Genesis 36

Esaub di surib

(1 Kroniks 1:34-37)

1Nēb ge Esaub, Edom tis tsîna ǂansab di suriba. 2Esaub ge Kanaanǁî tarekhoede ge ǃgame: Adas Elonni, Hetǁîb ôas; Oholibamas, Anab ôas, Sibeonni Hiviǁîb ǁnuris;#Gen. 26:34 3tsî Basemats Ismaeli ôa tsî Nebajoti ǃgâsas tsîde.#Gen. 28:9 4Adas ge Elifaba ge ǁora; tsî Basemats ge Reuela ge ǁora; 5tsîs ge Oholibamasa Jeusi, Jalammi tsî Korax hâga ge ǁora. Nēgu hoagu ge Esaub ge Kanaanǃhūb ǃnâ ǁorabahe ǀgôaga.

6Esaub ge ǁîb taradi, ǀgôan, hoaraga khoen ǁîb omaris din, ǀgoan tsî hoaraga ūhâxūn hîab ge Kanaanǃhūb ǃnâ ǀhaoǀhaobasenna ū tsî ǃgâsab Jakoba xu ǀkhara ǃhūb ǁga ge doe. 7ǁÎkha ge ǁanǃnâ hâ i ǃhūb, hoakha kai ǂgariba ūhâ xui-ao tani kha ǁoa tsî kha ǃaruǀî ǀguipa a hâ ǁoa xui-aob ge ǁîba ge doe. 8Tsîb ge Esauba Seirs di ǃhomǀkharib ǃnâ sī ge ǁan.

9Nēb ge Esaub, Edomǁîn aboxab di suriba: 10Esaub taras, Adas ge ǁîba Elifaba ge ǁoraba tsîs ge Basematsa Reuela ge ǁoraba bi. 11Elifab ôagu ge Temanni, Omari, Sefob, Gatammi tsî Kenas hâga. 12ǁKhātib ge Elifaba xōǀkhātaras, Timnas xa Amaleka ge ǁorabahe.

Nēgu ge Esaub taras, Adas di ǁnuriǀgôaga.

13Reueli ôagu ge Nahati, Serab, Samab tsî Misab hâga.

Nēgu ge Esaub taras, Basemats di ǁnuriǀgôaga.

14Esaub taras, Oholibamas, Anab ôas, Sibeonni ǁnuriǀgôas ôagu ge Jeusi, Jalammi tsî Korax hâga.

15Nēdi ge Esaub suriba xu hâ ǃhaode. Elifab, Esaub di ǂguroǃnaesab ge sao ra ǃhaodi di aboxaba: Temanni, Omari, Sefob, Kenasi, 16Koraxi, Gatammi tsî Amaleki di ǃhaode.

Nēgu hoagu ge Esaub taras, Adas surib di.

17Reueli ge Nahati, Serab, Samab tsî Misab hâgu ǃhaodi di aboxaba. Nēgu ge hoagu hîa a Esaub taras, Basemats surib di.

18Sao ra di ge Esaub taras Oholibamas, Anab ôasa xu hâ surib di ǃhaode: Jeusi, Jalammi, tsî Korax hâgu di ǃhaode. 19Nē ǃhaodi hoadi ge Esaub surib di.

Seiri di surib

(1 Kroniks 1:38-42)

20Nēgu ge Seiri, Horǁîb ôagu, ǂguro ǁanǂgāsabegu ǁnā ǃhūb diga: Lotanni, Sobali, Sibeonni, Anab, 21Disonni, Eseri tsî Disan hâga.

22Lotanni ge Horib tsî Hemanni tsîkha di aboxa ge iba. (Lotanni ge Timna ti ǀon hâ ǃgâsasa ge ūhâ i.)

23Sobali ge ge Alvanni, Manahati, Ebali, Sefob tsî Onam hâgu di aboxa i.

24Sibeonni ge ǀgam ǀgôakha, Ajab tsî Anab tsîkha ge ūhâ i. (Nēb ge ǁnā Anab, ǁgûb dâukinab ǃûi hâ hîa ge ǀgamsa ǁgam-i di ǀaude ǃgaroǃhūb ǃnâ hōba.) 25Anab ge Disonni î ge iba. ǁKhātib ge ǁîba Oholibama ti ǀon hâ ǀgôasa ge ūhâ i. 26Disonni ge Hemdanni, Esbanni, Itranni tsî Keran hâgu di aboxa ge iba.

27Eseri ge Bilhanni, Savanni, tsî Akan hâgu di aboxa ge iba.

28Disanni ge Usi tsî Aran hâkha di aboxa ge iba.

29Nēgu ge Horǁîn di ǂgaeǂgui-aoga: Lotanni, Sobali, Sibeonni, Anab, 30Disonni, Eseri tsî Disan hâga.

Edoms gao-aogu

(1 Kroniks 1:43-54)

31Nēgu ge ǀgui Israelǁî ǂgaeǂgui-ao-i tsîn ganupe ǂgaeǂgui tama hîa ge hâ i gao-aogu Edoms diga:

32Belab, Beori ôab ge Dinhaba ti ǀon hâ ǃās ǃnâ gere gaosîsen;

33Jobab, Serab ôab Bosras dib;

34Husammi, Temanǀkharib dib;

35Husammi ge ǁō ob ge Hadadi, Bedadi ôab, Midiab, Moabǃhūb diba ge danna Avits tawa gere gaosîsen;

36Samlab, Masrekas dib;

37Sauli, Rehobots, ǃāb amǃgâ ǁgoes dib;

38Baal Hananni, Akbori ôab;

39tsî Hadadi, Paus dib (ǁîb taras ge Mehetabels, Matredi ôas, Mesahab ǁnuriǀgôasa.)

40Esaub ge ge sao ra Edomǁîgu di aboxa i: Timnab, Alvab, Jeteti, 41Oholibamab, Elab, Pinonni, 42Kenab, Temanni, Mibsari, 43Magdieli tsî Irammi tsîga. Mâ ǃhūǃâs hoas ge ǃhaos hîa ǁnāpa ǁan hâs ǃoa ge ǂgaihe hâ i.

Currently Selected:

Genesis 36: KKG20

Highlight

Copy

Compare