Esima 22
22
1«Andumu a mi ŋa ataara a mi, leyuga ma alyele mi be ma kacuula njuru a mi.» 2Ŋaa bo ayuga kalyele nde ma jui le bo le eberayike, bo aselegi ki pi. Ŋaa Poole dugi ndi: 3«Mi Jife, akuli ka Tarese wo Silisi. Ŋaa mi yeli ka Jeruzaleme kunu, ŋa mi bagi mva oyizigi Ngamaliyele. Nde yizigi mi ma kaya angiri ajaajaa ma ankaaga a bizi a be. Mi kiigi ma anjya Njyami bila yala, mva be aso lubu. 4Mi mpi ba baalwono Njila Mfumu mpasi tii leku. Mi si ka kuara ŋa cuni ma ongeneŋe abalaga bila akaazi. 5Ompi ambwoŋi woonini ŋa oju we akuuru ba abuna lyele ni mi elyele ŋa syele. Bo ampi mi esangumu eli ma ebuna kuara andumu ba aJife ka Damase, ŋa mi yeni nca kangundu kia: mi sagi kuara ayaligi ba akiigi kwa, ma kaya bila bo Jeruzaleme ni abuma bo luuba.»
Poole alyele e cwoli e Mfumu
6«Mi kiigi ma njila ŋa mi kiigi tuga Damase, kancinci ŋaa, tari lemi kalaga ngulu ocu, kawii keenini kamon kawi yulu ka kyemi ŋa kajeniŋi mi. 7Mi vi ma ncye ŋa mi yugi jui lelyele mi ndi: “Soole, Soole, we meema ampa mi mpasi?” 8Mi pizi ni: “We na Mfumu?” Jui le kaali ma mi ndi: “Mi Jezu wo Nazarete, wo ampa we mpasi.” 9Baakiigi bila mi amoni kawii, ŋaa bo aki yuga jui le wo ki lyele bila mi ŋi. 10Ŋaa mi pizi ndi: “Ŋaa mi buni esa Mfumu?” Ŋa Mfumu dugi mi ndi: “Temeŋe, je Damase, ŋa kaŋa ba alyele we lemigi leso lesa we.” 11Mva kawii ka ekyeme kiigi ka ma bula mi miizi, ba akiigi yila mi ayagi mi ma kwogo ŋa abiri mi Damase. 12Kaŋaa, kiigi ŋa balaga lemo nkuumu Ananyase. Nde kiigi nyima Njyami ma katura ngiri a Moyize. AJife aso baakiigi ka Damase ba kalyele maave ma nde. 13Nde yi baraga mi nde ki mpaana mi ŋa nde dugi mi ndi: “Soole, ndumu a mi, ni miizi a we avura mono!” Kancinci ŋaa mi miizi a naaŋi ŋa mi moni nde. 14Nde lusi ndi: “Njyami ankaaga a bizi a be ma aswolo we ka levuzu ma kasa ma jii nde. Nde swoli we mini we mono Jezu, wo Tele, ŋa ndi we yuga jui le nde. 15Okorogo we aka temi le nde ma ka lyele ka miizi a baari ma moni we bila ma yugi we. 16Ŋa yiga ema levura njila? Temeŋe ŋa yaga ateemi ŋa kacuka amaami maabi a we ŋa ma ecwoli e nkuumu a nde.”»
Poole alyele lemigi le atumi nde mpila baali ka aJife ŋi
17«Mi vurugi Jeruzaleme ŋa, ŋaa mi ebwono nca Njo Njyami, mi bagi lworo lemo. 18Mi moni Mfumu ŋa nde dugi mi ndi: “We sanaŋa cuuga Jeruzaleme! Okorogo baari ba kangundu ki ba kayalaga otemi o we ma mi ŋi.” 19Mi kaali ndi: “Mfumu, bo ayayi yemiŋi ndi, mi kiigi je nca anjo ma ba baabwono ma kalege le ongeneŋe bila ma kabere ba ayalaga we. 20Ŋa ntini ye abumi Etyene, temi a we, mi se, kiigi kaŋaa. Mi yaligi ba kiigi buma nde ŋa mi kyeli amfa a bo.” 21Mfumu dugi ŋa mi ndi: “Je, kabila mi etuma we laa, mpila baali ka aJife ŋi.”»
Poole bila komanda aRome
22Lembuuru kiigi leyuga Poole tii ntini ye mani nde mbari ye mbiza, ŋaa aso yiga baata anya ndi: «Lebuma balaga li! Ka kpa! Nde ki buna kaka mwon yila ncye yi ŋi!» 23Bo aselegi ti osarigi, acyezi angoyi a bo ŋa ma kacuna ewuru kayulu. 24Ŋaa komanda wo aworo arome dugi ndi: «Lesa kanyunuŋa Poole nca njo aworo ŋa le bere nde mini nde kalyele! Mi e sanaŋa ya meema lembuuru leta nde nya ma wua osumbu.» 25Ŋaa ma ntini ye bo akuri nde esia ma kabere nde ekasi, Poole dugi ŋa mfumu aworo wo kiigi kaŋaa ndi: «Be lesaga bere mbuuru oRome omo ekasi eli be lekini mpama ŋi?» 26Ntini ye yugi mfumu aworo bwa, nde yi yieze komanda ndi: «We ema asaga kasa? Balaga li mbuuru oRome!» 27Ŋaa komanda yi bazaga Poole ŋa nde pizi nde ndi: «Duga mi, si syele we mbuuru oRome?» Poole yaligi: «Ee». 28Komanda dugi nde ndi: «Mi ncini ampara akukuna ma ka kiriga mbuuru oRome.» Poole kaali ndi: «Ŋa mi, mi osi kwa kaasa kula mi!» 29Kancinci ŋaa ba asagi bere nde ma kasa ni nde kalyele anyini nde. Ŋaa komanda kayaa ndi nde ma akura mbuuru aRome esia, Nde bagi obwogo.
Poole ka miizi ma Oju wo amfumu ba ankani baanini
30Komanda asaga kayaa lemigi le tiitii le akolo aJife Poole. Ŋaa enyuzuga, nde cyezi nde ma esia ŋa cwoli ampi ambwoŋi baanini ŋa Oju wo amfumu ba ankani baanini. Ŋa nde yi bila Poole ŋa legi ka miizi a bo.
Currently Selected:
Esima 22: teg
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Esima 22
22
1«Andumu a mi ŋa ataara a mi, leyuga ma alyele mi be ma kacuula njuru a mi.» 2Ŋaa bo ayuga kalyele nde ma jui le bo le eberayike, bo aselegi ki pi. Ŋaa Poole dugi ndi: 3«Mi Jife, akuli ka Tarese wo Silisi. Ŋaa mi yeli ka Jeruzaleme kunu, ŋa mi bagi mva oyizigi Ngamaliyele. Nde yizigi mi ma kaya angiri ajaajaa ma ankaaga a bizi a be. Mi kiigi ma anjya Njyami bila yala, mva be aso lubu. 4Mi mpi ba baalwono Njila Mfumu mpasi tii leku. Mi si ka kuara ŋa cuni ma ongeneŋe abalaga bila akaazi. 5Ompi ambwoŋi woonini ŋa oju we akuuru ba abuna lyele ni mi elyele ŋa syele. Bo ampi mi esangumu eli ma ebuna kuara andumu ba aJife ka Damase, ŋa mi yeni nca kangundu kia: mi sagi kuara ayaligi ba akiigi kwa, ma kaya bila bo Jeruzaleme ni abuma bo luuba.»
Poole alyele e cwoli e Mfumu
6«Mi kiigi ma njila ŋa mi kiigi tuga Damase, kancinci ŋaa, tari lemi kalaga ngulu ocu, kawii keenini kamon kawi yulu ka kyemi ŋa kajeniŋi mi. 7Mi vi ma ncye ŋa mi yugi jui lelyele mi ndi: “Soole, Soole, we meema ampa mi mpasi?” 8Mi pizi ni: “We na Mfumu?” Jui le kaali ma mi ndi: “Mi Jezu wo Nazarete, wo ampa we mpasi.” 9Baakiigi bila mi amoni kawii, ŋaa bo aki yuga jui le wo ki lyele bila mi ŋi. 10Ŋaa mi pizi ndi: “Ŋaa mi buni esa Mfumu?” Ŋa Mfumu dugi mi ndi: “Temeŋe, je Damase, ŋa kaŋa ba alyele we lemigi leso lesa we.” 11Mva kawii ka ekyeme kiigi ka ma bula mi miizi, ba akiigi yila mi ayagi mi ma kwogo ŋa abiri mi Damase. 12Kaŋaa, kiigi ŋa balaga lemo nkuumu Ananyase. Nde kiigi nyima Njyami ma katura ngiri a Moyize. AJife aso baakiigi ka Damase ba kalyele maave ma nde. 13Nde yi baraga mi nde ki mpaana mi ŋa nde dugi mi ndi: “Soole, ndumu a mi, ni miizi a we avura mono!” Kancinci ŋaa mi miizi a naaŋi ŋa mi moni nde. 14Nde lusi ndi: “Njyami ankaaga a bizi a be ma aswolo we ka levuzu ma kasa ma jii nde. Nde swoli we mini we mono Jezu, wo Tele, ŋa ndi we yuga jui le nde. 15Okorogo we aka temi le nde ma ka lyele ka miizi a baari ma moni we bila ma yugi we. 16Ŋa yiga ema levura njila? Temeŋe ŋa yaga ateemi ŋa kacuka amaami maabi a we ŋa ma ecwoli e nkuumu a nde.”»
Poole alyele lemigi le atumi nde mpila baali ka aJife ŋi
17«Mi vurugi Jeruzaleme ŋa, ŋaa mi ebwono nca Njo Njyami, mi bagi lworo lemo. 18Mi moni Mfumu ŋa nde dugi mi ndi: “We sanaŋa cuuga Jeruzaleme! Okorogo baari ba kangundu ki ba kayalaga otemi o we ma mi ŋi.” 19Mi kaali ndi: “Mfumu, bo ayayi yemiŋi ndi, mi kiigi je nca anjo ma ba baabwono ma kalege le ongeneŋe bila ma kabere ba ayalaga we. 20Ŋa ntini ye abumi Etyene, temi a we, mi se, kiigi kaŋaa. Mi yaligi ba kiigi buma nde ŋa mi kyeli amfa a bo.” 21Mfumu dugi ŋa mi ndi: “Je, kabila mi etuma we laa, mpila baali ka aJife ŋi.”»
Poole bila komanda aRome
22Lembuuru kiigi leyuga Poole tii ntini ye mani nde mbari ye mbiza, ŋaa aso yiga baata anya ndi: «Lebuma balaga li! Ka kpa! Nde ki buna kaka mwon yila ncye yi ŋi!» 23Bo aselegi ti osarigi, acyezi angoyi a bo ŋa ma kacuna ewuru kayulu. 24Ŋaa komanda wo aworo arome dugi ndi: «Lesa kanyunuŋa Poole nca njo aworo ŋa le bere nde mini nde kalyele! Mi e sanaŋa ya meema lembuuru leta nde nya ma wua osumbu.» 25Ŋaa ma ntini ye bo akuri nde esia ma kabere nde ekasi, Poole dugi ŋa mfumu aworo wo kiigi kaŋaa ndi: «Be lesaga bere mbuuru oRome omo ekasi eli be lekini mpama ŋi?» 26Ntini ye yugi mfumu aworo bwa, nde yi yieze komanda ndi: «We ema asaga kasa? Balaga li mbuuru oRome!» 27Ŋaa komanda yi bazaga Poole ŋa nde pizi nde ndi: «Duga mi, si syele we mbuuru oRome?» Poole yaligi: «Ee». 28Komanda dugi nde ndi: «Mi ncini ampara akukuna ma ka kiriga mbuuru oRome.» Poole kaali ndi: «Ŋa mi, mi osi kwa kaasa kula mi!» 29Kancinci ŋaa ba asagi bere nde ma kasa ni nde kalyele anyini nde. Ŋaa komanda kayaa ndi nde ma akura mbuuru aRome esia, Nde bagi obwogo.
Poole ka miizi ma Oju wo amfumu ba ankani baanini
30Komanda asaga kayaa lemigi le tiitii le akolo aJife Poole. Ŋaa enyuzuga, nde cyezi nde ma esia ŋa cwoli ampi ambwoŋi baanini ŋa Oju wo amfumu ba ankani baanini. Ŋa nde yi bila Poole ŋa legi ka miizi a bo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES