1 ทล 5

1เบ บีนอง, เย ตู โลว แดม ดี เบ ลอง อาคราว ปัน ดี ตัห เฌา เยซู. 2เบ แฮะ นับ ซีคยา, เซ เฌา เยซู ดี ตัห, อึณ ปี ดา ปรา อี ตัห แคง หมึร. 3เฆ ดูอี ดี ต็อห, “อาว มึห ปี ดี โลว โยว มาเซ, อึณ แฮะ เยน ดอน บลาก.” ดอ อัน ตี อู เฌณ เฆ ดี กาดูห ดูก. อึณ ปี อีบึณ อี แฮะ กาตัด ดี ฆอน. วัต อัน ดี เซา อู เฌณ. ปาย ตี เฆ ดี กาดูห ดูก, อาว ปึอน ลอด.

4เบ บีนอง, เบ ยี ตู กอย แคง อับ ว็อง. โคว, ซีแง ดี ตัห เฌา เยซู ตู ตัห ดี เบ ปี ดา ปรา. อึณ ตู แตห เบ กาจัว. 5เอ ดอน อี มูห ดูอี กอย แคง บลาง, โบง ปี โลว โบง เอ ดอ กาแต ซีแง. เบ ตู กอย แคง อับ ว็อง, ตู โบง ปี โลว โบง เอ แคง หมึร, แกวะ แตห อี ยึร. 6โคว, แกวะ แตห เอ ปี ดูอี เฮา, ดูอี อี อีด. แตห เอ ซาดีก, คัม ดี ยืน, ตู โดบ ปี อึง เอ. 7อาเซ อีด, อัน อีด แคง หมึร. อาเซ เดียง ป็อห, อัน บอ เดียง แคง หมึร กอ ยึต. 8เอ ยี กอย แคง บลาง ซีแง. โคว, แตห เอ ยืน ดี โบง ปี อึง เอ. เอ โลว หณึม เฌาพรา บอ ร็อก เฌาพรา, แตห อึณ ปี ดา ซึก ชึบ ซีโตว ฮีน. เอ โลว หน็อะ อึณด็อะ เฌา เยซู ดี คยอด เอ, แตห อึณ ปี ดา ซึก ชึบ มาฆีณ อัน. 9เอ โลว โบง ปาย ตี, โคว, เฌาพรา ตู ซี แตห เอ คัม หมาบ เอ. อัน ซี แตห เฌา เยซู คยอด เอ. เฌา เยซู มูห ดา กาณา อี อึบ เอ. 10เฌา เยซู แฮะ ฮอต คัม ดี ยัม กาดาง เอ, แตห เอ บอกาเฆลียด ปึอน ดี กอย รึม โดบ อัน. บอ ดูอี อี แฮะ ฮอต ยัม, บอ ดูอี อี ซี อีม แฮะ ปึอน กอย รึม โดบ อัน เซเซ. 11โคว อัน ตี เบ โลว ลาย กาลาง ลอง อัน ตี, แตห อึณ แบน น็อห ดาคึย ดี เบ. แตห เบ ลาย จอย, แตห เบ หณึม ซีคยา. เบ ยี แฮะ โบง ฌึร ตี. แตห เบ บอ โบง ฮาว.

12ปอ อู โมยว เย วี จัร เบ. เบ บีนอง, แตห เบ โรวเซ เฆ ดูอี อี โบง กืน ฆาน เฌาพรา กาแต เบ. เฌาพรา แฮะ ร็อห ดูอี ฌึร ตี, แตห เฆ อึบ เบ, บอ มาโนว เบ. เบ โลว ร็อก เฆ บอ โรวเซ เฆ โกบ โบง เฆ ฆาน เฌาพรา. 13เบ บอ โลว กอย รึม แตห อึณ ดาคึย, แกวะ แตห เบ ลาย กาลูต. 14เย บอ จัร เบ บีนอง, แตห เบ มาโนว ดูอี, แกวะ แตห เฆ กราน. เซ อึณ มึห ดูอี น็อห ตู ดาคึย, กาลาง, แตห เฆ วี ดาคึย. เซ ดูอี โลว อี จอย อัน, แตห เบ จอย. แตห เบ บอ โอด น็อห, แกวะ แตห เบ หงึย รู ดี อี. 15เบ บอ โลว ซาดีก. เซ อึณ มึห ดูอี อี โบง นา จาว ดี เบ, เบ แกวะ วี โบง เวียะ นา จาว ดี อัน. เบ โลว ลาย โบง นา หมึอม, บอ โบง นา หมึอม ดี ดูอี ดอน อี.

16แตห น็อห เบ ดาคึย เซเซ. 17ซาคึร เฌาพรา เซเซ. 18เบ บอ กาดูห มาเซ, แตห เบ ดาง ฆูง เฆฌู ดี เฌาพรา เซเซ. เบ ดูอี อี หณึม เฌา เยซู, เบ โลว โบง ฌึร ตี. เฌาพรา แฮะ จัร เบ ปาย ตี.

19น็อห พึอม เฌาพรา อี กอย แคง น็อห เบ, อึณ ปี เงา. แกวะ แตห เบ บยัด เงา ตี. 20เซ อึณ มึห ดูอี อี บยาน โฆรห เฌาพรา, เบ โลว โทม. แกวะ แวน โฆรห อัน. 21เบ ยี โลว เทว โฆรห อัน ตี, โยว อึณ หมาน อาว หมาน. เซ อึณ มูห โฆรห หมาน โฆรห หมึอม, เบ โลว โหลห, โลว โดบ. 22เซ อึณ ยี มูห นา ตู หมึอม ดอน โมยว, เบ โลว แวน, แกวะ แตห เบ โดบ.

23เฌา เยซู มูห เฌาพรา อี แตห น็อห ฆัด เฆียด. แตห อัน เฌา ตี ดัว บอ น็อห ซีงา บอด ดี เบ. บอ น็อห บอ พึอม บอ โดว โบ็ง เบ, แตห อึณ บอด โตต, แกวะ แตห ดูอี ปึอน ดี กาลาง นา ตู หมึอม ลอง เบ. อู ซีณ ดอ ตี นี กอ ฌัม อาคราว ดี ตัห เฌา เยซู, แตห เบ บอด ปาย ตี เซเซ. เฌา เยซู มูห ดา กาณา อี อึบ เอ. 24อัน แฮะ แดะ เบ โดบ อัน. อัน บอ มึห น็อห ซืร น็อห หมาน. ปี ต็อห อัน ดี โบง, อัน ดี บอ โบง.

25เบ บีนอง, แตห เบ บอ ซาคึร ดาง เย. 26แตห เบ กาลาง ดี บีนอง ดอน อี ลอง แฮะ นัมโหลห เย ดี เฆ. เซ เบ ลาย ยึร เบ โลว ลาย รวห ปี บีนอง. 27ปี ดี จัร โอว ดี เบ ดอ ตี นี, อึณ ปี เฌา เยซู แฮะ จัร เบ. เบ โลว ตีห แปะ นี, แตห เฆ บีนอง ดอน อี ปึอน ดี โทม.

28แตห เฌา เยซู เฆฌู เบ, ดัว ฆยามซา ดี เบ เซเซ.

แคะ นี แปะ ปี ตึย เย ดี เบ.

Currently Selected:

1 ทล 5: pce

Highlight

Copy

Compare