หม 149
149
โหมว อี อืบ เฌาพรา
1แตห เอ อืบ เฌาพรา. แตห เอ ต็อห โหมว กามาย อี อืบ เฌาพรา. แตห เอ อืบ ปวน อัน เฌา กาแต เฆ ดูอี กืน.
2แตห เฆ ดูอี อีซาเรลัะ บอ โบยว ดาคึย. โคว, เฌาพรา แฮะ พาน เบลห เฆ. แตห เฆ ดูอี อี กอย ดี นอน ฌีโอน มึห น็อห ดาคึย โกบ มึห เฆ คูนดีคัม.
3แตห เฆ บอ ฆา บอ อืบ เฌาพรา. แตห เฆ กัร ฆรึง, บัห ดีง, ต็อห โหมว ดี เฌาพรา.
4โคว, ปี โบง เฆ ดูอี ปี อึบ เฌาพรา แฮะ ล็อะ น็อห อัน. เฆ อี มึห น็อห โฆม, อัน เฌา ดี คยอด เฆ, แตห เฆ มึห ซาเร.
5แตห เฆ ดูอี อี ซีงา บอด มึห อาพูง ดังโคว, แตห เฆ บอ ดาคึย กาเซา ลอง อัน ตี. แตห เฆ ต็อห โหมว ดาคึย ดอ กอย เฆ แดง กาโช็ง อีด เฆ.
6แตห โฆรห อี อืบ เฌาพรา อี มึห ปวน ตาง เลห แคง โมต เฆ เซเซ. แตห เฆ บอ โฆ็ง มาปัวะ ลาง อี มึห บลา อา บลาก แคง แด เฆ.
7แตห เฆ ปึอน ดี วี โบง เวียะ ดี ดูอี อาโมยว เฮา. แตห เฆ ปึอน ดี ดัม หมาบ ดี ดูอี อาโมยว เฮา.
8แตห เฆ ปึอน ดี ปัก คูนดีคัม ดูอี อาโมยว เฮา. แตห เฆ บอ ปึอน ดี ชึบ วัน ฮีน ดี อามู อามาด ดูอี อาโมยว เฮา.
9แตห เฆ วี ปึอน ดี ดัม หมาบ ดี ดูอี ตี, แตห อึณ ปี แปะ แฮะ แดม อูน เฌาพรา. ปาย ตี, เฆ ดูอี อี ซีงา บอด แฮะ มึห อาพูง ดังโคว ปี ดัว เฌาพรา ดี เฆ. แตห เอ อืบ เฌาพรา.
© 2021, Wycliffe Bible Translator, Inc. All rights reserved.