อาเยเรมี 45
45
ลอง ปี กาแซณ เฌาพรา ดี อาบารูก
1คูนดีคัม อายอยาคีม อี มูห ฆอน อาโยวซียา อี มูห คูนดีคัม อี อึบ ดูอี อายูดา, อัน แฮะ แบน คูนดีคัม อาดา พวน ซีนัม. ดอ อัน ตี อาเยเรมี วี กาลาง โฆรห ดี อาบารูก อี มูห ฆอน อาเนรี. อึณ มูห วาย แฮะ ฮอต แดม อัน โฆรห เฌาพรา ปี กาลาง อาเยเรมี ดี อัน. 2อัน ต็อห, “อึย อาบารูก, เฌาพรา อี มูห เฌาพรา ปี กรึบ ดูอี อีซาเรลัะ, อัน แฮะ กาลาง ลอง แม. 3อัน นับ แม แฮะ กาลาง ดี โดว บรีม แม ต็อห, ‘โอว แฮะ คัม นา ตู หมึอม. เฌาพรา แฮะ ดึห อี กลึร, วี ปัว แตห อึณ แว ดูก หณาบ ดี น็อห โอว. โอว มืร แฮะ นูน แฮะ ดีหลัห ดี หงูน ดี กลึร. อาว ฮู มึห อี ดาคึย มาเซ แคง น็อห โอว.’”
4เฌาพรา วี กาลาง ดี อาเยเรมี ต็อห, “แตห แม วี กาลาง ดี อาบารูก ต็อห, แปะ แฮะ กาดูห โอว ดี โบง, โอว ดี วี ปยาต แวน แตห อึณ ลึร โตต. แปะ แฮะ กาดูห โอว ดี ซัม, โอว ดี วี รึต แวน อี กอย แคง มืง ตี. 5เซ ฮี ปาย ตี แม แกวะ เหรต อาโมยว อี บอด อี มยาด อาดา แม. โคว, โอว ดี แตห ดูอี บอกาเฆลียด คัม อาเพ อาเร. โอว ดี แตห แม ลอด ยัม. โดง ฮาว แม ดอน นา ดอน โปละ โอว ดี แตห แม ลอด ยัม.” เฌาพรา แฮะ กาลาง ปาย ตี.
Currently Selected:
อาเยเรมี 45: pce
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
