ESEKIEL 15
15
Anding-andingen kerna batang anggur
1Kata TUHAN seh man bangku nina, 2“O manusia si ermasap-masap, lit kin kelebihenna kayu batang anggur i bas kayu-kayu si deban si seri buahna ras anggur? 3Terpake kin akapndu kayuna e jadi sangketen kailah gia? 4Kayu batang anggur jadi ranting ngenca lakonna. Janah adi ujung-ujungna enggo meseng, i tengah enggo raci, banci denga kin jadi kailah gia? 5Ope denga meseng pe la erguna, apai denga ka kenca meseng dingen raci, tentu lebih la erguna ka.”
6Genduari bagenda nina TUHAN si Erdolat, “Bali ras sada batang anggur si ibuat i bas kerangen nari jenari iciluk, bage me kalak si ringan i Jerusalem kubuat, 7jenari Kuukum. Aminna pe enggo pulah ia i bas api nari, genduari alu api ka nge ia ikernepken. Kenca Kuukum ia, ietehndu me maka Aku kap TUHAN. 8Kalak e lanai erkemalangen man bangKu, e maka negeri e Kubahan jadi taneh si terulang.” Bage nina TUHAN si Erdolat.
Currently Selected:
ESEKIEL 15: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
