ยก 2
2
1เบ บีนอง โอว, เซ เบ หณึม เฌา เยซู, อี มูห ดูอี ปี ร็อห ปี ตึย เฌาพรา, เบ หณึม อัน เฌา อี มึห อาพูง ดังโคว. โคว, แกวะ แตห เบ มึห โดง ร็อก โดง ฌ็อง. 2อูพามา อัน, เซ อึณ มึห ดูอี อู วี, อัน ตา ครึง ชีด, ตา ซีกานู ครีว, ตัห ลึบ แคง โฌง เบ, ปี วี มึห ดูอี ฆีน อู วี ตา ครึง บรีม, อัน มืร ตัห ลึบ แคง โฌง เบ. 3เซ เบ ยึร ดูอี ชีด ตึอน, เบ บอ ต็อห ดี อัน, “แตห แม ตัห ตูต นา แดง.” แฮะ ฮอต, เบ บอ ต็อห ดี ดูอี ฆีน ตึอน, “แม ฮาว จ็อง นา ดอย.” เบ บอ ต็อห ดี อัน, “แตห แม ตูต นา ครึม, ตูต โคบ กาโช็ง โอว.” 4เซ เบ โบง ปาย ตี, เบ มึห โดง ร็อก โดง ฌ็อง. ปี เฌณฌา เบ อาว หมึอม.
5เบ บีนอง ปี ร็อก โอว, แตห เบ โทม โฆรห โอว. แตห เบ ยอด ดูอี ปี ร็อห เฌาพรา. เซ ดูอี เฮา, อี ตู หณึม วี ต็อห, ดูอี นี แฮะ ฆีน, อึณ มูห ดูอี วี ตี, เฌาพรา แฮะ แตห อัน หณึม ซีคยา, แตห อึณ ปี อัน แฮะ ครัม แคง น็อห อัน. เฌาพรา ดี แตห เฆ อี ร็อก อัน ลึบ แคง มืง ปี อึบ อัน. 6เบ ยี ตู โรวเซ เฆ ดูอี ฆีน. เบ โลว เฌณฌา, อาเซ แตห เบ กาดูห ดูก. อึณ มูห ดูอี ครัม. อึณ บอ มูห เฆ, อี พยาก เบ, แตห ดา ตาง ดัม หมาบ ดี เบ. 7อึณ บอ มูห เฆ ดูอี ครัม, เฆ แคณ เฌา เยซู อี บอด, อี ร็อก เบ, อี มูห ดา กาณา อี อึบ เบ.
8แคง บับ เฌาพรา แฮะ แดม อูน ดารา บอด อี ต็อห, “เบ โลว ร็อก อี เฮา, แตห อึณ ปี เบ ร็อก โดว บรีม เบ.” เซ เบ โดบ ดารา ตี, เบ โบง นา หมาน นา หมึอม. 9เซ เบ ยี มึห โดง ร็อก โดง ฌ็อง, อึณ ดี แบน หมาบ ดี เบ. เบ มืร แฮะ ลูต ดารา เฌาพรา. 10โคว, อาเซ ต็อห อัน โดบ ดารา เฌาพรา, อัน ปี บอ กาลึบ อี แจก มืร, แฮะ ฮอต แบน หมาบ ดี อัน. อัน แฮะ ฮอต ลูต โตต ดารา. 11เฌาพรา แฮะ ต็อห, “แกวะ ลูต อีบึณ อี.” อัน มืร ต็อห, “แกวะ ง็อห อาซาก อี.” เซ อึณ มึห ดูอี อู วี, อัน ตู ลูต อีบึณ อี, อัน ยี ง็อห อาซาก อี, อัน แฮะ ฮอต ลูต ดารา เฌาพรา.
12โฆรห ปี กาลาง เบ บอ ปี โบง เบ, อึณ โลว โดบ โตต ดารา, แกวะ แตห อึณ แบน หมาบ ดี เบ. แตห เบ โหลห เซเซ, เฌาพรา ดี ดึห ดารา อัน, วี ซูงพยาด แปะ แฮะ โบง ดอน อี. 13เซ เบ ตู กาเว อี เฮา, เฌาพรา มืร ตู กาเว เบ ปัน ดี ซูงพยาด อัน อามู เบ. อาเซ นับ ดี กาเว อี, อัน ตู โลว โยว เฌาพรา ซูงพยาด อามู อัน.
14เบ บีนอง โอว, เซ อึณ มึห ดูอี อู วี, อัน ต็อห อัน หณึม เฌา เยซู, อัน ยี ตู โบง นา หมึอม ปี กาอาบ โบง, ปี หณึม อัน อาว มึห อาฆยึร มาเซ. เซ อัน หณึม ปาย ตี, อึณ ตู แป ดี คยอด อัน. 15อูพามา อัน, เซ อึณ มึห บีนอง เอ อู วี, อี ตู มึห ปี ดี โฮม ปี ดี ตา, 16ดูอี อู วี กาแต เบ ยี ต็อห ดี อัน, “แตห แม เวณ กาง แม, แตห แม ฆยามซา. แตห ปี ดี โฮม ปี ดี ตา แม กอ ฆลึม.” เซ อัน ต็อห ปาย ตี, ยี ตู ดัว ดี อัน แคะ ปี โลว อัน, โฆรห อัน ปีเยณ. 17อึณ บอ ปาย ตี. บอ เบ, เซ เบ หณึม เฌา เยซู, เบ ยี ตู โบง ปี กาอาบ โบง, ปี หณึม เบ อาว มึห ดีโคว.
18เซ อึณ ยี มึห ดูอี อู วี, อัน ต็อห, “แม, แตห แม หณึม. อี มูห โอว, โอว ยี ตู โลว หณึม. โอว ดี โบง นา บอด,” บอ ฌึร ตี อาว หมาน. โอว ดี วี เวียะ โฆรห ตี ต็อห, “โอว ตู ปึอน ยึร แคะ ปี หณึม แม เซ แม ตู โบง นา หมึอม ปี ปึอน ยึร โอว. อี มูห โอว, โอว ยี หณึม. โอว ดี แตห แม ยึร บอ นา หมึอม ปี โบง โอว, แตห แม กอ นับ ลอง น็อห โอว แฮะ หณึม เฌา เยซู.”
19เซ เบ ต็อห, เบ หณึม อึณ มึห มี เฌาพรา อู กาดัง, ปี หณึม เบ ตี แฮะ หมาน. บอ เฆ กานัม แฮะ หณึม ปาย ตี. เฆ ยี โยว กาเซา เฌาพรา ดี แตห เฆ โจห กาโละ งาราย.
20เซ เบ หณึม มี แคะ ตี, เบ รึร, ตู มึห อางยาน. แตห เบ นับ ซีคยา, เซ เบ หณึม, เบ ยี ตู โบง นา หมึอม ปี อึง เฌาพรา, ปี หณึม เบ ตี อาว มึห ดีโคว. โอว ดี บยัะ ดี เบ ลอง อัน ตี. 21เบ นับ ลอง ดา อาบราฮัม ตึอน, อี มูห ฆูณ ดัง เอ. อัน แฮะ ดึอม ดึห ฆอน อัน อี จืร อาแซก, แฮะ เบลห อัน แดง กาโช็ง หลู, ต็อห ดี ซัด ง็อห หลู อัน. โกบ โบง อัน ปาย ตี, เฌาพรา แฮะ แตห อัน มึห น็อห ลูย. 22ดอ โบง อัน ปาย ตี อัน บอ หณึม ซีคยา เฌาพรา. อึณ บอ ลึห ซีคยา, อัน หณึม บึง เฌาพรา. 23ปาย ตี, อึณ แฮะ แบน ปี ดึอม เบลห อูน เฌาพรา แคง บับ อัน ต็อห, “อาบราฮัม หณึม อัน เฌา. โกบ หณึม อัน ปาย ตี, เฌาพรา แตห อัน มึห น็อห ลูย.” ดูอี เฮา มืร ต็อห, อัน มูห ฆึก เฌาพรา. 24ปาย ตี อึณ ลึห ซีคยา, เซ ดูอี อู วี หณึม บอ โบง นา หมึอม ปี อึง เฌาพรา, อัน ดี ปึอน น็อห ลูย. อาเซ ยี ต็อห, อัน หณึม, อัน ยี ตู โบง ปี อึง เฌาพรา, อัน ตู ปึอน น็อห ลูย.
25ปาย ตี บอ ยา มาลัม อี จืร นาง ราฮาบ ตึอน, บอ อัน แฮะ ปึอน น็อห ลูย โกบ แปะ แฮะ โบง อัน. ดอ แฮะ มึห ดูอี อา วี ปรา ดี คยอง ดี ยอด มืง โดง กอย อัน. อัน แฮะ แตห ฆาย ตัม แคง กาง อัน. แฮะ ฮอต, อัน วี แตห ฆาย เลห ปอ อู โปละ. 26อึณ บอ ปี โดว โบ็ง เอ. เซ น็อห พึอม เอ ตู กอย แคง โดว โบ็ง เอ, เอ ตู อีม, แฮะ ยัม. บอ ปี หณึม เอ บอ ปาย ตี. เซ เอ หณึม, ยี ตู โบง นา หมึอม ปี อึง เฌาพรา, ปี หณึม เอ อาว มึห อาฆยึร.
Currently Selected:
ยก 2: pce
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
ยก 2
2
1เบ บีนอง โอว, เซ เบ หณึม เฌา เยซู, อี มูห ดูอี ปี ร็อห ปี ตึย เฌาพรา, เบ หณึม อัน เฌา อี มึห อาพูง ดังโคว. โคว, แกวะ แตห เบ มึห โดง ร็อก โดง ฌ็อง. 2อูพามา อัน, เซ อึณ มึห ดูอี อู วี, อัน ตา ครึง ชีด, ตา ซีกานู ครีว, ตัห ลึบ แคง โฌง เบ, ปี วี มึห ดูอี ฆีน อู วี ตา ครึง บรีม, อัน มืร ตัห ลึบ แคง โฌง เบ. 3เซ เบ ยึร ดูอี ชีด ตึอน, เบ บอ ต็อห ดี อัน, “แตห แม ตัห ตูต นา แดง.” แฮะ ฮอต, เบ บอ ต็อห ดี ดูอี ฆีน ตึอน, “แม ฮาว จ็อง นา ดอย.” เบ บอ ต็อห ดี อัน, “แตห แม ตูต นา ครึม, ตูต โคบ กาโช็ง โอว.” 4เซ เบ โบง ปาย ตี, เบ มึห โดง ร็อก โดง ฌ็อง. ปี เฌณฌา เบ อาว หมึอม.
5เบ บีนอง ปี ร็อก โอว, แตห เบ โทม โฆรห โอว. แตห เบ ยอด ดูอี ปี ร็อห เฌาพรา. เซ ดูอี เฮา, อี ตู หณึม วี ต็อห, ดูอี นี แฮะ ฆีน, อึณ มูห ดูอี วี ตี, เฌาพรา แฮะ แตห อัน หณึม ซีคยา, แตห อึณ ปี อัน แฮะ ครัม แคง น็อห อัน. เฌาพรา ดี แตห เฆ อี ร็อก อัน ลึบ แคง มืง ปี อึบ อัน. 6เบ ยี ตู โรวเซ เฆ ดูอี ฆีน. เบ โลว เฌณฌา, อาเซ แตห เบ กาดูห ดูก. อึณ มูห ดูอี ครัม. อึณ บอ มูห เฆ, อี พยาก เบ, แตห ดา ตาง ดัม หมาบ ดี เบ. 7อึณ บอ มูห เฆ ดูอี ครัม, เฆ แคณ เฌา เยซู อี บอด, อี ร็อก เบ, อี มูห ดา กาณา อี อึบ เบ.
8แคง บับ เฌาพรา แฮะ แดม อูน ดารา บอด อี ต็อห, “เบ โลว ร็อก อี เฮา, แตห อึณ ปี เบ ร็อก โดว บรีม เบ.” เซ เบ โดบ ดารา ตี, เบ โบง นา หมาน นา หมึอม. 9เซ เบ ยี มึห โดง ร็อก โดง ฌ็อง, อึณ ดี แบน หมาบ ดี เบ. เบ มืร แฮะ ลูต ดารา เฌาพรา. 10โคว, อาเซ ต็อห อัน โดบ ดารา เฌาพรา, อัน ปี บอ กาลึบ อี แจก มืร, แฮะ ฮอต แบน หมาบ ดี อัน. อัน แฮะ ฮอต ลูต โตต ดารา. 11เฌาพรา แฮะ ต็อห, “แกวะ ลูต อีบึณ อี.” อัน มืร ต็อห, “แกวะ ง็อห อาซาก อี.” เซ อึณ มึห ดูอี อู วี, อัน ตู ลูต อีบึณ อี, อัน ยี ง็อห อาซาก อี, อัน แฮะ ฮอต ลูต ดารา เฌาพรา.
12โฆรห ปี กาลาง เบ บอ ปี โบง เบ, อึณ โลว โดบ โตต ดารา, แกวะ แตห อึณ แบน หมาบ ดี เบ. แตห เบ โหลห เซเซ, เฌาพรา ดี ดึห ดารา อัน, วี ซูงพยาด แปะ แฮะ โบง ดอน อี. 13เซ เบ ตู กาเว อี เฮา, เฌาพรา มืร ตู กาเว เบ ปัน ดี ซูงพยาด อัน อามู เบ. อาเซ นับ ดี กาเว อี, อัน ตู โลว โยว เฌาพรา ซูงพยาด อามู อัน.
14เบ บีนอง โอว, เซ อึณ มึห ดูอี อู วี, อัน ต็อห อัน หณึม เฌา เยซู, อัน ยี ตู โบง นา หมึอม ปี กาอาบ โบง, ปี หณึม อัน อาว มึห อาฆยึร มาเซ. เซ อัน หณึม ปาย ตี, อึณ ตู แป ดี คยอด อัน. 15อูพามา อัน, เซ อึณ มึห บีนอง เอ อู วี, อี ตู มึห ปี ดี โฮม ปี ดี ตา, 16ดูอี อู วี กาแต เบ ยี ต็อห ดี อัน, “แตห แม เวณ กาง แม, แตห แม ฆยามซา. แตห ปี ดี โฮม ปี ดี ตา แม กอ ฆลึม.” เซ อัน ต็อห ปาย ตี, ยี ตู ดัว ดี อัน แคะ ปี โลว อัน, โฆรห อัน ปีเยณ. 17อึณ บอ ปาย ตี. บอ เบ, เซ เบ หณึม เฌา เยซู, เบ ยี ตู โบง ปี กาอาบ โบง, ปี หณึม เบ อาว มึห ดีโคว.
18เซ อึณ ยี มึห ดูอี อู วี, อัน ต็อห, “แม, แตห แม หณึม. อี มูห โอว, โอว ยี ตู โลว หณึม. โอว ดี โบง นา บอด,” บอ ฌึร ตี อาว หมาน. โอว ดี วี เวียะ โฆรห ตี ต็อห, “โอว ตู ปึอน ยึร แคะ ปี หณึม แม เซ แม ตู โบง นา หมึอม ปี ปึอน ยึร โอว. อี มูห โอว, โอว ยี หณึม. โอว ดี แตห แม ยึร บอ นา หมึอม ปี โบง โอว, แตห แม กอ นับ ลอง น็อห โอว แฮะ หณึม เฌา เยซู.”
19เซ เบ ต็อห, เบ หณึม อึณ มึห มี เฌาพรา อู กาดัง, ปี หณึม เบ ตี แฮะ หมาน. บอ เฆ กานัม แฮะ หณึม ปาย ตี. เฆ ยี โยว กาเซา เฌาพรา ดี แตห เฆ โจห กาโละ งาราย.
20เซ เบ หณึม มี แคะ ตี, เบ รึร, ตู มึห อางยาน. แตห เบ นับ ซีคยา, เซ เบ หณึม, เบ ยี ตู โบง นา หมึอม ปี อึง เฌาพรา, ปี หณึม เบ ตี อาว มึห ดีโคว. โอว ดี บยัะ ดี เบ ลอง อัน ตี. 21เบ นับ ลอง ดา อาบราฮัม ตึอน, อี มูห ฆูณ ดัง เอ. อัน แฮะ ดึอม ดึห ฆอน อัน อี จืร อาแซก, แฮะ เบลห อัน แดง กาโช็ง หลู, ต็อห ดี ซัด ง็อห หลู อัน. โกบ โบง อัน ปาย ตี, เฌาพรา แฮะ แตห อัน มึห น็อห ลูย. 22ดอ โบง อัน ปาย ตี อัน บอ หณึม ซีคยา เฌาพรา. อึณ บอ ลึห ซีคยา, อัน หณึม บึง เฌาพรา. 23ปาย ตี, อึณ แฮะ แบน ปี ดึอม เบลห อูน เฌาพรา แคง บับ อัน ต็อห, “อาบราฮัม หณึม อัน เฌา. โกบ หณึม อัน ปาย ตี, เฌาพรา แตห อัน มึห น็อห ลูย.” ดูอี เฮา มืร ต็อห, อัน มูห ฆึก เฌาพรา. 24ปาย ตี อึณ ลึห ซีคยา, เซ ดูอี อู วี หณึม บอ โบง นา หมึอม ปี อึง เฌาพรา, อัน ดี ปึอน น็อห ลูย. อาเซ ยี ต็อห, อัน หณึม, อัน ยี ตู โบง ปี อึง เฌาพรา, อัน ตู ปึอน น็อห ลูย.
25ปาย ตี บอ ยา มาลัม อี จืร นาง ราฮาบ ตึอน, บอ อัน แฮะ ปึอน น็อห ลูย โกบ แปะ แฮะ โบง อัน. ดอ แฮะ มึห ดูอี อา วี ปรา ดี คยอง ดี ยอด มืง โดง กอย อัน. อัน แฮะ แตห ฆาย ตัม แคง กาง อัน. แฮะ ฮอต, อัน วี แตห ฆาย เลห ปอ อู โปละ. 26อึณ บอ ปี โดว โบ็ง เอ. เซ น็อห พึอม เอ ตู กอย แคง โดว โบ็ง เอ, เอ ตู อีม, แฮะ ยัม. บอ ปี หณึม เอ บอ ปาย ตี. เซ เอ หณึม, ยี ตู โบง นา หมึอม ปี อึง เฌาพรา, ปี หณึม เอ อาว มึห อาฆยึร.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.