อาเอเซเคน 15
15
ลอง อูพามา เฮ มางูน
1เฌาพรา วี กาลาง โฆรห ดี โอว ต็อห, 2“อึย ฆอน ดูอี, แม ทาง เฮ มางูน แฮะ หมึอม หลึอม เฮ โมยว เฮา? 3แม แฮะ ดึอม ดึห รา เฮ มางูน ตี, โบง อู โมยว อู โมยว อี หมึอม จัร? เฆ ตู ดึห เรียห อัน โบง แบน ซาลัน, แตห อึณ ปึอน ฮอย ครึง. 4เฆ แตห อึณ แบน เฮ โดะ แคง เงา. เซ เงา แฮะ โฮม ดี ดัง อัน โฮะ ดี กาแดะ อัน, อาว ปึอน ดึห เฮ ตี, โบง มาเซ. 5อาต กาซึม อัน แคง เงา มืร, อัน ตู มึห อาฆยึร มาเซ. เซ เงา แฮะ กาซึม, แฮะ วี แบน กาซ็อห, อึณ แว ตู มึห ดีโคว มาเซ.”
6โคว, เฌาพรา อี อึบ โตต ดอน โมยว ต็อห, “เฮ มางูน อี แฮะ กอย กาแต เฮ ดอน โมยว อี กอย แคง แปร โลว แบน เฮ โดะ อี แคง เงา. ปาย ตี โอว ดี แวน เฆ ดูอี แคง มืง เยรูซาแลม. 7โอว ตู จอย เฆ. เฆ ปี บอ เตา ลอด ดี เงา มืร, กูห เงา ดี วี กาซึม เฆ. ปัน ดี ดัม โอว หมาบ ดี เฆ ตี, เบ ดี บอ นับ, โอว มูห เฌาพรา. 8โกบ ตู มึห เฆ น็อห ซืร น็อห หมาน, โอว โบง แตห มืง เฆ แบน โดง เยน โดง ง็อง ดูอี.” เฌาพรา อี อึบ โตต ดอน โมยว แฮะ กาลาง ปาย ตี.
Currently Selected:
อาเอเซเคน 15: pce
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
