Luka 18

Kisimu kye mwalyango ne nganya

1Kusia Yɛsu na kosaolea baeyechwa bakɛ kisimo keke ko kobaangoecha biengye kwiyaya lusu ku lusu kotasi kɔkɔɛka. 2Awɛ na kɔɔcha itɛ: «Mɔ ɔmɔ mosomba, kwabɛchaya ɛmɔchi nganya etaasi ndeyanyɛmya Kakua ɔbɛɛ kolonga mondo. 3Kwabɛchaya kabee mo ɔyɔ mosomba ɔmɔchi mwalyango wayeaya ena nganya na kɔɔcha: ‹Mbɛɛcha sambo asambea mee ne moangani naanɛ.› 4Elya nganya na kɔkɔna kɔbɛmba lea ikomo masu mabua. Kɔmɔngɔ, awɛ na kwiɔchɛa: ‹Naanga sitɔnyɛmya Kakua ɔbɛɛ kolonga mondo. 5Kɔmɔa ona mwalyango usunguula, ndamɔɛchɛ sambo yaakɛ, ndabechaya kwa mbomye motwe.›» 6Ko boa Mwaame na kɔɔcha itɛ: «Muungwe bitɔɔcha elya nganya ya bea. 7Na awɛ Kakua ndakaɛchɛ sambo ko baa bando basɔbɔa awɛ, batomolelea butu ne chooba? Ɔbɛɛ otaimokee ko kobakwasa? 8Mee natobasaolea itɛ ndakalɛyɛ kobaɛcha sambo yaabɔ chaa chaa. Ataɔtɔkɛ mee Mwaana we Mondo, ndabange bando be iekekeo mɔ mɔsɛngɛ?»

Kisimu kye Mufalisayɔ ne otolambwesa molambo

9Bwakaɛ bwakaɛ Yɛsu na kobasaolea keke kisimo ko mbanga ya baa baibaekee kuungwa bando be kiinɛkinɛ nɛ kɔnyɛka makinɛ. 10«Lɔmɔ lusu bando babee banena ko Ɛkalu kwaiyaye. Ɔmɔchi waba ne Mufalisayɔ ne ukinɛ otolamboesa molambo. 11Olya Mufalisayɔ koemaa, na kwiyaya bobo monda mwe motema waakɛ: ‹Ee Kakua, nasɔɔcha mosao kwao, kɔmɔa mee siisi boe bando bakinɛ, ngiba ne maɔkwa, babea miila, be bwambya. Nasɔkɔɛcha kabee mosao, siisi boe olya otolamboesa molambo. 12Masu mabee ko yinga, natwiyaya ne kwikaka koya, natoochaya keba kɛmɔɔsa kye ikumi ku biisɛ bitokonja mee.› 13Awɛ, olya otolamboesa molambo, na kwimana njɔɔ, ndaɛlɛka naa ne kɔlɔla mwiyoo, awɛ na kwitotoa mo kyaale ne bosongo mɔ kɔɔcha: ‹Ee Kakua kaanɛ, ngwea lokwa mee mondo wa bea.› 14Natobasaolea, olya molambwisi we molambo otaɔtɔkɛ ko ndabo yaakɛ osokwelwa lokwa, ndɛɛkɔ olya Mufalisayɔ. Kɔmɔa, mondo ɔɔsɛ utuikobecha utuikyewa nɛ ɔɔsɛ utuiyikya otokobechiwa.»

Yɛsu ɔsɔtɛchɛa baana kaowe

(Mat 19:13-15; Mali 10:13-16)

15Bando na komobea Yɛsu ne baana bakɛɛkɛ itɛ ɔbakɔbɔchɛ; amɔa baeyechwa bakɛ boa, abɔ na kobakandokea. 16Yɛsu na kɔɛngɛa bamobee ne baana, awɛ na kɔɔcha itɛ: «Mɔlɛkɛɛ baana bakɛɛkɛ baabe kwanɛ, ndekobakandea, kɔmɔa boombe bwa Kakua boe ne bwe bando batoeyana nabɔ. 17Kiinɛkinɛ natobasaolea, ingɛ mondo ndaimenya boombe bwa Kakua boe mwaana mɔkɛɛkɛ, ndatokoka kwingea amɔ.»

Ngunji

(Mat 19:16-30; Mali 10:17-31)

18Kɛmɔchi kenombe na kobocha Yɛsu itɛ: «Ee Mweyechi mwaachi, nakete booni ko kokonja mwɛchɔ we meombo?» 19Yɛsu na komobocha itɛ: «Ko eke kutumbitana awɛ mwaachi? Kuusi oe mwaachi ataasi Kakua ikɛɛsa. 20Mbaya otocheba bɔtɔɔcha salia: ‹Ndekoketaya bwambya, ndekuchiaya, ndekwibaya, ndɛkɔɔchaya manu, nyɛmya isao na inao.#18:20 Yɔɔla Kot 20:12-16; Koe 5:16-20.›» 21Olya mondo na komosaolea itɛ: «Biisɛ bia naanga kubiketa kobangoa bwabɔtɔ bwaanɛ.» 22Aungwa Yɛsu na komosaolea itɛ: «Okee ne kikinɛ ketaasi ndunaketa: olekya biisɛ bie nao, na toa tombaambaa abanyea bakɛna; alya ɔtabɛ ne ikonja lyabua mwiyoo; kɔmɔngɔ baka kwambyee.»

23Aungwa olya mondo bɔbɔ, awɛ na koemoka, kɔmɔa wabɛchaya ngunji mekoo. 24Amɔa Yɛsu itɛ osoemoka, awɛ na kɔɔcha itɛ: «Kiinɛkinɛ bie ne kokoba ko ngunji kwingea mo boombe bwa Kakua. 25Bie byalɛnga ko ngamia kwingea mo saka yee motoboo, koe ngunji kwingea mo boombe bwa Kakua.»

26Baa baungwa maa makomo na kɔɔcha itɛ: «Ne naani nabo otaɔsɔnɛ kooloka?» 27Yɛsu na kɔɔcha itɛ: «Bitaasi bitɔɔsɔnɛka ko bando, bitɔɔsɔnɛka na Kakua.»

28Ko boa Pɛtɛlɔ na kɔɔcha itɛ: «Lɔla tɔsɔlɛkɛa biemo biito biisɛ bibɛɛ niito ne kokoyea awɛ.» 29Yɛsu na kobasaolea itɛ: «Kiinɛkinɛ natobasaolea: ingɛ mondo ususia ndabo yaakɛ, ɔbɛɛ mokachi waakɛ, ɔbɛɛ babotwa naakɛ, ɔbɛɛ baboti bakɛ, ɔbɛɛ baana bakɛ ko kokonja boombe bwa Kakua, 30otakonje byabua mo keno keeko ke okee mo ona mɔsɛngɛ mwɛchɔ, ne otakonje mwɛchɔ we meombo mo keeko kee mokoba.»

Yɛsu ososaola lwa sato ko mbanga kwe kokwa ne kuubuka kwakɛ

(Mat 20:17-19; Mali 10:32-34)

31Yɛsu na kubunda ndomwa chaakɛ ikumi ne babee mɔsɛɛsɛ na kobasaolea itɛ: «Mɔlɔlɛ toe mo konena Yɛlusalɛma, biisɛ byakunyiwa ne ndɛnda cha Kakua ko mee Mwaana we Mondo bitaketeke. 32Ndaochiwe ko bando bataasi Bayula, nɛ batangyɛtɛ, nɛ kɔmbɛngɛa, ne kunduela masɔki. 33Batangomoe myɛɛsu, kɔmɔngɔ na kunjia. Lusu lwa sato, ndaubuke!»

34 Ndomwa chaakɛ ndechacheba byaɔcha awɛ kɔmɔa mɔɔcha waakɛ waba ne boe kisimo, na abɔ ndebacheba Yɛsu ɔtɔɔchɛa ko eke.

Yɛsu osoolola mbufu

(Mat 20:29-34; Mali 10:46-52)

35Abɛchaya Yɛsu ungaolea mo kalya ke Yɛlikɔ, mbufu ɔmɔ yabɛchaya ase mɔsɛɛsɛ mwe njea mɔ kɔɛngɛaya. 36Aungwa awɛ moocho we ndongo yee bando baeta, awɛ na kobocha ingɛ koe eke. 37Na komosaolea itɛ, Yɛsu we Nasalɛti ne oe mo koeta. 38Awɛ na kɔta mbela itɛ: «Ee Yɛsu Mwaana wa Lauli, ngwea lokwa.» 39Bando babɛchaya kombaa kwa Yɛsu mo ndongo na komokandokea ɔlɛkɛɛ moocho. Awɛ na kokandoka bokoo bokoo itɛ: «Mwaana wa Lauli, ngwea lokwa.» 40Yɛsu na kwimana na kobasaolea bamobesee elya mbufu. Aolea mbufu mɔsɛɛsɛ mwa Yɛsu, Yɛsu na komobocha: 41«Nakoketee eke?» Mbufu na kɔɔcha itɛ: «Ee Mwaame, natokonda kɔmɔa kabee.» 42Yɛsu na kɔɔcha itɛ: «Baanamɔa kabee, iekekeo lyao lɛɔkɔmɔnya mwɛchɔ.» 43Akaɛ alya, awɛ na kɔmɔa, awɛ na koyea Yɛsu mo komotombeka Kakua. Amɔa bando basɛ lee ikomo, bando basɛ komoseka Kakua.

Currently Selected:

Luka 18: ZMB

Highlight

Compare

Copy