ยก 3
3
1เบ บีนอง โอว, แกวะ แตห ดูอี กืน แบน ดา ซารา มาโนว อี. เบ นับ, เซ เย ดา ซารา กาลึบ, เฌาพรา ดี ดัม หมาบ ดี เย หลึอม อี เฮา. 2เอ ดอน อี นับ ดี กาลึบ แบน เฌณ แบน เฌณ. เซ อึณ มึห ดูอี อี กาลาง โฆรห ตู กาลึบ ดอ เหมา, น็อห อัน อาว ฮู โลว อึณปราย มาเซ. อัน มืร แฮะ แป ดี อึบ โตต โดว อัน.
3เอ นับ ดี ฮับ อึณก็อะ แคง โมต มังปร็อง, แตห อัน โดบ ปี อึง เอ. ฮีน ดีแตด ตี นับ ดี อึบ โตต โดว มังปร็อง. 4บอ รึร ซังโพว เฆ โบง ปาย ตี. โดว รึร ซังโพว แฮะ ตาง กาเซา. อึณ บอ โลว คูน ตัห บูด, แตห รึร ซังโพว ปึอน ดี ฮาว. อึณ ยี มึห มัง บัด รึร อี ดีแตด, นับ ดี แยต รึร ซังโพว ตาง แตห อัน ฮาว โดง อึง ดูอี อี บัด. 5ซีดัะ เอ มืร ปาย ตี. ซีดัะ แฮะ ดีแตด แคง โดว โบ็ง ดูอี. อึณ ยี ปึอน กาลาง โฆรห ตาง. แตห เบ เฌณฌา บอ กาโชต เงา. อึณ ดีแตด, ยี นับ ดี กูห ตาง, วี กาซึม แปร ตาง กอ โตต. 6ซีดัะ เอ ปี กาโชต เงา ตี. อึณ กอย แคง โดว เอ, นับ ดี โบง นา ตู หมึอม นา จาว แบน โมยว แบน โมยว. อึณ ปี เงา อี เลห แคง กาโละ งาราย แฮะ ปีด็อะ ดี ซีดัะ เอ, แตห เอ กาลาง โฆรห ตู หมึอม, อี แตห เอ แบน ดูอี ตู หมึอม, แตห บอ อาซาก เอ กอ ชึม.
7เอ อาโมยว ดูอี นับ ดี แป โดว ซัดดาวา แบน โมยว แบน โมยว. บอ มาซีม บอ โดว ซัดดาวา อี กอย แดง กาดาย บอ โดว อี กอย แคง อึม, เอ ดูอี นับ ดี อึบ โตต ดอน โมยว. 8อึณ ยี ตู มึห ดูอี อี นับ ดี ยืน โฆรห อัน. ซีดัะ ตี อาว เยน ดอ เหมา. อัน โบง นา ตู หมึอม เซเซ. อึณ ปี ซีดัะ มึห อาย มาฮัณ อี แป ดี ง็อห ยัม ดูอี.
9อึณ มูห ซีดัะ อู โบ็ง ตี, อี นับ ดี อืบ เฌาพรา อี มูห ฆูณ เอ, ปี วี นับ ดี เอห อี เฮา, อี มูห ดูอี ปี โบง เบลห เฌาพรา, แตห เฆ ปี อารึบ อัน. 10บอ โฆรห ม็องการา แตห ดี อี บอ โฆรห ดืง อี นับ ดี เลห แคง โมต เอ ตี. เบ บีนอง, อาว กาอาบ เอ โบง ปาย ตี. 11เซ อึณ มูห อึม คึม, อาว ปึอน เลห อึม ซีแงห บอ อึม ปราง แคง อึม คึม อู กาเดา ตี. 12เบ บีนอง โอว, แตห เบ บอ เฌณฌา ลอง เฮ. เซ อึณ มูห เฮ ดีปู, อาว ปึอน เลห เบล นามัน. อึณ มืร ตู มึห เฮ มางูน อี มึห เบล ดีปู. บอ อึม คึม บอ ปาย ตี. เซ อึม คึม เลห อึม ปราง, อาว ปึอน วี เลห อึม ซีแงห.
13เซ อึณ มึห ดูอี อี มึห อางยาน กาแต เบ, อัน โลว บยัะ นา หมึอม ปี โบง อัน, แตห อึณ ลึห ลอง อางยาน อัน. เซ อัน ตู ปีคึก น็อห อัน, โบง นา หมึอม ดอน โมยว, แฮะ นับ ซีคยา, ปี โบง อัน ฌึร ตี แฮะ เลห อางยาน บอด. 14เซ เบ ยี มึห น็อห รู, น็อห หลัยะ อี, เซ เบ มึห น็อห ซี ปึอน ดอน โมยว, แกวะ แตห เบ ปีคึก เบ ลอง น็อห ฌึร ตี. แกวะ ต็อห, ปี โบง เบ แฮะ หมาน แฮะ มูห. 15อาเซ ทาง ปี โบง อัน ฌึร ตี แฮะ มูห อางยาน, อึณ ตู มูห อางยาน บอด อี ตัห นา แดง. อึณ มูห อางยาน ดูอี, อาว โดบ ปี อึง น็อห พึอม เฌาพรา. อึณ มูห อางยาน ปี ดัว โบว กานัม. 16โคว, เซ เบ มึห น็อห หลัยะ อี บอ น็อห ซี ปึอน ดอน โมยว, เบ ดี นับ ดี โบง กาฟัร กาเฟียน นา ตู หมึอม ดอน โมยว.
17เซ อึณ ยี มูห อางยาน ปี ดัว เฌาพรา ดี อี, อึณ แฮะ บอด. อึณ บอ โบง แตห อี ลาย โพรม, โบง โตต ดอน โมยว, แตห อึณ ดาคึย. อึณ แตห อี ลาย โทม โฆรห บอ นับ ดี กาเว กาเซา อี เฮา. อึณ บอ โบง นา หมึอม ดอน โมยว, ตู มึห โดง ร็อก โดง ฌ็อง. อึณ มืร ตู ณึงราง ดอ เหมา. 18เฆ อี มึห น็อห ฌึร ตี, เฆ ปี ดูอี อี ซัม กาอาง เบล แคง กาดาย. เฆ โบง แตห อี ลาย ร็อก ลาย กาล็อะ. แฮะ ฮอต อึณ ปี ปี ซัม เฆ วี มึห เบล. เบล ตี ปี ดูอี เฮา อี โบง นา หมาน นา หมึอม, อี แฮะ แบร กืน.
Currently Selected:
ยก 3: pce
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
ยก 3
3
1เบ บีนอง โอว, แกวะ แตห ดูอี กืน แบน ดา ซารา มาโนว อี. เบ นับ, เซ เย ดา ซารา กาลึบ, เฌาพรา ดี ดัม หมาบ ดี เย หลึอม อี เฮา. 2เอ ดอน อี นับ ดี กาลึบ แบน เฌณ แบน เฌณ. เซ อึณ มึห ดูอี อี กาลาง โฆรห ตู กาลึบ ดอ เหมา, น็อห อัน อาว ฮู โลว อึณปราย มาเซ. อัน มืร แฮะ แป ดี อึบ โตต โดว อัน.
3เอ นับ ดี ฮับ อึณก็อะ แคง โมต มังปร็อง, แตห อัน โดบ ปี อึง เอ. ฮีน ดีแตด ตี นับ ดี อึบ โตต โดว มังปร็อง. 4บอ รึร ซังโพว เฆ โบง ปาย ตี. โดว รึร ซังโพว แฮะ ตาง กาเซา. อึณ บอ โลว คูน ตัห บูด, แตห รึร ซังโพว ปึอน ดี ฮาว. อึณ ยี มึห มัง บัด รึร อี ดีแตด, นับ ดี แยต รึร ซังโพว ตาง แตห อัน ฮาว โดง อึง ดูอี อี บัด. 5ซีดัะ เอ มืร ปาย ตี. ซีดัะ แฮะ ดีแตด แคง โดว โบ็ง ดูอี. อึณ ยี ปึอน กาลาง โฆรห ตาง. แตห เบ เฌณฌา บอ กาโชต เงา. อึณ ดีแตด, ยี นับ ดี กูห ตาง, วี กาซึม แปร ตาง กอ โตต. 6ซีดัะ เอ ปี กาโชต เงา ตี. อึณ กอย แคง โดว เอ, นับ ดี โบง นา ตู หมึอม นา จาว แบน โมยว แบน โมยว. อึณ ปี เงา อี เลห แคง กาโละ งาราย แฮะ ปีด็อะ ดี ซีดัะ เอ, แตห เอ กาลาง โฆรห ตู หมึอม, อี แตห เอ แบน ดูอี ตู หมึอม, แตห บอ อาซาก เอ กอ ชึม.
7เอ อาโมยว ดูอี นับ ดี แป โดว ซัดดาวา แบน โมยว แบน โมยว. บอ มาซีม บอ โดว ซัดดาวา อี กอย แดง กาดาย บอ โดว อี กอย แคง อึม, เอ ดูอี นับ ดี อึบ โตต ดอน โมยว. 8อึณ ยี ตู มึห ดูอี อี นับ ดี ยืน โฆรห อัน. ซีดัะ ตี อาว เยน ดอ เหมา. อัน โบง นา ตู หมึอม เซเซ. อึณ ปี ซีดัะ มึห อาย มาฮัณ อี แป ดี ง็อห ยัม ดูอี.
9อึณ มูห ซีดัะ อู โบ็ง ตี, อี นับ ดี อืบ เฌาพรา อี มูห ฆูณ เอ, ปี วี นับ ดี เอห อี เฮา, อี มูห ดูอี ปี โบง เบลห เฌาพรา, แตห เฆ ปี อารึบ อัน. 10บอ โฆรห ม็องการา แตห ดี อี บอ โฆรห ดืง อี นับ ดี เลห แคง โมต เอ ตี. เบ บีนอง, อาว กาอาบ เอ โบง ปาย ตี. 11เซ อึณ มูห อึม คึม, อาว ปึอน เลห อึม ซีแงห บอ อึม ปราง แคง อึม คึม อู กาเดา ตี. 12เบ บีนอง โอว, แตห เบ บอ เฌณฌา ลอง เฮ. เซ อึณ มูห เฮ ดีปู, อาว ปึอน เลห เบล นามัน. อึณ มืร ตู มึห เฮ มางูน อี มึห เบล ดีปู. บอ อึม คึม บอ ปาย ตี. เซ อึม คึม เลห อึม ปราง, อาว ปึอน วี เลห อึม ซีแงห.
13เซ อึณ มึห ดูอี อี มึห อางยาน กาแต เบ, อัน โลว บยัะ นา หมึอม ปี โบง อัน, แตห อึณ ลึห ลอง อางยาน อัน. เซ อัน ตู ปีคึก น็อห อัน, โบง นา หมึอม ดอน โมยว, แฮะ นับ ซีคยา, ปี โบง อัน ฌึร ตี แฮะ เลห อางยาน บอด. 14เซ เบ ยี มึห น็อห รู, น็อห หลัยะ อี, เซ เบ มึห น็อห ซี ปึอน ดอน โมยว, แกวะ แตห เบ ปีคึก เบ ลอง น็อห ฌึร ตี. แกวะ ต็อห, ปี โบง เบ แฮะ หมาน แฮะ มูห. 15อาเซ ทาง ปี โบง อัน ฌึร ตี แฮะ มูห อางยาน, อึณ ตู มูห อางยาน บอด อี ตัห นา แดง. อึณ มูห อางยาน ดูอี, อาว โดบ ปี อึง น็อห พึอม เฌาพรา. อึณ มูห อางยาน ปี ดัว โบว กานัม. 16โคว, เซ เบ มึห น็อห หลัยะ อี บอ น็อห ซี ปึอน ดอน โมยว, เบ ดี นับ ดี โบง กาฟัร กาเฟียน นา ตู หมึอม ดอน โมยว.
17เซ อึณ ยี มูห อางยาน ปี ดัว เฌาพรา ดี อี, อึณ แฮะ บอด. อึณ บอ โบง แตห อี ลาย โพรม, โบง โตต ดอน โมยว, แตห อึณ ดาคึย. อึณ แตห อี ลาย โทม โฆรห บอ นับ ดี กาเว กาเซา อี เฮา. อึณ บอ โบง นา หมึอม ดอน โมยว, ตู มึห โดง ร็อก โดง ฌ็อง. อึณ มืร ตู ณึงราง ดอ เหมา. 18เฆ อี มึห น็อห ฌึร ตี, เฆ ปี ดูอี อี ซัม กาอาง เบล แคง กาดาย. เฆ โบง แตห อี ลาย ร็อก ลาย กาล็อะ. แฮะ ฮอต อึณ ปี ปี ซัม เฆ วี มึห เบล. เบล ตี ปี ดูอี เฮา อี โบง นา หมาน นา หมึอม, อี แฮะ แบร กืน.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.