3 Yɔana 1
1
Kwinokea
1Ona mokanda ototoka kwanɛ mee mununu. Natukukunyea awɛ Kayɔ, ngondwa yaanɛ, otokonda mee kiinɛkinɛ.
2Ee ngondwa yaanɛ, natokonda okambe bwaachi ko keemo kɛsɛ: ongwa ne iyɛma lyaachi lye mobee, bɔɛwɛ nalyo mu ibae. 3Namɛmɛɛ byabua aolelee bamɔchi babotwa niito ne kusingeecha ko mbanga yee kiinɛkinɛ ee monda mwao, ne kabee utuchikana mo kiinɛkinɛ. 4Kuusi ikomo lɛtɔmbɛcha kɛmɛmɔ koeta lea lye kuungwa itɛ baana banɛ batuchikana mo kiinɛkinɛ.
Kiinɛkinɛ ya Kayɔ
5Ee ngondwa yaanɛ, oe we kiinɛkinɛ ko meemo etokamba awɛ ko mbanga yee babotwa niito, naa ne ko mbanga ya baa bae bɛɛni. 6Baa bando basingeechee kombaa kwe kanisa botokonda awɛ. Natwiyaya, bakwasa ko boa baɔsɔnɛ koyaka mɔ lwɛndɔ lwabɔ butwimemya Kakua 7Kɔ kɔmɔa baa babangoee lwɛndɔ lwabɔ ku chiina lya Kilisito kotasi kokonja naa nɛ kɛmɔ ko bataasi kuimenya. 8Kɔ bɔbɔ, bae totokoka ne kokwasa bando boe baba, tosambe nabɔ ko meemo yee kosaola kiinɛkinɛ.
9Nasukunyea kanisa kinu mamɔ makomo, Liɔtɛlɛfu otoenga kobaemanea ko njea chiisɛ ndɛɛchɛ kutuungwa. 10Ko bobo, atabake mee, ndaangoeche biisɛ bitoketa awɛ, ututwinyekechea bae makomo mabea. Ndatɔbɛka na maa makomo; awɛ mwɛɛnɛ ɔtɔkɔna kɔsɛkɛɛla babotwa naakɛ ne kokandea baa batokonda kobasɛkɛa ne kobalikita ko kanisa.
11Ee ngondwa yaanɛ, ndekoeyeela byabea, eyeela byaachi. Mondo otoketa byaachi ne wa Kakua; olya otoketa byabea ndatosamba na Kakua.
12Bando basɛ basɔɔcha byaachi ko mbanga ya Lɛmɛtiliɔ, kiinɛkinɛ myɛɛnɛ itusingeecha lɛlyɔ ikomo. Na bae kabee tusuliimenya, na awɛ otocheba itɛ bitɔɔcha bae bieko.
Kwinokea kwɛ kɔbɔnga
13Nae ne makomo mabua me kokosaolea, sitokonda komakunya ko kaani ne kalamu. 14Natoekekea nakɔmɔɛ ano ano, ne ko kea keeko totaɔchɛ kanwa kwe kanwa.
15Nyaa eongwe nao. Biɛmba byao bitukwinokea. Twinokea biɛmba biito, chiina ku chiina.
Currently Selected:
3 Yɔana 1: ZMB
Highlight
Copy
Compare
Share
Want to have your highlights saved across all your devices? Sign up or sign in
©2022 Seed Company in coordination with Forum Communautaire des Traducteurs de la Bible et Alphabétisation