Issaayyaas Kitaaba Aagga
Aagga
Hiraagaanchi Issaayyaas kitaab Kiristoos qaranchiinsi illageen sadeenti xibbi hiinchi lasaanchi hegeegonne Yerusaaleemanne hee'am hee'u la'amaakkoo hiraagaanchi summinne weeshamookko. Ku kitaab sas beyyonne baxxansamaakko.
1. Ushex 1-39 yoo baxxanchi woroo'n qarinne yoo Yihuxxi gassi ixxi gabalanne yoo malaayyaam Aasoo'l adilla'n gassi hawwo afisoo'isa kuroohane. Issaayyaas Yihudanne hawwi afoo'isa issukkok Aasoo'l malaayyi ihoo'n ixxuwwi gaqqi baaxiilo, Waa'ina ijaajancha sabimmaa ee'isam Waa'anne amma'nnancha hoogimmaa ihukkisa moo'aakko. Ku hiraagaanchi la'amaakkoo'isinne minaadabii minaadaphphi awwonsaanii muccuroomii hanqii yoo heechchanne daba'llitona tiissiisimminne Waa'ina ijaajancha sabimmim bichchaa hoongee eeboohan ihukkisa qoxxisaa kurukko. Ee'isam Issaayyaas ka baxxanchanne waaroo doolluwwanne heer uullanne xummi ihimminne muccuroominne gassoo adil Daawiit shumo'iinsi ki'oo'isa gaassaahim wocaakko.
2. Ushex 40-55 yoo baxxanchi Yihuxxi minaadabiinsi lobakat qeefadamaa Baabiloona maru ammane hawwodamukkisaa neeyyata murukkisaa kuroohane. Waa'i ixxi minaadaba wolabbanonne fissaa haareechchi heechcha hee'llona Yerusaalee'm woroo amman hincukkisa ku hiraagaanchi wocaakko. Ka usheexxaxxi woronne lophphaa la'amoo sawwit Waa'i aganni hundinam annichchi ihukkisaa minaadabinam yoo ixxi qoodaa Isra'eelinnetti ihaa uulli minaadaba hundam maasse'oo'isaa kuroohane. «Waa'ina awwaadaancho» yoo sawwixxi bikkina kuroo beyyuwwi Eraa'l Hidironne lophphaa la'amoo assuwwiinsi mato.
3. Ushex 56-66 yoo baxxanchi lophphaa kurookkok Yerusaaleema daba'llimmi bikkinaa Waa'i Isra'eelina uwwu neeyyaxxi sagar hundim wo'mmooda'ee la'eena hasoo minaadaphphi bikkinatte. Muccuroo'm bikkinaa hanqi bikkinaa, Usheexxaxxi balla lonsimmi bikkinaa kitima hincaa'immi bikkinaa ee'isam qoxxakka'a Waa'a uunximmi bikkinaa annanni issaa kuroo sawwit yookko. Ka baxxanchanne lophphaa la'amookkok 61:1-2 yoohan ihaa Yesuus ixxi awwaaxxi asheero'onne weesha'n bikkina naqaash issaa awwaaxxu sagar yoohane.
Kitaaboom Kanniinsi Woroon Yoo'isanne Baxxansamaakko
1. Aagga (1:1-31)
2. Yihudinaa Isra'eelinaa kuramu assi bikkina (2:1—5:30)
3. Issaayyaas weeshaninaa ixxi luxxi assi bikkinaa (6:1—9:7)
4. Yihudinaa Isra'eelinaa odim kuramu assi bikkina (9:8—12:6)
5. Waa'i mulli minaadaba guzumo'ukkisa (13:1—23:18)
6. Neeyyaxxi assi u'nnanne yoo Waa'i minaadabina (24:1—27:13)
7. Waa'i boqqi minaadaba guzumo'oohan ihukkisa (28:1—31:9)
8. Waa'i Eedooma guzumo'oo'isaa Yerusaaleema maasse'oo'isaa (32:1—35:10)
9. Aasoor, Baabiloon, adil Hizqiyaasii Issaayyaasii (36:1—39:8)
10. Waa'i ixxi minaadaba gatisoohan ihukkisa (40:1—48:22)
11. Waa'ina awwaadaanchi bikkina (49:1—53:12)
12. Waa'i aagu neeyyata egeroo'isa (54:1—55:13)
13. Manni hundim Waa'i minaadab iheena xanoo'isa (56:1-8)
14. Waa'ina amma'nnamoobee'i awwonsaan guzumo'amoo'isa (56:9—59:21)
15. Yerusaaleemina lombi neeyyat yoo'isa (60:1—62:12)
16. Maalalsiisoo haareechchi Waa'i qooccanchi bikkina (63:1—66:24.)
Currently Selected:
Issaayyaas Kitaaba Aagga: KeesKita
Highlight
Copy
Compare
Share
Want to have your highlights saved across all your devices? Sign up or sign in