แปร กาฮ็อห 33
33
ลอง เฆ ดูอี อีซาเรลัะ กาโทะ โดง คยัะ เฆ
1อานี อึณ มูห ลอง โดง แฮะ คยัะ เฆ ดูอี อีซาเรลัะ วาย แฮะ เลห เฆ แคง มืง แอฆึบ. เฆ มืร แฮะ คยัะ โดบ พึง เหมา พึง อัน ดอ ฮาว เฆ โดบ อึณเตณ. อาโมวแซ ฆาย อาโรน แฮะ แบน อี แยต เฆ. 2อาโมวแซ มืร แฮะ แดม อูน โดง คยัะ เฆ ดอน โปละ โดบ แปะ แฮะ จัร เฌาพรา อัน โบง.
3เฆ ดูอี อีซาเรลัะ แฮะ เลห แคง มืง แอฆึบ ดอ มูห มาเฆียน เหลห, ซีแง ฆึร ดี อึณพัน. วาย แฮะ ฮอต เฆ โฮม มาบู อี แตห เฌาพรา กาโลห กาง เฆ, ปา แคหณา ซีณวัห เฆ มืร แฮะ เลห แคง มืง ราเมเซด, แตห เฆ ดูอี แอฆึบ บอกาเฆลียด ปึอน ดี ยึร. เฆ มืร อาว ฮู โยว อาเซ. 4โคว, ดอ อัน ตี เฆ ดูอี แอฆึบ ซีงยา ดีบ ฆอน ฆีณ เฆ แปะ แฮะ ง็อห เฌาพรา แตห เฆ ยัม โตต. ปาย ตี เฌาพรา แฮะ ดึห แวน ปวน เฌา ปี กรึบ เฆ ดูอี แคง มืง แอฆึบ ดอน กาดัง.
5เฆ ดูอี อีซาเรลัะ บอ เลห ดี มืง ราเมเซด บอ วี ฮาว คยัะ ดี มืง ซูโคด.
6เฆ บอ ยีต ดี มืง ซูโคด ตี, ปี วี ฮาว คยัะ ดี โดง อี จืร เอทาม อี กอย โคบ แปร กาฮ็อห.
7เฆ บอ เลห ดี โดง จืร เอทาม ตี, ปี วี กาบัด วีว ดี อู โปละ อี จืร ปีฮาฮีโรด อี กอย นา เลห ซีแง มืง บาลัะเซโพน. เฆ บอ คยัะ กอย โคบ มืง มีกโดน.
8เฆ บอ วี ยีต ดี โดง ปีฮาฮีโรด ตี, ปี วี กาโลห ฮาว กาแต อึม ดีโหนง เรณ, วี ฮาว โดบ อึณเตณ แคง แปร กาฮ็อห อาดา โอย ซีแง. เฆ บอ ฮาว คยัะ ดี โดง จืร มารา.
9เฆ ปี วี ยีต ดี มารา ตี, ปี วี กาโทะ ฮาว ดี โดง จืร เอลีม. ดี เอลีม ตี, อึณ มึห อึม คึม ฆึร ดี อา โบ็ง บอ เฮ จึก บู ฆึร กาดัง. เฆ บอ คยัะ ดี ตี.
10เฆ วี ยีต ดี โดง จืร เอลีม ตี, ปี วี ฮาว คยัะ ดี โคบ โหนง เรณ.
11วาย ตี, เฆ ปี วี ฮาว คยัะ แคง แปร กาฮ็อห อี จืร เซอีน.
12วาย อัน ตี เฆ ปี วี ฮาว คยัะ ดี โดง จืร ตอพากา.
13แฮะ ฮอต, เฆ ปี วี ฮาว คยัะ ดี โดง จืร อาลูซา.
14วาย ตี เฆ ปี วี ฮาว ดี โดง จืร เรพีดีม อี มูห โดง ตู มึห ดี เดียง อึม ตึอน.
15เฆ บอ ยีต ดี เรพีดีม ตี, ปี วี ฮาว คยัะ โคบ นอน ซีนาย แคง แปร กาฮ็อห.
16เฆ บอ ยีต ดี นอน ซีนาย ตี, ปี วี ฮาว คยัะ ดี มืง ฆีบารูดฮาตาวา.
17เฆ บอ ยีต ดี ฆีบารูดฮาตาวา ตี, ปี วี ฮาว คยัะ ดี โดง จืร ฮาจารูด.
18เฆ ปี วี ยีต ดี ฮาจารูด ตี, ปี วี ฮาว คยัะ ดี โดง จืร รีดซามา.
19เฆ บอ ยีต ดี รีดซามา ตี, ปี วี ฮาว คยัะ ดี โดง จืร รีมโมนเพเรด.
20เฆ บอ ยีต ดี รีมโมนเพเรด ตี, ปี วี ฮาว คยัะ ดี โดง จืร ลีปานา.
21เฆ บอ ยีต ดี ลีปานา ตี, ปี วี ฮาว คยัะ ดี โดง จืร รีดซา.
22ปี วี ยีต ดี รีดซา ตี, ปี วี ฮาว คยัะ ดี โดง จืร กีฮาลาซัะ.
23ปี วี ยีต ดี กีฮาลาซัะ ตี, ปี วี ฮาว คยัะ ดี นอน ซาพา.
24ปี วี ยีต ดี นอน ซาพา ตี, ปี วี ฮาว คยัะ ดี โดง จืร ฮาราตัะ.
25ปี วี ยีต ดี ฮาราตัะ ตี, ปี วี ฮาว คยัะ ดี โดง จืร มากาโลด.
26ปี วี ยีต ดี มากาโลด ตี, ปี วี ฮาว คยัะ ดี โดง จืร ทาฮาด.
27ปี วี ยีต ดี ทาฮาด ตี, ปี วี ฮาว คยัะ ดี โดง จืร เทนรา.
28ปี วี ยีต ดี เทนรา ตี, ปี วี ฮาว คยัะ ดี โดง จืร มีซากา.
29ปี วี ยีต ดี มีซากา ตี, ปี วี ฮาว คยัะ ดี โดง จืร ฮาซัะมอนา.
30ปี วี ยีต ดี ฮาซัะมอนา ตี, ปี วี ฮาว คยัะ ดี โดง จืร มอซาโรด.
31ปี วี ยีต ดี มอซาโรด ตี, ปี วี ฮาว คยัะ ดี โดง จืร เบนยากาน.
32ปี วี ยีต ดี เบนยากาน ตี, ปี วี ฮาว คยัะ ดี โดง จืร ฮารากีด.
33ปี วี ยีต ดี ฮารากีด ตี, ปี วี ฮาว คยัะ ดี โดง จืร ยูดพาซัะ.
34ปี วี ยีต ดี ยูดพาซัะ ตี, ปี วี ฮาว คยัะ ดี โดง จืร เอปารอนา.
35ปี วี ยีต ดี เอปารอนา ตี, ปี วี ฮาว คยัะ ดี โดง จืร เอจาโยนกาบา.
36ปี วี ยีต ดี เอจาโยนกาบา ตี, ปี วี ฮาว คยัะ ดี มืง ซาเดด อี กอย แคง แปร กาฮ็อห อี จืร จีนา.
37ปี วี ยีต ดี ซาเดด ตี, ปี วี ฮาว คยัะ ดี นอน โฮวรา อี กอย ดี กาอูน กาดาย มืง เอโดม ตึอน. 38วาย แฮะ เลห เฆ ดูอี อีซาเรลัะ แคง มืง แอฆึบ อาดา พวน ฆึร ซีนัม, ดอ มูห มาเฆียน อึณพัน, ซีแง เหลห, อาโรน อี มูห ดา อี หลู ดี เฌาพรา ตึอน, อัน บอ วี โฮะ แดง นอน โฮวรา โกบ แฮะ กาลาง อูน เฌาพรา ดี อัน. อัน บอ โฮะ ยัม ดี ตี. 39ดอ อัน ตี อาซาก อัน แฮะ ปึอน อู มาย็อห ดี อา ฆึร ดี โอย ซีนัม.
40คูนดีคัม อี อึบ มืง อาราด, อี มูห ดูอี อาโมยว กานัณ, อี กอย แคง มืง กานัณ บลาก นา เตต ตึอน, อัน บอ ยึร ลอง เฆ ดูอี อีซาเรลัะ แฮะ ตัห.
41วาย อัน ตี เฆ ปี วี ยีต ดี นอน โฮวรา ตี, ปี วี ฮาว คยัะ ดี โดง จืร จาลัะมอนัะ.
42ปี วี ยีต ดี จาลัะมอนัะ ตี, ปี วี ฮาว คยัะ ดี มืง ปูนูน.
43ปี วี ยีต ดี ปูนูน ตี, ปี วี ฮาว คยัะ ดี โดง จืร ออโบด.
44ปี วี ยีต ดี ออโบด ตี, ปี วี ฮาว คยัะ ดี โดง จืร อาฮาบารีม อี มูห ดี กาอูน กาดาย มืง โมวอาบ ตึอน.
45เฆ บอ วี ยีต ดี อาฮาบารีม ตี, ปี วี ฮาว คยัะ ดี มืง โบวนากาด.
46เฆ ปี วี ยีต ดี โบวนากาด ตี, ปี วี ฮาว คยัะ ดี โดง จืร อาบาลามูนบาลาซีม.
47เฆ ปี วี ยีต ดี ตี, ปี วี ฮาว คยัะ ดี นอน อาบารีม อี กอย โคบ นอน เนปอ.
48เฆ ปี วี ยีต ดี ตี, ปี วี ฮาว คยัะ ดี ฆลัง โมวอาบ อี กอย โคบ แบลง อึม ยอดาน อี วี ลาย กาซืร ดี มืง เยรีโคว ตึอน. 49ปาย ตี เฆ บอ คยัะ กอย โคบ แบลง อึม ยอดาน ตี, จูห ดี มืง บีเยซีมาด กอ ฌัม มืง อาเบลัะซีด, อี กอย แคง ฆลัง โมวอาบ ตี.
50ดอ กอย เฆ แคง ฆลัง มืง โมวอาบ อี กอย โคบ แบลง อึม ยอดาน, อี วี ลาย กาซืร ดี มืง เยรีโคว ตี, เฌาพรา วี จัร อาโมวแซ, 51แตห อัน วี กาลาง ดี เฆ ดูอี อีซาเรลัะ ต็อห, “เซ เบ ฮี กาโลห อึม แบลง ยอดาน, ฮาว ฌัม แคง มืง กานัณ ตึอน, 52เบ โลว โฮว เลห เฆ ดูอี อี กอย แคง เรา แคง มืง ตี บอกาเฆลียด. เบ โลว ปยาต แวน บอ อารึบ ราง แปะ แฮะ โบง เฆ, ปยาต แวน บอ อารึบ แปะ แฮะ โหลว เฆ, ปยาต แวน โตต บอ โดง กรึบ เฆ ดี เฌา แบน กาดัง แบน กาดัง. 53โคว, โอว แฮะ ดึห มืง ตี ดัว ดี เบ. เบ โลว กอย, โลว บึง มืง ตี. 54แตห เบ กาตาม ลาย กาย็อห กาดาย ตี ดี เบ, แตห อึณ โดบ ครึร เหมา ครึร อัน. เซ ดูอี กืน, เบ บอ โลว ดัว กืน. เซ ดูอี เปรต, เบ บอ โลว ดัว เปรต.
55เซ เบ ยี ตู โฮว เลห เตา โตต เฆ ดูอี อี กอย แคง มืง ตี, เฆ อี ซี ฆีด อี ซี กอย ตี, เฆ ดี โบง แตห อึณ แบน ดูก ดี เบ. อึณ ดี ปี กาอัห อี ลึบ แคง งาย เบ. อึณ ดี ปี บอ มาอาต ดี ซัด เบรต เบ. 56แดง ตี, แคะ ปี คราม โอว ดี โบง ดี เฆ, โอว ดี วี โบง บอ ดี เบ.”
Currently Selected:
แปร กาฮ็อห 33: pce
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
