อาอีซายัะ 39
39
ลอง ดาลาม ตัห มืง บาแบ
1ดอ อัน ตี คูนดีคัม อาเมรอดับบาดาน อี มูห ฆอน อาบาดาน อี อึบ มืง บาแบ, อัน บอ จัร ดาลาม อัน ตึย แปะ บอ ลักซอง ดี อาเฮจัะกี โกบ แฮะ ยึร อัน ลอง เซา อาเฮจัะกี แฮะ วี แกน. 2อาเฮจัะกี บอ รวห ดาลาม เฆ ตี. อัน มืร วี บยัะ โตต แคะ กอย โกรวกราม อัน ดอน โมยว. บอ มูห โกรว อี ง็อห ตาง, บอ มูห รึอน เฆ ครีว, บอ อึณกรึห อูห หงูน, นามัน อูห หงูน, ครึง กาโฆห อี บอด อี หมึอม ดอน โมยว, แคะ ปี อูน อัน, อัน บยัะ โตต ดี เฆ. บอ อี กอย แคง โฮว แคง มืง อัน ดอน โปละ, อัน กาลาง โตต ดี เฆ. อู โมยว มืร อัน ตู เครียง.
3ปัน ตี ดา อี บยาน โฆรห เฌาพรา อี จืร อาอีซายัะ บอ วี ตัห โดง กอย คูนดีคัม อาเฮจัะกี บอ วี ดีหมอด อัน ต็อห, “ดูอี เฆ ตี, เฆ ตัห นา เหมา? เฆ แฮะ กาลาง มาเซ ดี แม?” อาเฮจัะกี วี ต็อห, “เฆ แฮะ ตัห มืง อี โต็ง กาเซา, แฮะ ตัห มืง บาแบ.”
4อัน ปี วี ดีหมอด ปัว ต็อห, “แคง โฮว แม นี, เฆ แฮะ ยึร มาเซ?” อาเฮจัะกี ปี วี ต็อห, “เฆ แฮะ ฮอต ยึร โตต ดอน โมยว แคะ กอย โกรวกราม โอว. อาว มึห คอ อู โมยว ปี ตู บยัะ โอว ดี เฆ.”
5แฮะ ฮอต, อาอีซายัะ ปี วี ต็อห ดี อาเฮจัะกี, “แตห แม โทม โฆรห เฌาพรา อี มูห เฌาพรา อี อึบ โตต ดอน โมยว. 6อึณ ดี บอ ฌัม อาคราว ปัน ดี ตัห รันซู แม บอ ดึห โตต โกรวกราม แม, แตห อึณ ฌัม มืง บาแบ. บอ มูห โกรวกราม อี กอย แคง โฮว แม นี, บอ มูห โกรวกราม แปะ แฮะ ดึอม ดึห ตัห กาฌูะ อูน เฆ ดา ดา แม, โกรว อี กอย กอ ฌัม อาตึร นี, อึณ ดี บอ วี ฮาว ฌัม โตต แคง มืง บาแบ. อาว มึห อี ซี ดี ฆีด คอ อู โมยว. เฌาพรา แฮะ กาลาง ปาย ตี. 7เฆ ดี ดึห บอ ฆอน อาราง แม มัง อี, แตห เฆ ฮาว แบน ดูอี ซัห อี กอย แคง โฮว คูนดีคัม บาแบ ตี.”
8อาเฮจัะกี ปี วี ต็อห ดี อาอีซายัะ, “แฮะ บอด, โฆรห เฌาพรา แปะ แฮะ กาลาง แม นี.” โคว, อัน ทาง แคง น็อห อัน, “ดอ มูห โจว โอว นี, หณัม มึห รันซู อี ดี ตัห. อึณ ดี บอ ดาคึย ฆยามซา.”
Currently Selected:
อาอีซายัะ 39: pce
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
