeken o tendingku!
Kekelah, o kulcapingku dingen murdapku.
Kuingeti ateku matawari erpagi-pagi.
4 TUHAN, kukataken bujur bandu i tengah-tengah bangsa-bangsa,
kupuji ateku Kam i bas bangsa manusia kerina.
5Keleng ateNdu si tetap ganjangen asangken langit,
pertetapNdu seh ku bas awang-awang.
6O Dibata, cidahkenlah kinibelinenNdu i datas awang-awang,
dingen kemulianNdu i belang-belang doni enda.
7Pulahi aku alu kuasaNdu,
dengkehken pertotonku, pulahi kalak si ikelengiNdu. #Msm 60:7-14
8I bas inganNa si badia nari erpadan TUHAN,
“Alu ukur meriah kubagi-bagiken Sikem,
dingen Baluren Sukot Kubagiken man bangsangKu.
9Gileat ras Manase Aku empuna,
Eperaim kap topi wajangKu,
Juda e me tongkat kinirajanKu.
10Tapi Moap e me ingan lau perburihenKu,
tandana ia sikerajangenKu.
Jenari man Edom Kubenterken sulampakKu
ersurak-surak Aku perban Pilisti enggo Kutaluken.”
11O Dibata, ise mabai aku ku Edom?
Ise mabai aku ku negeri si erbenteng e?
12Tuhu kin enggo kami itadingkenNdu?
La kin ateNdu ikut erperang radu ras tentera kami?
13Sampati kami ngimbangi musuh,
sabap penampat manusia sia-sia nge.
14Adi Kam ras kami, o Dibata menang me kami;
Kam kap si naluken musuh kami.
Currently Selected:
MASMUR 108: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
