MASMUR 101
101
Padan sekalak raja
1Rende ateku man baNdu, o TUHAN,
ende-endenku e me kerna kesetian ras kebujuren.
2Ateku nggeluh la erpandangen;
ndigan Kam reh ndahi aku?
Ateku nggeluh badia i bas rumahku,
3kutera pe la kupediat lit kejahaten.
Nembeh ateku perbahanen kalak si nundalken Kam,
la aku nggit erteman ras ia.
4Ukur si la pinter kusilahken,
dingen kejahaten la kudeheri.
5Kalak si erbuni-buni njuruken temanna,
kukernepken me ia.
Kalak megombang dingen meganjang rukur,
la ku kapiti.
6Ngena ateku man kalak si tutus;
kubere ia tading i bas rumahku.
Kalak si geluhna la erpandangen,
kubere ia ngelai aku.
7Penipu la banci i bas rumahku,
kalak si pekulah-kulah la banci ndekah i lebengku!
8Tep-tep wari ateku ngkernepken
kerina kalak jahat i bas negeri enda.
Asa kalak si ngelakoken si jahat,
kubeneken i bas kuta TUHAN nari.
Currently Selected:
MASMUR 101: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
