1 HKAWHKAM LABAU 8
8
Benyamin A Amyu Matu Ni
1Benyamin gaw shadang sha manga lu ai. Shanhte gaw asak kaji kaba hku hkan yang, Bela, Ashbela, Ahara, 2Noha hte Rahpa ni rai ma ai.
3Bela a amyu matu ni gaw Adara, Gera, Abihu, 4Abishua, Naman, Ahoa, 5Gera, Shehpuhpan hte Huram ni rai nga ai.
6-7Ehud a amyu matu ni gaw Naman, Ahiya hte Gera ni rai ma ai. Shanhte gaw Geba mare e nga ai dinghku masha ni a ningbaw ni rai ma ai; rai ti mung Manahat mare e sa shanu nga na matu shadut hkrum ma ai. Dai rai nna Uza hte Ahihud yan a kawa Gera gaw shanhte hpe woi hkawm ma ai.
8-9Shaharim gaw shi a madu jan yan rai nga ai Hushim hte Bera hpe jahka kau wu ai. Dai hpang Moba bum ga e shi nga nga yang, Hodesha hpe hkungran la ai hte shadang sha sanit lu nga ai; dai ni gaw Yobab, Zibia, Mesha, Malhkam, 10Yeuza, Shahkia, Mirma ni rai nga ai. Shi a shadang sha ni yawng mung dinghku ni a ningbaw ni tai wa nga ma ai.
11Shi gaw Hushim hte shadang sha lahkawng shaprat wu ai; dai yan gaw Abitu hte Elpala yan rai nga ai.
12Elpala gaw shadang sha masum lu ai; dai ni gaw Ebera, Misham hte Shemed ni rai nga ai. Shemed gaw Ono, Loda mare hte de a grup yin kahtawng ni hpe de da nga ai.
Gat Hte Aiyalon Mare Ni Hta Nga Ai Benyamin Masha Ni
13Beria hte Shema yan gaw Aiyalon mare hta nga ai dinghku masha ni a ningbaw ni rai nna Gat mare hta nga ai masha ni hpe gawt shapraw kau ma ai. 14Beria a amyu matu ni hta Ahio, Shashak, Yeremot, 15Zebadia, Arad, Edera, 16Mihkaela, Ishpa hte Yoha ni lawm nga ai.
Yerusalem Na Benyamin Amyu Masha Ni
17Elpala a amyu matu ni hta Zebadia, Meshulam, Hizki, Hebera, 18Ishmerai, Izlia, hte Yobab ni lawm nga ai.
19Shime a amyu matu ni hta Yakim, Zihkri, Zabdi, 20Elienai, Zilehtai, Eliela, 21Adaia, Beraia hte Shimrat ni lawm nga ai.
22Shashak a amyu matu ni hta Ishpan, Ebera, Eliela, 23Abdon, Zihkri, Hanan, 24Hanani, Elam, Anhtotiya, 25Ipdia hte Penuela ni lawm nga ai.
26Yeroham a amyu matu ni hta Shamsherai, Shehari, Ahtalia, 27Yareshi, Elia, hte Zihkri ni lawm nga ai.
28Ndai ni gaw Yerusalem mare hta kaji kawa ni a prat kaw nna nga hkrat wa ai dinghku masha ni hte rudi amyu matu ni a ningbaw ni rai ma ai.
Gibeon Hte Yerusalem E Nga Ai Benyamin Amyu Masha Ni
29Yeiela gaw Gibeon mare hpe de da ai rai nna dai mare e nga nga ai. Shi a madu jan a mying gaw Mahka rai nga ai. 30Shi a shadang sha alat a mying gaw Abdon rai nga ai. Kaga shadang sha ni gaw Zura, Kisha, Bala, Nera, Nadab, 31Gedora, Ahio, Zehkera, 32Miklot shi gaw Shimea a kawa rai nga ai. Shanhte gaw shanhte a amyu lakung na dinghku masha ni hte Yerusalem mare e tinang a hpu nau ni a makau e nga nga ma ai.
33Nera gaw Kisha a kawa rai nna, Kisha gaw Hkawhkam Shawlu a kawa rai nga ai. Shawlu gaw shadang sha mali lu ai; dai ni gaw Yonahtan, Mahkishua, Abinadab hte Eshbala ni rai nga ai. 34Yonahtan gaw Meribala a kawa, Meribala gaw Mihka a kawa rai nga ai.
35Mihka gaw shadang sha mali lu ai; dai ni gaw Pihton, Melek, Tarea hte Ahaza ni rai nga ai.
36Ahaza gaw Yehoada a kawa, Yehoada gaw Alemet, Azmawet hte Zimri ni a kawa rai nga ai. Zimri gaw Moza a kawa, 37Moza gaw Binea a kawa, Binea gaw Rahpa a kawa, Rahpa gaw Eleasa a kawa, Eleasa gaw Azela a kawa rai nga ai.
38Azela gaw shadang sha kru lu ai; dai ni gaw Azrikam, Bohkeru, Ishmaela, Sheria, Obadia hte Hanan ni rai ma ai. 39Azela a kanau Eshek mung shadang sha masum lu ai; dai ni gaw Ulam, Yeusha hte Elihpelet ni rai ma ai.
40Ulam a shadang sha ni gaw laklai ai share hpyenla ni hte ndan chye gap ai ni rai ma ai. Shi gaw kashu kasha yawng latsa e manga shi lu nga ai. Lahta de tsun lai wa sai mying nlang hte gaw Benyamin amyu bawsang ni hkrai rai ma ai.
Currently Selected:
1 HKAWHKAM LABAU 8: JCLB
Highlight
Copy
Compare
Share
Want to have your highlights saved across all your devices? Sign up or sign in
Jinghpaw Common Language Bible © Bible Society of Myanmar, 2009.
