รม 13

1เบ โลว คัม แตห เฆ ดา ตาง อี อึบ มืง อึบ เบ ดอน อี. โคว, อาว มึห ปวน ปี ตู กาดูห เฌาพรา ดี ดัว. อี มึห ปวน ดอน โมยว, อึณ บอ มูห เฌาพรา อี ดัว ดี เฆ. 2โคว, อาเซ โบง กาบัห ดี ปวน ดา ตาง ตี, อัน แฮะ โบง กาบัห ดี แปะ แฮะ เบลห อูน เฌาพรา. ดูอี อี โบง กาบัห ตี, อัน ดี โลว คัม หมาบ อัน. 3ดูอี อี โบง นา บอด นา หมึอม, เฆ ตู โลว โยว ดา ตาง อี อึบ มืง. อึณ ยี มูห เฆ อี โบง นา ฮาย นา มืก อี ดี โลว โยว. เซ เบ ตู ซี โยว ดา ตาง อี อึบ มืง, แตห เบ โบง นา บอด นา หมึอม. แฮะ ฮอต, ดา ตาง ตี ดี วี อืบ มยูก เบ. 4โคว, ดา ตาง อี อึบ มืง, อัน มูห แดเจณ เฌาพรา, แตห อัน โบง แตห อึณ แบน อาฆยึร ดี เบ. มาแล, เซ เบ โบง นา ฮาย นา มืก, เบ ดี โลว โยว อัน. โคว, มาปัวะ ลาง อัน, อึณ ตู กอย ดีโลย ดีลาย ปีเยณ. อัน แฮะ มูห ดูอี ปี ซูต ปี จัร เฌาพรา, แตห อัน ดัม หมาบ ดี เฆ ดูอี ฮาย ดูอี มืก. 5โกบ อึณ ปาย ตี, แตห เบ คัม ปี อึบ ดา ตาง ดี เบ. แกวะ แตห เบ คัม มี โกบ โยว เบ ดา ตาง อี ดัม หมาบ ดี เบ. แตห เบ คัม โกบ แฮะ วี นับ เบ แคง น็อห เบ, แฮะ กาอาบ คัม ปาย ตี.

6โคว อัน ตี เบ มืร โลว ฮับ จึง. เฆ ดา ตาง ดอน อี, เฆ มูห แดเจณ เฌาพรา อี โบง ฆาน ฌึร ตี เซเซ. 7ปาย ตี, แคะ ปี โลว เบ ดัว แตห เบ ดัว. จึง ปี โลว ฮับ เบ, แตห เบ ฮับ. คอน ปี โลว ฮับ โลว ดัว เบ, แตห เบ ดัว. วี อี กาอาบ โรวเซ, แตห เบ โรวเซ. วี อี กาอาบ มึห ซาเร, แตห เบ โบง แตห อัน มึห ซาเร.

8แกวะ แตห เบ มึห นี ดี อาเซ คอ อู โมยว. อึณ ยี มึห มี นี อู โมยว ปี ตู ปึอน เวียะ ฮอต เบ. อึณ มูห มี นี โลว ลาย ร็อก ลาย กาเว. อาเซ ร็อก อี เฮา, อัน แฮะ โทม โดบ ดารา เฌาพรา. 9ดารา ตี, อึณ บอ ต็อห, “แกวะ วีน ดี ลูต อีบึณ อีมาย อี, แกวะ ง็อห ยัม อาซาก อี, แกวะ ปรา โกรวกราม อี, แกวะ หลัยะ โกรวกราม อี. ดารา เฆ ตี ดอน โมยว, อึณ บอ บาะ แคง ดารา อู ณ็อง อี ต็อห, แตห เบ ร็อก อี เฮา, แตห อึณ ปี เบ ร็อก โดว บรีม เบ.” 10อาเซ ร็อก อี เฮา, อัน ตู โบง นา จีจีว ดี เฆ. โคว, อาเซ ร็อก อี เฮา ตี, อัน โบง โดบ ดารา ดอน โมยว.

11เบ แฮะ กาอาบ โบง ปาย ตี โกบ แฮะ นับ เบ ดอ ตี นี แฮะ ฌัม อาคราว มาเซ. แฮะ ฌัม อาคราว ปี โลว ซาดีก เบ, แตห เบ ปี ดูอี แฮะ อึณซึห อีด. โคว, อาคราว ดี คยอด เฌาพรา ดี เอ, อึณ แฮะ กาตัด ดี ฌัม. ดอ ตี นี, อึณ แฮะ กาตัด หลึอม ดอ กาจูห เอ ดี หณึม. 12อึณ ปี ซึอม แฮะ ฮอต กาแต โลย, แปร แฮะ กาตัด ดี วัห. โคว, แตห เอ แวน อี ตู หมึอม ปี โบง เอ, อี ปี เอ กอย แคง อับ ว็อง. ปี โบง เอ แตห อึณ ปี ดา ซึก อี แฮะ ชึบ ครึง กาโฆห ดอ บลาง ซีแง. 13-14แตห เบ ปี ดูอี อี โบง ฆาน แคง บลาง ดอ กาแต ซีแง. แกวะ แตห เบ ลึบ บลอย, เดียง ป็อห, ยึต ป็อห. แกวะ แตห เบ ลูต อีบึณ อี เฮา, บอ ลาย กาลูต กาแทณ. แตห เบ อึบ โดว บรีม เบ. แตห เบ โบง ปี ปี โบง เฌา เยซู, แตห อี เฮา ปึอน ดี ยึร ลอง เฌา เยซู เซ เฆ ยอด เบ. แกวะ แตห เบ โบง โดบ น็อห บรีม เบ.

Currently Selected:

รม 13: pce

Highlight

Compare

Copy