Esima Ebaani e mbari
Ebaani e mbari
Buku le Esima ba Antuma kamaka kasangumu ka oywele kasala Luke. Nca le ncomi, mbari a nde, Luke sugi ntini ye omwo o Jezu ba ncye. Nde alyele ma ekuli e Jezu, ma ampiri a nde, ma eyizigi, leku, ŋa ma enyuzugi e nde. Ka ebaana kuma Jezu yulu (Esima 1.1-11), Kaduduma ka Kirisite kanca mpanaŋa alwoni a nde ba ekaala eki: ba ka ma mono nde bila miizi anjuru ŋi. Ŋa mabwa ndi buku le Esima kabaana ma ntini ye Okuga: Jezu kaka ma kaduduma ma Oduduma nde, wo abira ŋa wo abuna mpa alwoni mpari a nde.
Maami mama aluula omwo. Le mono ekuli ba oju wo akiricye kanca mpanaŋa aJife (bila ntuma Pyere), mva ka Jeruzaleme, sikali kanca mpanaŋa baali ka aJife ŋi, mva Antiyoce, Korete sikali Filipe. Alwono se ntuma Poole ma lebigi le epinga e nde ma kajanja ma Mfumu. Abagi odugu ma mpasi ma Okuga wo onkere ŋa lemigi le buni nde ka kozo ma puga le Oduduma Mfumu.
Kanca mpanaŋa anculu a buku ma awobi eli le buna cwolo «eteendi baba alyele maami ma omwo o Luke». Luke alyele ma mbuuru wo ncomi ma kalyele opinga ba Teroyase ka Filipe («Bizi le sagi kaje...» 16.10-40), ŋa tii Jeruzaleme, eli Poole akwari (20. 5 - 21.18), ŋa amana Sezare ka Rome, eli Poole anjila esibi jwele eli amana apami (olwo 27 - 28).
Enyunuŋi e buku ba elyele tiitii ma asa nde (1. 8):
- amaami ma ayi ka ebaani ba Okuga o ncomi, ka Jeruzaleme, amana e kumi e Jezu (1. 1 - 8. 3);
- ma ka kaba mbari nca esi ba esiili (8. 4 - 12. 25),
- amana nca esi ekima mpani lemere le Mediterane, ŋa tii Rome, bungu le esi ba enini eso (13. 1 - 28. 31).
Osizigi wo ama kura nca ewobi ŋa elyeli ba antuma. Ba amono ndi Jezu wu wo amvyeri ma aso, aJife mva baali ka aJife ŋi, ni okima wo aka ka Palesetine. Oduduma aselege kaya vuruga alwoni mpila mbuuru a nde, mbari a nde ŋa esima e nde.
Amaami maa ma ayiri nca buku le Esima anaana njila ma amaami ma ndi Okuga ma antini aso ba asa: le mpa mbari ye Jezu Kirisite ma Okuga o baari amwon, tii okiri o ncye.
Currently Selected:
Esima Ebaani e mbari: teg
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES