Dubbii Nagayaa Ka Maarqoosii 6
6
Yesuus Naazireetitti Tuffatame
(Mat. 13:53-58; Luq. 4:16-30)
1Yesuus achiillee bayee gara qachaa ufii dhaqe; darasoonnillee isa faanaa deeman. 2#Mat. 7:28; Yoh. 7:15 Inni guyyaa Sambataatiin mana sagada Yihuudotaatitti barsiisuu jalqabe. Worri isa dhagayan heddu isaanii maalalfatanii, «Namni kun waan kanniin eessaa argate? Ogummaa attamiititu isaa kennameera? Baasa akkanaa kanniin attamitti huja? 3#3:31; Mat. 11:6; Yoh. 6:42 Inni ogeessa muka bocu; ilma Maariyaamiitii mii? Ilmaan haadhaallee Yaaqoob, Yooseef, Yihuuda'aa fi Simoon fa'aa mii? intallan haadhaallee as nu bira jiranii mii?» jedhanii tuffatanii isa didan. 4#Yoh. 4:44; 7:5 Yesuusillee, «Raanni tokko biyya biraatitti malee biyya ufii, fira ufiitii fi mana ufiititti hin kabajjamu» isaaniin jedhe. 5#5:23 Inni achitti dhukkubsattoota hagoo irra harka ufii kaayee fayyise malee baasa biraa achitti hujuu hin dandeenne. 6#Mat. 8:10; 9:35 Amantii dhabuu isaaniitiinillee guddisee maalale; Yesuus gandoota biraatii gara ganda biraa naannaya'aa barsiisa'aa ture.
Yesuus Ergamtoota Kudha Lamaa Erge
(Mat. 10:5-15; Luq. 9:1-6)
7 #
Luq. 10:1
Achiin maayii inni darasoota kudha lamman gara ufii waamee, ayyaannan battii irratti baallii kenneefii, lama lama godhee isaan erge. 8#Luq. 10:4-11; Hu. Er. 13:51 Imala keessaniif ulee malee, xoroshoo fi korojoo akka hin qabanne, birriillee sabbatatti akka hin guduunfanne isaan ajaje. 9«Luka teessanitti kophee godhadhaa'a; uffata uffattan malee ka biraa hin qabatinaa'a. 10Hulee kamittuu gara manaa yoo seentan haga achii baatanitti achuma taa'aa'a. 11Bakka isin hin simannee fi hin dhageeffanne maratti achii yoo baatan ragaa akka isaanitti ta'u daaraa luka keessanii dhadhayadhaa'a» isaaniin jedhe. 12Isaanillee bayanii akka baniin aagii galan#6:12 aagii galan: cubbuu irraa deebi'an lallaban. 13#Yaq. 5:14-15 Jinnii hedduu baasanii dhukkubsattoota hedduullee sayitii itti diba'aa fayyisan.
Du'uu Yohaannisii Cuupha'aa
(Mar. 14:1-12; Luq. 9:1-6)
14 #
8:28; Mat. 16:14; Luq. 9:19 Gurri Yesuusii waan dhagayameeruuf mootichi Heroodis waan kana dhagaye. «Yohaannisii cuupha'atu du'aa ka'eera; kanaafuu baafni kun isaan hojjatama'aara» jedhe. 15#Mat. 16:14; Mar. 8:28; Luq. 9:19 Worri kuuwwan, «Inni Eeliyaasi» jedhan; kuuwwan ammo, «Inni raattota durii keessaa tokko» jedhan. 16Heroodis hennaa waan kana dhagaye, «Kun Yohaannisii ani morma isaa mursiisetu du'aa ka'e» jedhe. 17Heroodis haadha manaa obboleessa ufii ta Filiphoosii Heroodiyaadaa fuudhee ture; inni isi'iif jedhee itti ergee Yohaannisiin qabsiisee mana hidha'aatitti hiisise. 18#Luq. 3:19-20; Ser. Lew. 18:16 Sababaan waan Yohaannis Heroodisiin, «Haadha manaa obboleessa keetii fuudhuun seeraa miti» jedha'aanii tureef. 19Herodiyaadaan ammo Yohaannisitti gadoo qabattee isa ajjeesu'uuf barbaadde. Haa ta'uu ammo isi'iif hin danda'amne. 20Sababaan Heroodis Yohaannis nama qajeela'aa fi Woyyuu akka ta'e beekee sodaatee eessisa'aa ture. Heroodis hennaa dubbii Yohaannisii dhagaye akka malee yaaddaye. Ta'ullee gammachu'uun isa jalaa dhagaya'aa ture. 21Heroodis guyyaa qaabachuu dhalatuu ufii kabajju'uuf hoggantoota, ajajoota loltuu kumaatii fi bulchoota Galiila'aatii hennaa nyaata qopheesse, Herodiyaadaan karaa argatte. 22Mucattiin Herodiyaada'aa hennaa ol seentee sirbite Heroodisii fi worra isa woliin taa'an maraa hin gammachiifte. Mootiinillee mucatti'iin, «Woma barbaadde maraa na kadhadhu sii kennaa» jedheen. 23#Ast. 5:3,6; 7:2 «Wodhakkaa mootummaa kiyyaallee yoo ta'e woma feete maraa na kadhadhu sii kennaa» jedhee kakate. 24Mucattiin baatee haadhaan, «Maal kadhadhuu?» jette; isiinillee, «Mataa Yohaannisii cuupha'aa kadhadhu» jetteen. 25Yoma san daddaftee gara mooti'ii seentee, «Mataa Yohaannisii cuupha'aa amma qori'itti akka naa kennitu barbaada» jettee kadhatte. 26Mootiin guddisee gadde; haa ta'uu ammo sababa keessummoota afo'otti isi'ii kakateef waan isiin jette dhooggatuu hin feene. 27Hennama san mootiin worra eegu keessaa loltuu tokko mana hidha'aatitti ergee, mataa Yohaannisii akka fidu ajaje. Inni dhaqee morma isaa muree, 28mataa isaa qorii keessa kaayee fidee mucatti'ii kenne. Mucattiin haadhatti kennite.
29Darasoonnillee dhagayanii dhufanii reeffa isaa fuudhanii awwaalan.
Yesuus Nama Kuma Shanii Nyaachise
(Mat. 14:13-21; Luq. 9:10-17; Yoh. 6:1-14)
30 #
Luq. 10:17
Ergamtoonni Yesuusiin biratti wol gayanii waan godhanii fi waan barsiisa'aa turan maraa himan. 31#3:20 Inni, «Hojjuma keessan gara lafa gammoojji'ii kootta'aatii diqqoo hara baafadhaa'a» jedheen. Isaanillee sababaa worri dhufanii fi worri deeman heddu ta'aniif nyaataafuu hennaa dhaban. 32Achii ka'anii Yabalaan hojja isaanii gara gammoojji'ii deeman. 33Namoonni hedduu hennaa isaan deeman arganii beekaniin; qachoota maraa keessaa bayanii lukaan fiiga'aa isaan firrisanii achi Isa biratti wol gayan.
34 #
Ser. Lak. 27:17; Mot. 1ffaa 22:17; Sen. 2ffaa 18:16; His. 34:5; Zakk. 10:2; Mat. 9:36 Yesuusillee hennaa yabala irraa bu'e banii hedduu argee akka hoolota tissee hin qabnee waan jiraniif isaanii gaddee, waan hedduu isaan barsiisuu jalqabe. 35#8:1-9; Mat. 15:32-38 Hennaa aduun dhiite darasoonni gara isaa dhiyaatanii bakki gammoojji'i; amma dhiyeeraa, 36«Waan nyaatan waan hin qabneef gara baadiyya'aa fi olloota naannoo jiranii deemanii waan nyaatan akka bitatan gad isaan dhiisi» jedhaniin.
37Inni ammo deebisee, «Isinuu waan nyaatan keenna'aafii» isaaniin jedhe. Isaan ammo, «Deemnee dinaara dhibba lamaan#6:37 diinaara dhibba lamaan: gatii guyyaa nama tokkoo ka ji'a saddeetiitiin xoroshoo binnee isaanii kenninaaree?» jedhaniin. 38Innillee, «Xoroshoo meeqa qabdan? Mee dhaqa'aa laalaa'a» jedheen. Isaanillee haga laalaniin maayii, «Xoroshoo shanii fi qurxummii lama» jedhaniin. 39Yesuus akka isaan namoota maraa tuuta tuutaan marga lalisaa irra teessisan ajaje. 40Isaan tuuta dhibba dhibbaa fi shantama shantama ta'anii tataa'an. 41#7:34; 14:22; Yoh. 17:1 Yesuus xoroshoo shanii fi qurxummii lamaan san fuudhee gara sami'ii ol laalee galata galchee, xoroshoo san caccabsee akka isaan namootaa qoodan darasoota ufiititti kenne. Qurxummii lamaanillee maruma isaaniitiif qoode. 42Maruu nyaatanii quufan. 43Hambaa xorosho'ootii fi qurxummi'ii masoobii kudha lamaa guutuu kaasan. 44Worri xoroshoo san nyaatan dhiirti callaan kuma shan.
Yesuus Bisaan Irra Deeme
(Mat. 14:22-33; Yoh. 6:16-21)
45Yoosuu uduu Yesuus banii geegessa'aaru darasoonni yabala keessa seenanii gara Beetasaayida'aa firrisanii akka lufan isaan ajaje. 46#1:35; Luq. 5:16; 6:12 Haga isaan uf irraa geegesseen maayii faateffachu'uuf gara gaaraa ol baye. 47Hennaa aduun dhiite Yaballi sun galaana wodhakkaa uduu jirtu inni hojja ufii lafa irra ture. 48Bubbeen gara isaanii bubbisa'aa waan tureef shaffisa'aan dhayata'aa akka rakkata'aaran argee, iyya lukkuu lammeesso'oo galaana irra deema'aa gara isaanii dhufee isaan bira akka waan lufuu ta'e. 49#Luq. 24:37 Isaan ammo uduu inni galaana irra deemu arganii ekeraa isa seeyanii iyyan. 50Martinuu hennaa isa argan hin bararraaqan. Inni yoosuu, «Jabaadhaa'a! na'aa, hin sodaatinaa'a!» isaaniin jedhe. 51Inni gara isaanii Yabalatti ol baye; bubbeenillee gab jedhe. Isaanillee guddisanii maalalan. 52#8:17; Mat. 16:9 Sababaan qalbiin isaanii waan duudeeruuf isaan baasa xorosho'oo san hin hubanne.
Yesuus Gensaareexitti Dhukubsattoota Fayyise
(Mat. 14:34-36)
53Yesuusii fi darasoonni isaa galaana gama yabalaan ceeyanii Geensaareexitti lafa gayan. Yabala san achitti hidhan. 54Yabala keessaa hennaa bayan yoosuu akka inni Yesuusiin ta'e beekanii, 55biyya san maraa keessa asii fi achi fiiganii namoonni naannoo biyya sanii martinuu dhukkubsattoota wosaasa'aan baadhatanii, hulema Inni gaye jedhan maraa dhagaya'aa gara isaa fidan. 56#5:27-28; Mat. 9:20; Luq. 8:44; Hu. Er. 5:15; 19:11,12 Gandootatti, qachootatti, yookaan baadiyya'atti hulee Yesuus dhaqe maratti dhukkubsattoota gara isaa fida'aa turan. Dhukkubsattoonni qaccee uffata isaa tuqu'uuf isa kadhata'aa turan; worri isa tuqan maruu hin fayyan.
Currently Selected:
Dubbii Nagayaa Ka Maarqoosii 6: KitWoy
Highlight
Copy
Compare
Share
Want to have your highlights saved across all your devices? Sign up or sign in
