ฆท 6

1อึย เบ บีนอง, เซ อึณ บอ มึห อี แฮะ กาลึบ ดี โบง หมาบ, เบ อี แฮะ แตห น็อห พึอม เฌาพรา อึบ น็อห เบ, เบ โลว จอย ดูอี วี ตี, แตห อัน วี นับ ดี หณึม ซีคยา ปี คา อาต. แตห เบ กาลาง โฆรห อึณจูะ อึณจัม ดอ จอย เบ ดี อัน. แตห เบ ซาดีก, โยว บอ เบ วี กาลึบ ดี โบง หมาบ ปาย ตี. 2เซ เบ มึห ดูก มึห หณาบ, แตห เบ ลาย จอย. เซ เบ โบง ปาย ตี, เบ โบง โดบ โฆรห เฌา เยซู. 3เซ ดูอี อู วี ยี ทาง, โดว อัน แฮะ คึกคัม, มาแล, อัน ยี ตู มึห ดี คึกคัม มาเซ, ดูอี วี ตี, อัน กาโลว ดี โดว บรีม อัน. 4แตห เบ ดอน อี ซาคีะ ดี ยอด ฆาน ปี โบง เบ วี เหมา วี อัน. อาว โลว ลาย กาเฆา ดี ฆาน ปี โบง อี เฮา. เซ เบ โบง ปาย ตี, เบ ดี วี มึห น็อห ตาง โกบ ฆาน ปี โบง เบ ราง อาเซ ราง อัน. 5โคว, ดอน อี ดี โลว โบง แคะ ปี โลว โบง อัน.

6อาเซ เฮน โฆรห เฌาพรา, อัน โลว วี กาซาง โกรว อี หมึอม แคะ ปี มึห อัน ดอน โมยว, ดัว ดี ดา ซารา อี มาโนว อัน.

7แกวะ แตห อาเซ กาโลว เบ. โคว, เฌาพรา ตู คัม อี ลูกตาย อัน. เอ ดูอี, เอ บรัด ซีมา มาเซ, เอ ดี วี ปึอน ดี โซะ ปี บรัด เอ ตี. 8ดูอี อี บรัด ซีมา โหงว, เซ อัน ปี ดูอี อี โบง ปี อึง น็อห บรีม อัน อี นับ ดี โบง หมาบ เซเซ, อัน มืร ดี วี ปึอน ดี โซะ มี โมยว อี นับ ดี กาปยาต ลึร. ดูอี อี บรัด ซีมา โหงว ตี, เซ อัน ยี ปี ดูอี อี โบง ปี อึง น็อห พึอม เฌาพรา, อัน มืร ดี วี ปึอน อาซาก กามาย โกบ โดบ อัน น็อห พึอม เฌาพรา. 9ปาย ตี, แกวะ แตห เอ นูน, แกวะ แตห เอ ดีหลัห. แตห เอ โฆยวฆยา ดี โบง นา บอด นา หมึอม เซเซ. เซ เอ ยี ตู นูน ดี โบง นา หมึอม, ฮี ฌัม อาคราว อัน, เอ ดี ปึอน อาฆยึร อัน อี ปี เอ โซะ โหงว. 10โคว, ดอ ซี ปึอน เอ ดี โบง, แตห เอ โบง นา หมึอม ดี ดูอี ดอน อี. แดง ตี, แตห เอ จอย เฆ บีนอง อี แฮะ หณึม เฌา เยซู อาต จอย เอ อี เฮา.

11แตห เบ ยอด แปะ ปี แดม โอว นี. โดว แปะ ตี แฮะ ตาง กาเซา โกบ แฮะ แดม โอว ตา แด โอว.

12เฆ อี ซี แตห อี เฮา อืบ เฆ ตึอน, เฆ ซี คาหนาบ เบ, แตห เบ ซัวะ แวน ฮูน ลัะคานา อีมาย. เฆ ต็อห ปาย ตี, โคว, เฆ ตู ซี คัม ดูก โกบ กาลาง เฆ ลอง เฌา เยซู แฮะ คัม ดี ยัม แดง ร็อง กาแวะ. 13เฆ ดูอี อี แฮะ ฮอต ซัวะ แวน ฮูน ลัะคานา อีมาย ตี, บอ เฆ ตู โบง โดบ ดารา. เฆ ยี ซี แตห เบ ซัวะ แวน ฮูน ลัะคานา อีมาย, แตห เฆ ปึอน ดี ปีพูง เฆ โกบ แฮะ โบง เบ ดี โดว เบ แคะ ปี จัร ดารา ยูดา. 14อี มูห โอว, อึณ มึห มี อู โมยว อี แตห โอว ปีพูง น็อห โอว. โอว ปึอน ดี กาลาง ลอง เฌา เยซู อี แฮะ คัม ดี ยัม แดง ร็อง กาแวะ. ลอง อัน ตี แฮะ แตห โอว ปึอน ดี ปีพูง โอว. โกบ หณึม โอว ปาย ตี, อี กอย แดง กาดาย นี ดอน โมยว อาว ฮู มึห อาเร มาเซ ดี โอว. อึณ ปี แฮะ ฮอต หราย, แฮะ ฮอต กาฆ็อห ดี โอว. โอว มืร ปี ดูอี อี แฮะ ยัม อี แฮะ ฮอต กาฆ็อห ดี ดอน โมยว อี กอย แดง กาดาย นี. 15โคว, ปี บอ คัม ดี ซัวะ แวน ฮูน ลัะคานา อีมาย, ปี ซัะ คัม มืร, อาเร ตู ตาง มาเซ. เซ เอ บึง เฌา เยซู, แตห อัน ดัว อาซาก กามาย ดี เอ, อาตี แฮะ อาเร ตาง. 16ปาย ตี, เฆ ดอน อี อี โบง โดบ ปี ต็อห โอว นี, แตห อัน เฌา เฆฌู เฆ บอ ดัว น็อห ฆัด เฆียด ดี เฆ ดอน อี. เฆ ดูอี ฌึร ตี, เฆ มูห ดูอี อีซาเรลัะ อาคาคัร อี มูห ดูอี อาโมยว เฌาพรา.

17ปูง อาตึร นี ฮาว, แกวะ แตห อึณ ซี มึห อาเซ อี ดัว ดูก ดี โอว. โคว, โอว แฮะ มึห ปลา ดี โดว โบ็ง โอว อี บยัะ, โอว แฮะ คัม ดูก แบน โมยว แบน โมยว โกบ โดบ โอว เฌา เยซู.

18อึย เบ บีนอง, แตห เฌา เยซู เฆฌู เบ ดอน อี. ซาตู.

Currently Selected:

ฆท 6: pce

Highlight

Copy

Compare