HOSEA 3
3
Hosea ras diberuna si la setia
1Nina TUHAN man bangku, “To, kelengilah sekali nari diberu si enggo erlagu la mehuli ras dilaki si ngena atena. Arus ikelengindu ia bagi Aku engkelengi bangsa Israel denga, aminna pe enggo ia nilah kempak dibata-dibata si deban, janah pet kal ia man buah anggur si enggo ikerahken, si ipersembahken man berhala-berhala.”
2E maka kubuat diberu ndai alu nggalari tukurna sepuluh lima duit pirak ras 150 kilo gandum. 3Kukataken man bana maka itimaina aku ndekah sitik alu la erlua-lua tah pe erlagu la mehuli; janah kidekah si e aku pe arus nimai ia. 4Bage ka me pe maka bangsa Israel arus ndekah la er-raja tah pe erpeminpin, la erbahan persembahen, la lit binangun batu sembah-sembahenna, la erberhala-berhala, la lit gana-gana si ipake man sungkun-sungkunenna. 5Tapi paksana la banci la reh, i ja sekali nari bangsa Israel mulih kempak TUHAN Dibatana, ras kempak kesusuren Daud, rajana e. Kenca bage maka erkemalangen ia kempak TUHAN, tama kiniulin man bana.
Currently Selected:
HOSEA 3: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
