TARA AGYI 17
17
Mihka A Hpara Sumla Ni
1Lang mi, Ehprim bum ga e Mihka mying ai masha langai mi nga ai. 2Shi gaw shi a kanu hpe, “Marai langai ngai nang kaw na gumhpraw hkying mi latsa lagu la kau ya ai shaloi, dai lagut wa hpe nang matsa kau nga ndai. Nang dai hku galaw ai hpe ngai na nngai. Yu u, dai gumhpraw ngai lu nngai. Dai hpe la ai wa gaw ngai rai nga nngai,” ngu nna tsun wu ai.
Shaloi shi a kanu gaw, “Ngai sha e, dai Madu gaw nang hpe shaman ya u ga law!,” ngu nna tsun wu ai. 3Shi chyawm gaw kanu hpe gumhpraw bai nhtang jaw nhtawm, “Nye a kasha ntsa e hkrat wa ai matsa ga jahkring kau na matu gumhpraw dai hpe ngai nan dai Madu kaw dagam let ap nawng da se ai. Gumhpraw hte sup ai hpun hpara sumla langai galaw ai hta dai hpe lang na rai nga ai. Dai rai nna ya ngai nang hpe dai gumhpraw bai nhtang jaw na de ai,” ngu nna tsun wu ai. 4Dai hpang shi gaw gumhpraw dai shi a kanu hpe bai ap ya wu ai. Kanu mung gumhpraw lahkawng tsa la nhtawm hpara sumla hpe hpun hte tawk nna gumhpraw hte jaw ai amu galaw ai janghkam wa hpe sa jaw wu ai. Dai gaw Mihka a nta e tawn da nga ai.
5Dai Mihka ngu ai wa mung shi hta nawku shara lu wu ai. Hpara sumla nkau mi hte hkinjawng palawng ni hpe shi galaw nhtawm, shi a kasha langai mi hpe shi a hkinjawng aya hta san tawn da wu ai. 6Dai aten hta Israela amyu hta hkawhkam n nga nga ai; kadai mung shi ra sharawng ai hku galaw ma ai. #Trg 21:25.
7Dai aten e nan, Yuda mung Betlehem mare hta Lewi shabrang langai mi nga nga ai. 8Shi gaw nga na shara tam la na matu Betlehem mare kaw na pru sa wa wu ai. Shi hkawm sa wa wu yang, Ehprim bum ga na Mihka a nta de du wu ai. 9Mihka gaw shi hpe, “Nang gaw kanang na du sa wa n ni?,” ngu nna san wu ai.
Shi chyawm gaw, “Ngai gaw Yuda mung Betlehem mare na Lewi masha rai nga nngai. Ngai gaw shingbyi shara langai tam hkawm nga nngai,” ngu nna htan wu ai.
10Mihka gaw, “Ngai kaw nga ga. Ngai hpe hpaji jaw ai wa hte nye a hkinjawng tai u, shaloi laning mi hta gumhpraw shi, hpun palawng hte lusha ngai nang hpe jaw na de ai,” ngu nna tsun wu ai. 11Dai Lewi shabrang wa mung Mihka hte rau nga na myit hkrum ya wu ai rai nna shi a kasha langai mi zawn tai wa nu ai. 12Mihka gaw shi a hkinjawng zawn shi hpe san da nu ai rai nna Mihka a nta hta shi nga nga wu ai. 13Mihka gaw, “Ya chyawm gaw nye a hkinjawng tai ya ai Lewi masha langai mi lu nga nngai rai nna dai Madu ngai hpe ngamu ngamai shangun na gaw, ngai chye nngai,” ngu nna tsun wu ai.
Currently Selected:
TARA AGYI 17: JCLB
Highlight
Share
Compare
Copy
Want to have your highlights saved across all your devices? Sign up or sign in
Jinghpaw Common Language Bible © Bible Society of Myanmar, 2009.
