หม 46
46
ลอง เฌาพรา กอย รึม โดบ เอ
เฆ ดูอี ครึร อาโควรา แฮะ แดม โหมว นี. แตห ดา อี แยต เฆ อี ต็อห โหมว นับ, โลว ต็อห โดบ แมง อี จืร อาลาโมด.
1เฌาพรา บอ มูห โดง บึง เอ. อัน เฌา บอ แตห โปลม ดี น็อห เอ. ดอ ฌัม เอ ดูก, อัน เฌา บอ โพรม ดี จอย เอ เซเซ.
2โคว, เอ ตู โยว. กาดาย ปี บอ ดีเยณ, นอน ดอน โปละ ปี บอ ดีฆล็อห ดีครอน โตต แคง อึม นัมมูกซารา,
3บอ อึม นัมมูกซารา ปี บอ กาตูน บอ ฮัม ดีงึณ, นอน บอกาเฆลียด ปี บอ ดียูห ดีเยณ โกบ แฮะ โฮะ อึม, เอ ยี ตู โลว โยว มาเซ.
4อึณ มึห แบลง อึม อู แบลง, อัน แตห อึณ ดาคึย แคง มืง ปี อึบ เฌาพรา, อี มูห มืง บอด มืง ดาคึย, อี มูห โดง กอย อัน เฌา อี อึบ โตต ดอน โมยว.
5เฌาพรา บอ อึบ มืง ตี. มืง ตี ตู นับ ดี ลึร ดอ เหมา. เฌาพรา บอ จอย อัน ซีณ ซีณวัห.
6อาโมยว ดูอี บอ กาฟัร กาเฟียน ดี โยว. แคง มาน มืง ดอน โปละ เฆ บอ ดียูห ดีเยณ. อัน เฌา บอ กาลาง โฆรห อี ปี ฮัม กานัม, กาดาย บอ ลาต ฌึอม โตต.
7เฌาพรา อี อึบ โตต ดอน โมยว, อี มูห เฌาพรา ปี กรึบ อาโกบ, อัน บอ มูห อัน เฌา โดง บึง เอ.
8แตห เอ ยอด ลอง แปะ แฮะ โบง เฌาพรา แดง กาดาย นี. แตห เอ ยอด อี หมึอม อาม กาเซา แดง กาดาย นี.
9อัน เฌา ฮู แตห ดา ซึก กาโฆห ดอน โปละ แดง กาดาย นี. อัน เฌา แฮะ กาบัก แวน บอ อัะ เฆ, แฮะ กาแดบ บอ บลา เลียห เฆ แบน ปอด แบน ปอด. อัน มืร แฮะ โดะ บอ ลักเลา เฆ, แตห อึณ กาซึม โตต.
10เฌาพรา ต็อห, “แตห เบ กอย ซีคยา, แตห เบ นับ, โอว มูห เฌาพรา. โอว มูห อัน เฌา ปี อืบ เฆ ดูอี ดอน โมยว. โอว แฮะ กาอาบ อี อืบ แดง กาดาย นี.”
11เฌาพรา อี อึบ โตต ดอน โมยว, อี มูห เฌาพรา ปี กรึบ อาโกบ, อัน บอ มูห อัน เฌา ปี บึง เอ.
© 2021, Wycliffe Bible Translator, Inc. All rights reserved.