Ngalate Ebaani
Ebaani
Okanda wo Poole ŋa Ngalate wo adugi ma Ekuga beeli ma kacu ka kwogo ka kalumu ka Tiriki ka lubu. Poole wangi ekuga e nde eke kanca opinga o nde wo ywele ŋa wo otari ma kaje ka kaba Ncya Yeemve ŋa ma kasa alwoni a Jezu. Ŋaa amana nde, baari akima ayi mpa mbari kima. Mva Ekuga ekima ba kuna kuna, Baari ba Ngalasi kanca bo ŋa akiricye ba aJife bila ba baawa mpila anjo ma anjyami akima. Akiricye ba aJife ba akyele amaami ma angiri ake obu-obu ba anjyami ba aJife. Ngiri yia ye liga ma kaja bila ŋa baari ba anjyami akima ŋa ye duga ŋa balaga ma kasa ncazi. Baari ba abiza mbari a Poole ba abaraga ndi akiricye aso ave anyimi ngiri yia, amana bwa, bo ba abuna kayalaga Jezu Kirisite. Esizigi bya ka mva Ncya Yeemve e Jezu Kirisite ŋi. Poole teendi asi Ngalate ma jaa lya.
Poole jii ma kasa asi Ngalate kayalaga ndi lila otu ma Jezu Kirisite lesa ma kaka nca ondigi o tele ŋa boove bila Njyami. Nde asamaŋa bwa ma etini etari.
Ma etini 1–2, nde anaana jaa le ndemankulu. Nde, Jife omo mikiriga ntuma Jezu Kirisite kampaani baali ka AJife ŋi. Amfumu ba Okuga ba Jeruzaleme kiigi ojugu omo bila nde. Akiricye baali ka aJife ŋi ba abuna kanyima angiri ma aJife ŋi. Poole bagi lebila ma jaa lya bila ntuma Pyere. Nde kavura kasa nde kabaraga bwa: baari ba omwo Njyami yambi bo kabila ndi bo amayalaga Jezu Kirisite, ŋa ka ma bo ba baanyima angiri a Njyami ŋi.
Kanca etini 3–4, Poole li pa yila ampiri ma Obuga o kala ma kakala esizigi e nde. Ngiri Njyami ye sa baari amwo kayele, ŋaa ndagi ye Njyami eli ka abaana ngiri. Ndagi yia asi ma Jezu Kirisite. Baari ba omwo aso ŋa ntali se ka osu o Njyami. Bo ali mbuuru omo bila Njyami ŋa ake bila baamo se amavunuŋa ma Jezu Kirisite (lekese 3.28). Bwa ewuani baari akami ba kacya kamo ka anjyami akima (aJife bila baali ka aJife ŋi), maami a bo ki amo ŋi (ayiga bila avuzugi) osu jwele (abalaga bila akaazi).
Ma etini 5–6, Poole asamaŋa lemigi le akiricye ba apisa. Mbuuru wo ayalaga akama buna kasaga kaka tele ma ndemankulu ŋi (lekese 3.11). Nde wo avuzugi ma ove ba abuga. Okorogo, ngiri ye Kirisite eki ka ma amaami ma angiri ŋi, ŋaa yo ye piza ma kabira olemi ba ake bila baamo (6.2). Kaka ovuzugi, ma kaka mfumu abuga ma kanyina kabira ma Oduduma wo aya ma Njyami.
Currently Selected:
Ngalate Ebaani: teg
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES