JOSUA 15
15
Daerah si ibereken man suku Juda
1Keluarga-keluarga suku Juda ngaloken sada bagin taneh e bagi si ituriken arah teruh enda:
Taneh e seh ku ujung Selatan taneh mesawang Sin, i perbalengen Edom. 2Baleng si arah Selatan mulai i bas ujung Selatan Lawit Mate nari, 3terus kempak Selatan i bas dalan Akrabim nari jenari terus ku Sin. Kenca bage terus arah Selatan Kades-Barnea, mentasi Hesron jenari nangkeng ku Adar, mbelok kempak Karka, 4terus ku Asmon, janah ngikuti lau i perbalengen Mesir terus ku Lawit Tengah; i je me ujung balengna. Enda me baleng daerah Juda arah Selatan.
5Balengna arah Timur e me Lawit Mate terus ku das ku tampuk Lau Jordan inganna muangken launa ku lawit e.
Balengna arah Utara mulai i jenari, 6terus nangkeng ku Bet Hogela, jenari terus ku Utara uruk-uruk i babo Baluren Lau Jordan. Kenca bage nangkeng ku Batu Bohan. (Bohan e me sekalak anak Ruben.) 7I Baluren Kesusahen nari nangkeng ku Debir, jenari kenca e mbelok ku Utara kempak Gilgal, petala-tala ras Dalan Adumim arah bagin Selatan baluren e. I jenari terus ka ku ulu lau Ensemes, jenari ndarat ku Enrogel, 8jenari nangkeng arah tengah-tengah Baluren Hinnom i Selatan uruk ingan kuta Jerusalem, kuta kalak Jebusi. Baleng e terus nangkeng ku das uruk i Barat Baluren Hinnom, i ujung Utara Baluren Repaim. 9I jenari baleng e terus ku ulu lau Neptoa jenari ndarat ku kuta-kuta deher Deleng Epron. I je mbelok kempak Baal (ntah pe Kiryat Jearim), 10jenari erputar i Barat Baala kempak deleng-deleng Seir, terus ku Utara deleng Jearim (ntah pe Kesalon), ngincuah ku Bet Semes, jenari terus mentasi Timna. 11I jenari terus ku deleng si lit i Utara Ekron, mbelok kempak Sikeron, mentasi deleng Baala, jenari terus ku Jamnia. Ujungna e me i Lawit Tengah, 12si jadi balengna arah Barat.
I bas baleng-baleng enda ndai me ringan kalak si bengket ku bas keluarga Juda.
Kalep naluken Hebron ras Debir
(Hak 1:11-15)
13Sue ras iperentah TUHAN man Josua, sada bagin daerah Juda iberekenna man Kalep anak Jepune, i bas suku Juda nari. Ialokenna Hebron kuta sikerajangen Arba, bapa Enak. 14Ipelawes Kalep kesusuren Enak i bas kuta e nari: e me kempu-kempu Sisai, Ahiman, ras Talmai. 15I jenari lawes ia merangi kalak si ringan i Debir. (Kuta enda nai igelari Kiryat Seper.) 16Nina Kalep, “Kuserehken anakku Aksah man kalak si ngasup naluken Kiryat Seper.” 17Otniel anak senina Kalep, Kenas gelarna, naluken kuta e, e maka iberekenna anakna Aksah jadi ndehara Otniel. 18I bas wari perjabunna e isekseki Otniel ndeharana gelah ipindona taneh perjuman man bapana, Kalep. Nusur ia i das keledena nari, e maka isungkun Kalep ia kai sura-surana. 19Nina erjabap, “Ateku mindo ulu lau man bandu. Sabap taneh si enggo iberekenndu man bangku la erlau.” E maka ibereken Kalep man bana ulu lau si arah gugung ras si arah berneh.
Kuta-kuta Juda
20Enda me taneh si ialoken keluarga suku Juda jadi sikerajangenna. 21Kota-kota si ndauhna ku Selatan si man bana, si ndeher ras perbalengen Edom, e me Kabseel, Eder, Jagur, 22Kina, Dimona, Adada, 23Kedes, Hasor, Itnan, 24Sip, Telem, Bealot. 25Hasor Hadata, Keriot Hesron (ntah pe Hasor), 26Amam, Sema, Molada, 27Hasar Gadda, Hesmon, Betpelet, 28Hasar Sual, Berseba, Bisiotia, 29Baala, Iim, Esem, 30Eltolat, Kesil, Horma, 31Siklak, Matmanna, Sansanna, 32Lebaot, Silhim, Ain, ras Rimon. Kerinana lit dua puluh siwah kuta, rikut pe ras kuta-kuta i sekelewetna.
33Kuta-kuta si iteruh deleng e me: Estaol, Sora, Asna, 34Sanoa, En-Gannim, Tapua, Enam, 35Jarmut, Adulam, Soko, Aseka, 36Saraim, Aditaim, Gedera, ras Gederotaim, kerinana lit sepuluh empat kuta, rikut pe ras kuta-kuta i sekelewetna.
37Lit ka pe Senan, Hadasa, Migdalgat, 38Dilean, Mispa, Jokteel, 39Lakis, Boskat, Eglon, 40Kabbon, Lahmam, Kitlis, 41Gederot, Bet-Dagon, Naama, ras Makeda, kerinana lit sepuluh enem kuta-kuta, rikut pe ras kuta-kuta i sekelewetna.
42Lit ka pe Lipna, Eter, Asan, 43Ipta, Asna, Nesip, 44Keila, Aksip, ras Maresa, kerinana lit siwah, rikut pe ras kuta-kuta i sekelewetna.
45Lit ka pe Ekron ras kuta-kutana bage pe dusun-dusunna, 46bage pe kerina kuta-kuta ras kuta-kuta deher Asdot, i Ekron nari seh ku Lawit Tengah.
47Lit ka pe, Asdot ras Gasa, ikut pe kuta-kuta ras dusun-dusunna, seh ku lau i bas perbalengen Mesir ras ku tepi Lawit Tengah.
48I deleng-deleng lit kuta-kuta Samir, Jattir, Soko, 49Danna, Kiryat Seper (ntah pe Debir), 50Anap, Estemoa, Anim, 51Gosen, Holon, ras Gilo, sepuluh sada kuta kerina, rikut pe ras kuta-kuta i sekelewetna.
52Lit ka pe Arab, Duma, Esan, 53Janin, Bet Tapua, Apeka, 54Humtah, Hebron, ras Sior, siwah kuta kerina, rikut pe ras kuta-kuta i sekelewetna.
55Lit ka pe Maon, Karmel, Sip, Jutta, 56Jesreel, Jokdeam, Sanoah, 57Kain, Gibeah, ras Timna, sepuluh kuta kerina, rikut pe ras kuta-kuta i sekelewetna.
58Lit ka pe Halhul, Betsur, Gedor, 59Maarat, Bet-Anot, ras Eltekon, enem kuta kerina, rikut pe ras kuta-kuta i sekelewetna.
60Lit ka pe Kiryat Baal (ntah pe Kiryat Jearim) ras Raba, dua kuta, rikut pe ras kuta-kuta i sekelewetna.
61I gurun pasir lit ka pe Bet-Araba, Middin, Sekaka, 62Nibsan, kuta Sira ras En-Gedi, enem kuta kerina, rikut pe ras kuta-kuta i sekelewetna.
63Tapi kalak Juda la ngasup pelawes kalak Jebusi, si ringan i Jerusalem. Kalak Jebusi tetap denga ringan i je ras kalak Juda.
Currently Selected:
JOSUA 15: BTX
Highlight
Share
Compare
Copy
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
