Dubbii Nagayaa Ka Maarqoosii 7
7
Seera Rabbiitii Fi Aadaa Abbootaa
(Mat. 15:1-9)
1Fariisonninii fi barsiisonni Seeraa worri Yerusaalemii dhufan gariin Yesuusiin biratti wol gayan. 2#Luq. 11:38 Darasoota isaa keessaa gariin uduu hin dhiqanne harka xuri'iitiin uduu xoroshoo nyaatan argan; 3Fariisonninii fi Yihuudonni maruu seera manguddootaa eegu'uuf harka ufii midhaassanii uduu hin dhiqatin hin nyaatan. 4#Mat. 23:25; Luq. 11:39 Gabaya'aa yoo deebi'an uduu uf hin qulqulleessin hin nyaatan. Aadaan isaan kabajjan ka biraallee heddutu jira; isaan kobbee, ottee, qorii, waan akka sibiila irraa hojjatamee fi siree fa'a dhiqu'u. 5Kanaaf Fariisonninii fi barsiisonni Seeraa, «Darasoonni tee maaf akka aadaa manguddootaatitti jiraatuu dhiisanii harka xuri'iitiin hurbaata#7:5 dhiyana: hurbaata nyaatan?» jedhanii Yesuusiin gaafatan. 6Inni ammo deebisee, «Bada fakkeessitoota, Isaayyaas waan keessan raagee, ‹Baniin kun afaaniin na kabajja; garaan isaanii na irraa fago'o. 7#Isa. 29:13 Aadaa namaa akka ajaja Rabbiititti barsiisa'aa, na waaqeffatuun isaanii gatii hin qabu› ka jedhe dhuga'a. 8Isin ajaja Rabbii dhiiftanii xuwwe'ee fi ottee dhiqu'uun seera namaa eeddan. Kanaaf waan kana fakkaatu waan biraallee waan heddu gootan» isaaniin jedhe. 9Yesuus akkana isaaniin jedhe: «Aadaa teessan jabeessu'uuf jettanii ajaja Rabbii guddiftanii tuffattan. 10#Ser. Ba'u. 20:12; 21:17; Kes. Deb. 5:16; Ser. Lak. 20:9 Muuseen, ‹Haadhaa fi abbaa kee kabajji! Ka haadhaa fi abbaa ufii abaaru haa ajjeefamuu› jedhee ajajee waan tureef. 11Isin ammo namni tokko haadhaan yookaan abba'aan ‹gargaarsa na irraa argattan maraa kennaa godhee kenneera› uduu isaaniin jedhee, 12isin namni kun asiin maayessa haadhaaf ta'ee'e abba'aaf, woma tokkollee akka isaaniif godhu hin hayyamtaniif. 13Aadaa teessan ta wolitti dabarsitan sanniiniif dubbii Rabbii diiddan. Akkasuma waan kanniin fakkaatu waan heddu gootan.
Waan Nama Batteessu
(Mat. 15:10-20)
14Akkasuma baniillee waamee, «Isin martinuu na dhageeffadhaa'a; qalbeeffadhalle'e. 15#Hu. Er. 10:14,15,28 Wonti nama batteessu waan keessa namaatii bayu malee, ka diidaa gara gara'aa seenu tokkollee nama hin batteessu. 16[Ka gurra dhagayu qabu yoo jiraate haa dhagayuu]» isaaniin jedhe. 17#4:10; Mat. 13:36; Luq. 8:9 Banii keessaa gara manaa hennaa seene darasoonni isaa waan mammaaka sanii isa gaafatan. 18Inni akkana isaaniin jedhe, «Isinillee kana maraa worra hin qalbeeffannee? ka diidaa gara afaanii seenu sirimaa akka nama hin batteessine hin argitanii? 19#Hu. Er. 10:15; Rom. 14:14; Qor. 1ffaa 10:25-28; Qol. 2:16; Tit. 1:15 Gara gara'aa seenee gara diidaa baya malee, gara qalbi'ii hin seenu» Yesuus akkana jechu'uun nyaanni martinuu qulqulluu akka ta'e ibse.
20Yesuus itti aansee akkana jedhe, «Waan garaa namaa keessaa bayutu nama batteessa. 21Wonti garaa namaa keessaa bayu yaada hamaa, seebaruu, hanna, ajjeesuu, 22sagaagaluu, luqunuu, hammeenna, sobuu, adaba dhabuu'u, hinaaffaa, maqaa nama balleessuu'u, uf jaju'uu fi ceem'uu fa'a. 23#Rom. 1:28-31; Qor. 1ffaa 5:11; 6:9-10; Gal. 5:19-21; Efe. 5:3-5 Hamtuun kun martuu keessa namaatii bayee nama batteessa.»
Amantii Dubartii Takkaa
(Mat. 15:21-28)
24Yesuus achii ka'ee gara biyya Xiroosiitii fi Siidoona'aa dhaqee gara mana tokkoo seene. Akka inni achi jiru eennullee akka beeku hin barbaanne; haa ta'uu ammo dhokachuu hin dandeenne. 25Dubartiin takka ta mucattiin isi'ii ayyaana batti'iin qabamteertu gurra Yesuusii dhageettee dhuftee luka isaa jalatti jidde. 26#Rom. 1:14-16 Dubartittiin sun nama Giriikiiti; isiin biyya Sooriya'aa keessatti hulee Finiiqee jedhamtutti dhalatte. Isiin akka mucattii isi'ii keessaa jinnii baasuuf Yesuusiin kadhatte. 27Yesuus ammo, «Mee dura ijoolleen nyaattee haa quuftuu; nyaata ijoolle'ee fuudhanii sariinii darbuun sirri'ii miti» jedheen.
28Isiin deebiftee, «Ee, Gooftaa'a, sariinillee waanuma qorii ijoolle'ee irraa harca'e nyaatanii mii!» jetteen.
29Inni isi'iin, «Dubbima kee kanaafuu jinniin mucattii tee keessaa bayeera; gara mana keetii gali» jedhe. 30Isiin hennaa gara manaa deebitee galte jinniin mucattii keessaa bayee mucattiinillee ta siree irra ciifteertu argite.
Yesuus Namicha Gurraa Fi Afaan Duude Fayyise
31 #
Mat. 15:29-31
Achiin maayii Yesuus qachaa Xiroosiitii bayee karaa Sidoona'aatiin lufee biyya qachoota kudhanii jedhamtu keessa bayee gara galaana Galiila'aa dhaqe. 32#5:23 Jarri tokko namicha gurra duuda'aa ka afaan wol hidhu#7:32 wol hidhu: giingee gara Yesuusii fidanii, akka inni harka ufii isa irra kaayuuf kadhatan.
33 #
Mar. 8:23
Yesuus namicha san gumii keessaa adda baasee, quba ufii gurra isaa keessa kaaye. Achiin maayii tufee arraba isaa tuqe. 34#6:41; Yoh. 11:41 Gara sami'ii ol jedhee laalee, hafuura guddaa baafatee, «Eftaahi» jedheen. Akkas jechuun, «Banami!» jechu'u. 35Yoosuu gurri isaa banamee arrabni isaallee hiikkamee qajeelchee dubbate.
36 #
1:43-45; 5:43 Yesuus eennuttillee akka hin himne isaan seere. Isaan ammo guddisanii odeessan. 37#Isa. 35:5 Worri dhagayan maruu waan kana hagaa olitti maalalfatan, «Wonti inni godhe martuu misha'a; worri gurra duude akka dhagawu, worri afaan duude akka dubbatu godha!» jedhan.
Currently Selected:
Dubbii Nagayaa Ka Maarqoosii 7: KitWoy
Highlight
Copy
Compare
Share
Want to have your highlights saved across all your devices? Sign up or sign in
