1 HKAWHKAM LABAU 2
2
Yuda Amyu Matu Ni
1Yaku gaw shadang sha shi lahkawng lu ai; dai ni gaw Rubin, Simun, Lewi, Yuda, Yisahka, Zebulun, 2Dan, Yosep, Benyamin, Naphtali, Gad, hte Ashe ni rai nga ai.
3Yuda gaw shadang sha manga lu nga ai. Shi a madu jan Hkanan num Batshua kaw na shadang sha masum rai nga lu ai; dai ni gaw Era, Onan, hte Shela ni rai nga ai. Shi a kasha alat Era mahtang grai n hkru ai wa rai nna dai Madu shi hpe sat kau wu ai. 4Shi a kanam Htama mung Yuda a matu Hparet hte Zerak shadang sha lahkawng shaprat ya wu ai.
5Hparet gaw Hezron hte Hamula shadang sha lahkawng lu wu ai. 6Shi a kanau Zera gaw shadang sha manga lu nga ai; dai ni gaw Zimri, Ehtan, Heman, Hkalahkola hte Darda ni rai nga ai. 7Ahkan gaw Zera amyu matu langai na Hkarmi a kasha rai nhtawm Karai Kasang hta majai da sai arai ni hpe hta la wu ai majaw Israela amyu masha ni hpe tsin-yam tsindam jahkrum nga wu ai.#Ysh 7:1.
8Ehtan gaw Azaria ngu ai shadang sha langai lu nga ai.
Hkawhkam Dawi A Dinghku Aru Asai
9Hezron gaw shadang sha masum lu nga ai; dai ni gaw Yeramela, Ram hte Hkaleb ni rai nga ai.
10Ndai gaw Ram kaw nna Yese du hkra na dinghku aru asai rai nga ai: Ram, Aminadab, Nashon (shi gaw Yuda amyu bawsang hta dan hkung ai masha langai mi rai nga ai.) 11Salmon, Bua, 12Obed hte Yese.
13Yese gaw shadang sha sanit lu nga ai. Dai ni gaw asak kaji kaba hku hkan yang Eliaba, Abinadab, Shama, 14Nehtanela, Radai, 15Ozem hte Dawi ni rai nga ai. 16Shi gaw Zeruia hte Abigala ngu ai shayi sha lahkawng mung lu nga ai.
Yese a shayi sha Zeruia hta shadang sha masum lu nga ai; dai ni gaw Abishai, Yoab hte Asahela ni rai nga ai. 17Kaga shi a shayi sha Abigala mahtang Ishmaela a amyu matu langai rai nga ai Yehtera hte hkungran nga ai; shan hta Amasa mying ai shadang sha langai lu ma ai.
Hezron A Amyu Matu Ni
18Hezron a kasha Hkaleb gaw Azuba hpe hkungran la wu ai rai nna Yeriot mying ai shayi sha shaprat ma ai. Shi gaw shadang sha masum lu nga ai; dai ni gaw Yeshera, Shoba hte Ardon ni rai nga ai. 19Azuba si mat jang Hkaleb gaw Ehprat hpe hkungran la nna shan hta Hura mying ai shadang sha langai lu ma ai. 20Hura a kasha gaw Uri rai nna shi a kashu gaw Bezalela rai nga ai.
21Hezron gaw asak kru shi ning du sayang she, Gilead a kajan Mahkira a shayi sha hpe hkungran la wu ai. Shan gaw Seguba mying ai shadang sha langai lu ma ai. 22Seguba mung Yaira mying ai shadang sha langai lu nga ai. Dai rai nna Yaira gaw Gilead mung na mare hkun masum hpe up hkang nga ai. 23Rai ti mung Geshura hte Aram mungdan ni gaw dai yang hkan na mare kru shi hpe mung, Yaira hte Kena yan a kahtawng ni hpe mung, grup yin hkan na mare ni hpe mung gasat dang la kau ma ai. Dai yang hkan shanu nga ai amyu masha ni yawng gaw Gilead a kawa Mahkira a amyu matu ni rai ma ai. 24Hezron si mat ai hpang shi a kasha Hkaleb mahtang kawa a gaida Ehprat hpe hkungran la wu ai. Shing rai shan gaw Tekoa mare hpe woi de da ai Ashura mying ai shadang sha lu ma ai.
Yeramela A Amyu Matu Ni
25Hezron a kasha alat Yeramela gaw shadang sha manga lu nga ai; dai ni gaw kasha alat Ram, Buna, Oren, Ozem, hte Ahiya ni rai ma ai. 26-27Ram gaw shadang sha masum lu nga ai; dai ni gaw Maza, Yamin, hte Ekera ni rai nga ai. Yeramela hta Atara mying ai kaga madu jan mung lu ai rai nna shan hta shadang Onam langai lu ma ai. 28Onam gaw shadang sha lahkawng lu nga ai; shan gaw Shamai hte Yada yan rai nga ai. Shamai mung shadang sha lahkawng lu nga ai; shan gaw Nadab hte Abishura yan rai nga ai.
29Abishura gaw Abihala mying ai numsha hpe hkungran la wu ai rai nna shan hta shadang sha lahkawng nga nga ai; dai yan gaw Aban hte Molid yan rai nga ai. 30Abishura a kahpu Nadab hta shadang sha lahkawng nga nga ai; shan gaw Seled hte Apaim yan rai nga ma ai, rai ti mung Seled chyawm gaw shadang n shaprat ai sha si mat wa sai. 31Apaim gaw Ishi a kawa rai nga ai, Ishi gaw Sheshan a kawa, Sheshan gaw Alai a kawa rai nga ai.
32Shamai a kanau Yada mahtang shadang sha lahkawng lu nga ai; shan gaw Yehtera hte Yonahtan yan rai nga ai: rai ti mung Yehtera mahtang shadang sha n shaprat ai sha si mat wa sai. 33Yonahtan gaw shadang sha lahkawng lu nga ai; shan gaw Pelet hte Zaza yan rai nga ai. Ndai ni yawng gaw Yeramela a amyu matu ni hkrai rai nga ai.
34Sheshan chyawm gaw shadang sha n lu ai, shayi sha ni hkrai lu nga ai. Shi gaw Yaha mying ai Egutu masha shangun ma langai lu ai rai nna, 35shi a shayi sha langai mi hpe jaw sha wu ai. Shaloi Atai mying ai shadang sha langai lu ma ai. 36Atai kaw nna Elishama du hkra na dinghku aru asai matu gaw lawu de na hte maren rai nga ai: Atai, Nahtan, Zabad, 37Epla, Obed, 38Yehu, Azaria, 39Hele, Eleasa, 40Simai, Shalum, 41Yekamia hte Elishama.
Hkaleb A Kaga Amyu matu Ni
42Yeramela a kanau Hkaleb a shadang sha alat gaw Mesha mying ai wa rai nga ai. Mesha gaw Zihpa a kawa, shi gaw Maresha a kawa rai nga ai; Maresha gaw Hebron a kawa rai nga ai. 43Hebron gaw shadang sha mali lu nga ai; dai ni gaw Kora, Tapua, Rekem, hte Shema ni rai nga ai. 44Shema gaw Raham a kawa rai nna Yorkeam a kaji rai nga ai. Shema a kahpu Rekem gaw Shamai a kawa, 45Shamai gaw Maon a kawa, Maon gaw Betzura a kawa rai nga ai.
46Hkaleb gaw Ehpa mying ai lashi num langai lu ai; shi gaw shadang sha masum lu nga ai, dai ni gaw Haran, Moza hte Gaze ni rai ma ai. Haran hta mung Gaze mying ai shadang sha langai lu wu ai.
47(Yadai mying ai wa gaw shadang sha kru lu nga ai; dai ni gaw Regem, Yohtam, Geshan, Pelet, Ehpa, hte Shahpa hte rai ma ai.)
48Hkaleb a lashi num Mahka gaw Shebera hte Tirhana ngu ai shadang sha yan hpe shaprat wu ai. 49Dai hpang shi gaw kaga shadang sha lahkawng mung naw lu nga ai; dai yan gaw Madmana mare hpe woi de ai Shahpa hte Makbena hte Gibea mare ni hpe woi de ai Shewa rai nga ai.
Dai ni hta n-ga, Hkaleb hta Aksa mying ai shayi sha langai mi mung lu nga ai.
50Ndai ni mung Hkaleb a amyu matu ni rai nga ma ai: Hura gaw Hkaleb hte madu jan Ehprat yan a shadang sha alat rai nga ai. Hura a kasha Shobala gaw Kiriat Yarim mare hpe woi de ai wa rai nga ai; 51Shi a kasha Ma Naw ngu na Salma gaw Betlehem mare hpe woi de da nhtawm Ma La ngu na Harep gaw Betgadera mare hpe woi de da nga ai.
52Kiriat Yarim mare woi de ai Shobala gaw Haroe amyu masha ni hte Menuhot amyu daw chyen mi a kaji kawa rai nga ai; 53Kiriat Yarim mare hta shanu nga ai lakung lama ni gaw Ihtri masha ni, Puhti masha ni, Shumahti masha ni hte Mishrai masha ni rai ma ai. (Zoara hte Eshtaola mare na masha ni gaw ndai amyu lakung lama hta lawm ai hpung ni rai nga ai.)
54Salma gaw Betlehem mare hpe woi de ai wa rai nna Nehtohpa, Atrot Bet Yoab hte Manahat amyu lakung lama lahkawng hta na Zori masha ni a kaji kawa rai nga ai.
55(Yabet mare e nga nna laika ka ai hte ga shaka laika ni hpe kanan ka ai amu hta kung kyang ai amyu lakung ni gaw, Tirahti, Shimehti hte Suhkahti masha ni rai ma ai. Shanhte gaw Rehkab masha ni hte dinghku rawn sha ai Keni masha ni rai nga ai.)
Currently Selected:
1 HKAWHKAM LABAU 2: JCLB
Highlight
Copy
Compare
Share
Want to have your highlights saved across all your devices? Sign up or sign in
Jinghpaw Common Language Bible © Bible Society of Myanmar, 2009.
