Seera Bayu'uu 20
20
Ajaja Kudhanii
(Kes. Deb. 5:1-21)
1Rabbi dubbii kana maraa akkana jedhee dubbate; 2«Rabbi Waandhi kee ka garbummaa biyya Misiriitii si baase ana; 3«Anaa achi Waaqa biraa hin waaqeffatin; 4«Waan Sami'ii olii, waan Ardii irraa, waan Ardii keessaa, waan galaana keessa jiraa, fakii bocame kamiinillee Waaqa kee hin godhatin; 5Isaanii hin sagadin; hin waaqeffatinille'e; ani Rabbi Waaqa hinaafu waan ta'eef worra na jibban cubbuu abbootaa dhaloota sadeesso'oo haga arfeesso'ootitti haluu baya.#Ser. Ba'u. 34:17; Ser. Lew. 19:4; 26:1; Kes. Deb. 4:15-18; 27:15 6Worra na jaalatanii fi worra seera kiyya eegan maraaf ammo haga dhaloota kumaa araara isaaniif godha.#Ser. Ba'u. 34:6-7; Ser. Lak. 14:18; Kes. Deb. 7:9-10
7Maqaa Rabbii Waaqa keetii duwwamatti hin waamin; Rabbi worra maqaa isaa duwwamatti waamu cubbuu irraa isaan hin qulqulleessu.#Ser. Lew. 19:12
8Guyyaa Sambataa woyyoomsii kabajji;#Ser. Ba'u. 16:23-30 9Guyyoota jahaa hujii kee maraa hojjadhu. 10Guyyaan torbeesso'oo garuu guyyaa Sambataa ka Rabbii Waaqa keetiitii; atii fi ijoolleen tee, garboonni tee, horiin kee, wonti qe'ee kee keessatti argamuu fi worri sitti galee si keessa jiraatu maruu guyyaa kanatti hujii kamiinillee hin hojjatin.#Ser. Ba'u. 23:12; 31:15; 34:21; 35:2; Ser. Lew. 23:3 11Rabbi guyyaa jaha keessatti Ardi'ii fi Samii, galaanaa fi waan galaana keessaa maraa uumee guyyaa torbeesso'ootitti hara baafate; kanaaf Rabbi guyyaa Sambataa eebbisee woyyoomse.#Ser. Uma. 2:1-3; Ser. Ba'u. 31:17
12Rabbi Waandhi kee umurii kee lafa irratti akka sii dheeressu abbaa keetii fi haadha tee kabajji;#Kes. Deb. 27:16; Mat. 15:4; 19:19; Mar. 7:10; 10:19; Luq. 18:20; Efe. 6:2-3
13«Hin ajjeesin;
14«Hin seebarin;#Ser. Lew. 20:10; Mat. 5:27; 19:18; Mar. 10:19; Luq. 18:20; 13:9; Yaq. 2:11
15«Hin hatin;#Ser. Lew. 19:11; Mat. 19:18; Mar. 10:19; Luq. 18:20; Rom. 13:8
16«Eennuun irrattillee dharaan hin ragin;#Ser. Ba'u. 23:1; Mat. 19:18; Mar. 10:19; Luq. 18:20
17«Mana eennuullee, haadha manaa eennuullee, hojjataa, hojjattuu, qotiyyoo eennuullee, harre'ee fi horii eennuullee maraa kamiinuu hin hawwin.» #Rom. 7:7; 13:9
Sodaa Bani'ii
(Kes. Deb. 5:22-33)
18Baniin maruu hennaa laagaa gigissa'aatii fi bakakka'aa, laagaa xurumba'aatii fi hennaa gaarri aaru arganii hollata'aa achi siiqanii dhaabatanii 19Muuse'een, «Ati nutti dubbadhu nu hin dhageennaa; akka hin duune Rabbi nutti hin dubbatin» jedhaniin.#Ibr. 12:18-19 20Muuseen bani'iin, «Rabbi isin qoru'uuf cubbuu akka hin hojjanneef, onnee keessan keessa sodaan isaa akka taa'u gara keessan waan dhufeef hin sodaatinaa'a» jedhe. 21Baniin ammo irraa siiqanii dhaabatan; Muuseen gara duumessa daasee Rabbi jiruu siiqe.
Seerran Hulee Ciinca'aatiif Kennaman
22Rabbillee Muuse'een «Ijoollee Israa'eliitiin akka ani Samii irraa isinitti dubbadhe argitaniirtan; ana afo'otti womaa hin hojjatinaa'a; 23ana dhiiftanii waaqolee birri'ii fi worqii irraa hojjattanii hin waaqeffatinaa'a; 24hulee ciinca'aa dhoqqe'een naa huji; ciincaa fayyinna keetii ka gubamu ka hoolotaatii fi ka sangoota keetii achi irratti ciincessi; hulee maqaan kiyya itti qaabatamu marattuu dhufee si eebbisa; 25hulee ciinca'aa ka dhagaa irraa hojjatamu yoo naa hojjatte, dhagaa sibiilli tuqe irraa hin hojjatin; yoo hulee ciinca'aa san sibiilaan tuxxe hin batteessita.#Kes. Deb. 27:5-7; Iyya. 8:31 26Akka qaamni kee ka saalaa hin mudhanne korto'oon gara hulee ciinca'aa hin bayin.
Currently Selected:
Seera Bayu'uu 20: KitWoy
Highlight
Copy
Compare
Share
Want to have your highlights saved across all your devices? Sign up or sign in
