NEHEMIA 10
10
1Pemenana si neken e me gubernur Nehemia anak Hakalia, janah kenca e Sedekia. Kalak si tersurat gelarna arah teruh enda pe neken, e me:
2-8 Imam-imam:
Seraya, Asaria, Jeremia,
Pashur, Amaria, Malkiya,
Hattus, Sebanya, Malluk,
Harim, Meremot, Obaja,
Daniel, Ginneton, Baruh,
Mesullam, Abia, Miyamin,
Maasia, Bilgai, ras Semaya.
9-13 Kalak Lewi:
Jesua anak Asania,
Binnui i bas terpuk Henadad,
Kadmiel, Sebaya, Hodia,
Kelita, Pelaya, Hanan,
Miha, Rehob, Hasabia,
Sakkur, Serebia, Sebaya,
Hodia, Bani, ras Beniu.
14-27 Peminpin-peminpin bangsa e:
Paros, Pahat Moap,
Elam, Sattu, Bani,
Buni, Asgat, Bebai,
Adonia, Bigwai, Adin,
Ater, Hiskia, Assur,
Hodia, Hasum, Besai,
Harip, Anatot, Nebai,
Magpias, Mesullam, Hesir,
Mesesabel, Sadok, Jaddua,
Pelatia, Hanan, Anaya,
Hosea, Hanania, Hassup,
Hallohes, Pilha, Sobek,
Rehum, Hasabna, Maaseya,
Ahia, Hanan, Anan,
Malluk, Harim ras Baana.
Kata perpadanen e
28Kami bangsa Israel, imam-imam, kalak Lewi, pengawal Rumah Pertoton, pemain musik Rumah Pertoton, si erdahin i bas Rumah Pertoton, ras kerina kalak si deban i ja erkiteken kepatuhenna man Undang-undang Dibata enggo nirangken dirina i bas bangsa-bangsa si deban nari si ringan i bas negeri kami, kami kerina radu ras ndehara kami bage pe kerina anak-anak kami si enggo ngasup ngantusisa, 29rikut pe ras peminpin-peminpin kami, alu enda ersumpah maka kami nggeluh sue ras Undang-undang Dibata si iberekenNa arah Musa suruh-suruhenNa; kasa kai si iperentahken TUHAN, e me TUHAN kami, ipatuhi kami; kasa kai undang-undang ras peraturenNa idalanken kami, adi la ilakoken kami si enda kerina, kena sumpah kami.
30La kami si empon ras bangsa si deban si ringan i bas negeri kami. #Kel 34:16; Ul 7:3
31Adi lit bangsa si deban si maba gandum ntah barang-barang si deban janah idayakenna atena man kami tupung wari Sabat tah pe tupung wari-wari si badia si deban, la itukur kami.
Tep-tep tahun si pepituken la isuani kami taneh kami, janah isasapken kami kerina utang kalak. #Kel 23:10-11; Im 25:1-7; Ul 15:1-2
32Tep-tep tahun ibereken kami penampat kami lima gram pirak guna nggalari biaya-biaya Rumah Pertoton. #Kel 30:11-16
33Guna kebaktin i bas Rumah Pertoton kami nikapken barang-barang si tersinget enda: roti si badia, persembahen buah gandum si tep-tep wari, asuh-asuhen si jadi persembahen tutungen i bas wari-wari si iperluken, persembahen si badia guna wari Sabat, Wari Raya Bulan Mbaru, ras wari-wari raya si deban, persembahen guna pengalemi dosa-dosa Israel, ras kasa kai si debanna si iperluken guna Rumah Pertoton.
34Kami, jelma si nterem, imam-imam, ras kalak Lewi, tiap tahun erbahan tikam tanduk lako nentuken terpuk si apai sinikapken ranting guna nutung si ipersembahken man TUHAN Dibata kami, sue ras peraturen si lit i bas Undang-undang.
35Tep-tep tahun itaruhken kami persembahen kami ku Rumah Pertoton, e me buah gandum si pemena si iperani kami, bage pe buah kayu kami si pemenana tasak i bas batangna. #Kel 23:19; 34:26; Ul 26:2
36Anak dilaki si pemena tubuh ku tengah jabu kami sekalak-sekalak itaruhken kami man imam-imam i bas Rumah Pertoton janah i je, sue ras peraturen si lit i bas Undang-undang iendesken kami ia man Dibata. Anak lembu kami si pemena tubuh iendesken kami, bage pe anak biri-biri tah anak kambing bajarna si pemenana tubuh i bas asuh-asuhen kami. #Kel 13:2
37Tep-tep tahun itaruhken kami man imam-imam i bas Rumah Pertoton roti si ibahan i bas gandum si pemenana iperani, bage pe persembahen-persembahen kami si debanna, e me gandum, minak saitun, ras kerina erbage buah si man pangan. Itaruhken kami man kalak Lewi, pepulung persepuluhen i bas kuta-kuta perjuman kami, e me persepuluhen i bas ulih sinuan-sinuan si turah i bas taneh kami. #Bil 18:21 38Imam-imam kesusuren Harun arus nemani kalak Lewi, asum persepuluhen e ipepulung, janah si man paken i bas Rumah Pertoton arus ibaba kalak Lewi ku gudang Rumah Pertoton, e me sepersepuluh i bas kerina persepuluhen si ipepulungna. #Bil 18:26 39Bangsa Israel bage pe kalak Lewi arus naruhken gandum, lau anggur, ras minak saitun pemere kalak, ku gudang ingan nimpan perkakas Rumah Pertoton, i ja ringan imam-imam si sangana ertugas, pengawal Rumah Pertoton, ras anggota koor Rumah Pertoton.
Rumah Dibata kami tetap iperdiateken kami.
Currently Selected:
NEHEMIA 10: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
