นาง เอซาทา 3
3
ลอง อาฮามาน ซี ง็อห แวน ดูอี อายูดา
1วาย อัน ตี คูนดีคัม อาฮาเซรู บอ วี ดึห อาฮามาน อี มูห ฆอน อาฮาแมตาซัะ, อี มูห ดูอี อาโมยว อากาด, แตห อัน ตาง หลึอม เฆ อามู อามาด ดอน อี. 2แคะ กอย เฆ อี มูห แดเจณ คูนดีคัม อี กอย แคง แวง โฮว ตึอน, เฆ ดอน อี กรึบ อาฮามาน โดบ อามีง ปี ต็อห คูนดีคัม ดี เฆ. อาโมวตาเก ยี ตู กรึบ, ตู โรวเซ อัน.
3ปัน ตี เฆ แดเจณ คูนดีคัม เฆ อี กอย บาง มาโลห โฮว ตึอน, เฆ วี ดีหมอด อาโมวตาเก ต็อห, “เหมา อึณ ปาย ปี หลึร แม อามีง คูนดีคัม?” 4อัน ต็อห ดี เฆ, อัน มูห ดูอี อายูดา. เฆ ปี บอ จัร อัน กรึบ ดอน ซีแง มืร, อัน ยี ตู กรึบ. แฮะ ฮอต, เฆ บอ วี กาลาง ดี อาฮามาน แตห อัน นับ, โยว อัน ดี คัม ตู คัม ปี โบง อาโมวตาเก โกบ มูห อัน ดูอี อาโมยว ยูดา.
5อาฮามาน บอ นับ, อาโมวตาเก ตู โฆม, ตู กรึบ อัน, อัน บอ รู กาเซา. 6เซ อัน ดี เหมต ง็อห ยัม อาโมวตาเก อู วี, อาว เบระ ดี น็อห อัน. โกบ มูห อาโมวตาเก ดูอี อายูดา, อัน บอ เหรต ปี ดี ปาย, แตห อัน ปึอน ดี ง็อห แวน โตต แคะ กอย ดู อี อาโมยว ยูดา แคง มาน มืง ปี อึบ คูนดีคัม อาฮาเซรู ดอน โปละ.
7คูนดีคัม อาฮาเซรู แฮะ แบน คูนดีคัม อาดา ฆึร ดี อา ซีนัม, ดอ มูห มาเฆียน ดอ โฆว อี จืร มาเฆียน นีซัน, เฆ บอ กาตาม, แตห เฆ นับ ซีแง ดี ปึอน ดี ง็อห เฆ ดูอี อายูดา. บอ อาฮามาน แฮะ ยึร โดบ. อึณ บอ งยา มาเฆียน ฆึร ดี ฮาอา อี จืร มาเฆียน อาตา.
8วาย อัน ตี อาฮามาน วี ต็อห ดี คูนดีคัม อาฮาเซรู, “อึณ มึห ดูอี อู โมยว อี กอย ดอน นา ดอน โปละ แคง มืง ปี อึบ แม, อี กอย โดบ ดูอี ดอน โมยว. ทูงฆยาม เฆ ตู ปี ทูงฆยาม ดูอี อาโมยว เฮา. เฆ มืร ตู โทม ทูงฆยาม ปี ซูงพยาด อูน แม คูนดีคัม. อาว มึห อาฆยึร ดี แม, เซ แม ควาง เฆ ปาย ตี. 9เซ แม คูนดีคัม โพรม, แตห แม แดม แปะ อามีง ง็อห แวน โตต ดูอี อาโมยว ตี. โอว ดี ดึห รึอน อู หมึณ ทาเลน, ดัว ดี แม คูนดีคัม, แตห เฆ แดเจณ แม ปึอน ดี โบง โดบ อามีง แม ตี.” #3:9 รึอน ตี มูห กาบัก อา แซน ดี บู หมึณ ซัะ
10คูนดีคัม บอ บูต ซีกานู อี มูห อี ดอก ฌึม อัน, ดัว ดี อาฮามาน อี มูห ฆอน อาฮาแมตาซัะ อี มูห อาโมยว ดูอี อากาด อี แบน รันซู เฆ ดูอี อายูดา ตึอน. 11คูนดีคัม วี ต็อห ดี อัน, “รึอน ตี, แม ตู โลว ดัว. บอ ดูอี เฆ ตี โอว ดี อาบ ดี แม, แตห แม โบง ปี ซี โบง แม.”
12บอ ฌัม มาเฆียน ดอ โฆว, ฌัม ซีแง ฆึร ดี ฮาโอย, อาฮามาน บอ แดะ เฆ ดา จาเร คูนดีคัม ดอน อี, แตห เฆ แดม อูน โฆรห ปี กาลาง อัน. เฆ แดม แตห อึณ เลห แคง โฆรห ดอน โมยว ปี กาลาง เฆ ดูอี ดอน มืง. เฆ ซี แตห เฆ ดา กาณา อี อึบ มืง แบน มืง แบน มืง บอ เฆ ดา ตาง แคง ดูอี ดอน โมยว นับ ปี ดัม อูน อาฮามาน. ปี แดม เฆ, อึณ ปี คูนดีคัม แฮะ แดม ราง อัน. เฆ มืร แฮะ ดอก ฌึม คูนดีคัม. 13แฮะ ฮอต, เฆ บอ แตห ดาลาม ตึย แปะ อามีง ตี, ฮาว ฌัม ดอน มาน ดอน มืง, ดอน นา ดอน โปละ, ต็อห แตห เฆ ง็อห แวน โตต แคะ กอย ดูอี อายูดา. ฮี ฌัม มาเฆียน ฆึร ดี ฮาอา, อี จืร มาเฆียน อาตา, ฮี ฌัม ซีแง ฆึร ดี ฮาโอย, แตห เฆ ง็อห บอ ดูอี กัด, ดูอี หนึม, บอ อีบึณ เฆ ฆอน, แตห เฆ วี ดึห บอ โกรวกราม เฆ. 14แปะ อามีง ตึอน, เฆ บอ กาลาง ดี ดูอี ดอน โมยว ดอน มาน ดอน มืง. ฮี ฌัม ซีแง ตี, แตห เฆ แรน โดว เฆ.
15เฆ ดาลาม อี ตึย แปะ ตึอน, เฆ บอ ปีครัน เฆ ดี ฮาว กาลาง ปี ต็อห คูนดีคัม ตึอน ดอน โปละ. แตห บอ เฆ อี กอย ดี มืง ซูซาน ตึอน บอ นับ ลอง อัน ตี. อี มูห คูนดีคัม ฆาย อาฮามาน ยี กอย กาโดบ เดียง อึม มางูน. เฆ อี กอย ดี มืง ซูซาน ตึอน, เฆ ยี กลึร บอ โยว, ตู นับ ปี ดี ปาย.
© 2021, Wycliffe Bible Translator, Inc. All rights reserved.