หม 48
48
ลอง มืง ฌีโอน อี มูห โดง กอย เฌาพรา
เฆ ดูอี ครึร อาโควรา แฮะ แดม โหมว นี.
1-2เฌาพรา แฮะ ตาง กาเซา. แฮะ กาอาบ เอ อืบ อัน กืน กืน. อัน กอย แคง มืง โดง กรึบ เอ ดี อัน. มืง ตี, กอย แดง นอน เฌาพรา อี มูห นอน ฌีโอน, อี บอด, อี จา, อี ชีด กาเซา. อึณ บอ มูห โดง กอย คูนดีคัม ตาง. ดูอี บอ กาดาย ฮี ยึร บอ แบน น็อห ดาคึย.
3เฌาพรา แฮะ แตห เอ นับ, แคง มืง แฮะ ปึอน กอย ซีคยา, อาว มึห ปี ดี โลว โยว.
4โคว, คูนดีคัม แบน กาดัง แบน กาดัง, เฆ แฮะ ลาย โพรม ดี ตัห กาฌูะ, แตห เฆ กาโฆห ดี นอน ฌีโอน ตี.
5เฆ แฮะ ฮอต ยึร, เฆ บอ อาม กาเซา วี กาจัว วี เตา อู เฌณ.
6ปี ปาย เฆ ดี โยว, ปี ปาย เฆ ดี ดูก กาเซา ดี น็อห เฆ กอ ปี อีบึณ อี แฮะ กาตัด ดี ฆอน.
7อึณ บอ ปี เฌาพรา แฮะ โบง แตห คูน ตัห นา เลห ซีแง บูด กาปยาต รึร ซังโพว ดี มืง ทาซีด.
8แคะ ปี ดึอม แค อี แตห เอ โทม, เอ ปี วี ยึร โตต ปาย ตี แคง มืง ปี อึบ แม เฌาพรา อี อึบ โตต ดอน โมยว. มืง ตี, แม เฌา อี มึห ปวน ตาง, แม บอ แตห อึณ กอย เซเซ.
9อึย เฌาพรา, ดอ กอย เย แคง โฮว แม เฌา, เย บอ เฌณฌา ลอง ร็อก กาเว แม เย เซเซ.
10แคะ นับ เฆ ดูอี ลอง แม เฌาพรา, เฆ บอ อืบ แม แคะ ตี. แดง กาดาย ดอน นา ดอน โปละ เฆ อืบ แม. แม เฌาพรา ซูงพยาด นา หมาน เซเซ.
11แตห เฆ อี กอย ดี นอน ฌีโอน บอ โคย. เฆ ดูอี แคง อืง ยูดา, แตห เฆ ดาคึย โกบ แฮะ หมาน แฮะ มูห ปี ซูงพยาด แม เฌาพรา.
12แตห เอ กาโพรม ดี ฮาว แลบ นอน ฌีโอน, แตห เอ ตีห แคะ กอย กาโช็ง บัร เฆ.
13แตห เอ โนว ซีคยา ปี ปาย แรง มืง, แตห เอ ฮาว ยอด แคะ กอย โดง ดี ปึอน เครียง. แตห เอ ปึอน ดี วี กาลาง ลอง อัน ตี ดี หลูกหลาน เอ แบน ฌาด แบน ฌาด.
14แตห เอ กาลาง ดี เฆ ลอง เฌาพรา นี, อี มูห เฌาพรา อี กอย เซเซ. อัน เฌา บอ มูห อี แยต เอ ดอน โจว ดอน บาน.
© 2021, Wycliffe Bible Translator, Inc. All rights reserved.