Esima 21
21
Poole aje Jeruzaleme
1Bizi lemana calaga bila bo, bizi leyeni ma vaari ma kaje tele ka Kose, anyuzuga bizi letoyi Rode, ŋa kaŋa bizi leyeni Patara. 2Bizi lebagi vaari omo wo aje Fenisi, ŋa bizi leyagi nde ŋa leyeni. 3Bizi letoyi tuga Cypre, eli lebuna mono ma vaari. Bizi leyiri ma kwogo ka okari ka kajeneŋe kia ma kaje kacu ka Syri. Bizi lesuniŋi kangundu ka Tire, ŋa kaŋa ni vaari kiigi acyeze biibi ba abiri. 4Bizi letazigi alwoni ŋa bizi leki kaŋa oluna omo bila bo. Oduduma Cece yiezi, bo adugi ŋa Poole ma kabiza kaje Jeruzaleme. 5Ŋaa oluna kamana wa, bizi levi ma njila. Bo aso ayi yira bizi, bila akaazi a bo ŋa baana a bo, tii ngula kangundu. Bizi levi maabuu ma osieze lemere ŋa bizi lebwoni. 6Ŋa lemana bizi le mpi abuga olasi ndi yiga kalakala, bizi lekumi nca vaari, ŋa ayaligi avurugi mpila bo. 7Bizi lemani opinga wo bizi yila lemere ma kawa Tire ka Petolemayise. Bizi lemana kabiga andumu a bizi nca kangundu kia, bizi leki cugu lemo bila bo. 8Anyuzuga, bizi levurugi ŋa bizi leto Sezare. Kaŋaa, bizi lenyuniŋi nca njo Filipe, mbuuru wo ampa mbari a Njyami ŋa bizi leki mpila nde. Nde kiigi buga lemo lenca abalaga ncaami ba aswoli ka Jeruzaleme. 9Nde kiigi ŋa baana ba akaazi ana ecuuma, bo akiigi mpa esizigi ba abagi ma Njyami. 10Bizi kiigi kaŋa yiga ecugu ekukuna, ntini yo ankulu yia ntuma Njyami omo nkuumu Angabise kiigi waa Jude. 11Nde yi bazaga bizi, nde yagi nkamba le Poole ŋa nde kuru ma miili bila njyala e nde-ankulu, ŋa nde dugi ndi: «Lemono ma alyele Oduduma Cece: balaga eli nkamba li le nde, lemono lemigi, ka Jeruzaleme, aJife ba akura nde ŋa ba atege nde ŋa baari baali ka aJife ŋi.» 12Ŋaa bizi leyuga bwa, bizi ankulu bila andumu baali ka Sezare lempi Poole akolokolo ma kabiza ka kuma Jeruzaleme. 13Ŋaa nde kaali ndi: «Meema be lelila ŋa be lesaga cala otuma mi? Mi, ma nkuumu a Mfumu Jezu, mi li tuga ma kanyina akura mi ŋa mi kpa ka Jeruzaleme.» 14Ŋaa mva bizi a be le ki buna kaliga nde ŋi, bizi a be le kivura sa mpiini ŋi, ŋa bizi a be le dugi : «Ndi Mfumu Jezu kasa mva e kuru nde!» 15Ecugu eke emana yira ka biri yia, bizi Lekozi ŋa bizi le kumi Jeruzaleme. 16Alwoni ake a Sezare akiigi yila bizi, bo abiri bizi mpila mbuuru omo nkuumu Menazo, wo Cipre, nde kiigi olwoni emabiga.
Poole aje mono Jake
17Ŋaa eto e bizi Jeruzaleme, andumu ayagi bizi bila kase. 18Anyuzuga, Poole yeni bila bizi mpila Jake eli ankuuru aso ba Okuga avunuŋi. 19Poole bigi bo ŋa nde naani bo lemo ŋa lemo aso a Njyami makasi mpila baali ka aJife ŋi ma janja le nde. 20Amana yuzuga nde, bo akiigi mpa Njyami lekuma. Amana bo ŋa Poole ndi: «We amono, ndumu, kpe enkuumu ba amili e baari ba aJife ba amikiriga ayaligi. Ŋa aso ba alwono ngiri tele. 21Ŋaa mono ma dugi bo yila we: we ayiziga aJife aso ba baaka ka akabikari a baari baali ka aJife ŋi ma kanyina ngiri a Moyize. We alyele bo ma kabiza sa baana cazi, ŋa ma kabiza lwono angiri ma aJife. 22Lesa bunu? Bo ŋa ba aya ndi we mi ya. 23Ee yemiŋi, sa ma alyele bizi we. Bizi kunu ŋa abalaga ana baama kana jaa kasa. 24Yaga abalaga baa, je sa kiza le cece bila bo, mpa se ampara mini bo awuna mfu. Ŋaa baari aso aya amaami ma kiigi lyele bo yila we kiigi ka jaajaa ŋi. Bo aya se ni weankulu anyima ngiri a Moyize ye kalyele ndi lesa. 25Ŋaa ma baali ka aJife ŋi amikiriga ayaligi, bizi le lyele bila bo ma okanda ma ancuumu ma akuru bizi: Bo abizi kaja anyama baabi ba baampa ambwoŋi ma eduduma. Abizi kaja nyama wooli ŋa togi, ŋa ma kabiza ja akabi ba anyama ba baapya akii, ma kabiza sa maami maabi ma baala.»
26Ŋaa Poole yi ŋa abalaga baa ana ŋa enyuzuga nde baani bila bo kiza le cece. Ŋa nde yeni Njo Njyami ma kamvyere ma ntini maa ecugu ba cece kiigi ba ewa, ma kalyele ni ma ntini maa lebuna mpa ambwonŋi mbuuru ŋa mbuuru.
Poole akuari ka Njo Njyami
27Ecugu e ncaami kiigi yiga beewa, ntini ye moni aJife ba bungu le Azi Poole nca lebugu le Njo Njyami. Bo asati lembuuru leso ŋa bo akwari Poole. 28Bo ba kata nya ndi: «Baari a Ezerayele le yamba! Lemono balaga le lempa ebiri eso ŋa ma baari aso eyizigi beebi ma baari a Ezerayele, ŋa ma Ngiri ye Moyize ŋa ma Njo Njyami yi. Ŋa yiga, nde mi lege baali ka aJife ŋi nca biri le cece ŋa nde mi kaala yo ma biri le amaami maabi!» 29Okorogo, aJife amoni Terofime wo Efeze bila Poole nca kangundu ŋa bo kiigi ba acimiŋa ndi Poole kiigi ma abira nde nca lebugu le Njo Njyami.
30Ngimiŋa enyuniŋi nca kangundu kaso ŋa baari a Jeruzaleme awi ma ebiri eso. Baari akwari Poole acuzigi nde nca lebugu le Njo Njyami kancinci ŋa bo abiidi edubugu. 31Bo yiga ba asaga buma Poole, ntini ye ayi lyele komanda wo oju wo Arome ndi Jeruzaleme eso ŋa ngimiŋa. 32Kancinci ŋa, nde kuzugi amfumu bila aworo ŋa biri nciini maka je baraga lembuuru. Ŋaa baari amono komanda bila aworo, bo aki ma bere Poole ŋi. 33Ŋaa komanda yi ciina mpaana nde, si nde ka kwara ŋa nde mpi ma kakura nde esia ba ankozo jwele. Ŋa nde pizi ndi: «Li balaga na? Nde ema kasa?» 34Ŋaa nca lembuuru, ake baata nya ma jaa lemo, baamo baata ma lekima. Komanda kiigi buna yuga jaa le tele nca lesugu ŋi; nde tumi ndi alege Poole nca njo aworo. 35Ŋaa Poole kato ka biri ye ba akuma yila etazi, aworo abiri nde ma nkeri ye lembuuru, 36kabila aso ba kalwono nde ma kata nya ndi: «Lebuma!»
Poole acuula njuru a nde
37Ma ntini eli baasa kanyunuŋa Poole nca njo aworo, nde dugi ŋa komanda ndi: « Mi ebuna kalyele we jaa lemo?» Komanda pizi nde ndi: «We yayi le nGereke? 38We ka balaga le Ezipite le lecyniŋa baari ma kajuana antini ma ayiri maa ŋi? Ŋa yeni nca ncege bila enkuumu ba amili e baari ena (4.000) ba ebeŋe?» 39Poole kaali ndi: «Mi Jife, akuli ka Tarese nca bungu le Silisi, mi mbuuru wo kangundu kamon keenini. Nyina mi, Kolokolo we, mi lyele bila baari.» 40Komanda tumi nde ma kalyele. Poole, ma otele yila biri ye ba akuma etazi, nde si njiimi ma kwogo. Ŋaa bo aso aki pi, ŋa nde dugi bo nca jui le Eberayike. Nde dugi bo ndi:
Currently Selected:
Esima 21: teg
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Esima 21
21
Poole aje Jeruzaleme
1Bizi lemana calaga bila bo, bizi leyeni ma vaari ma kaje tele ka Kose, anyuzuga bizi letoyi Rode, ŋa kaŋa bizi leyeni Patara. 2Bizi lebagi vaari omo wo aje Fenisi, ŋa bizi leyagi nde ŋa leyeni. 3Bizi letoyi tuga Cypre, eli lebuna mono ma vaari. Bizi leyiri ma kwogo ka okari ka kajeneŋe kia ma kaje kacu ka Syri. Bizi lesuniŋi kangundu ka Tire, ŋa kaŋa ni vaari kiigi acyeze biibi ba abiri. 4Bizi letazigi alwoni ŋa bizi leki kaŋa oluna omo bila bo. Oduduma Cece yiezi, bo adugi ŋa Poole ma kabiza kaje Jeruzaleme. 5Ŋaa oluna kamana wa, bizi levi ma njila. Bo aso ayi yira bizi, bila akaazi a bo ŋa baana a bo, tii ngula kangundu. Bizi levi maabuu ma osieze lemere ŋa bizi lebwoni. 6Ŋa lemana bizi le mpi abuga olasi ndi yiga kalakala, bizi lekumi nca vaari, ŋa ayaligi avurugi mpila bo. 7Bizi lemani opinga wo bizi yila lemere ma kawa Tire ka Petolemayise. Bizi lemana kabiga andumu a bizi nca kangundu kia, bizi leki cugu lemo bila bo. 8Anyuzuga, bizi levurugi ŋa bizi leto Sezare. Kaŋaa, bizi lenyuniŋi nca njo Filipe, mbuuru wo ampa mbari a Njyami ŋa bizi leki mpila nde. Nde kiigi buga lemo lenca abalaga ncaami ba aswoli ka Jeruzaleme. 9Nde kiigi ŋa baana ba akaazi ana ecuuma, bo akiigi mpa esizigi ba abagi ma Njyami. 10Bizi kiigi kaŋa yiga ecugu ekukuna, ntini yo ankulu yia ntuma Njyami omo nkuumu Angabise kiigi waa Jude. 11Nde yi bazaga bizi, nde yagi nkamba le Poole ŋa nde kuru ma miili bila njyala e nde-ankulu, ŋa nde dugi ndi: «Lemono ma alyele Oduduma Cece: balaga eli nkamba li le nde, lemono lemigi, ka Jeruzaleme, aJife ba akura nde ŋa ba atege nde ŋa baari baali ka aJife ŋi.» 12Ŋaa bizi leyuga bwa, bizi ankulu bila andumu baali ka Sezare lempi Poole akolokolo ma kabiza ka kuma Jeruzaleme. 13Ŋaa nde kaali ndi: «Meema be lelila ŋa be lesaga cala otuma mi? Mi, ma nkuumu a Mfumu Jezu, mi li tuga ma kanyina akura mi ŋa mi kpa ka Jeruzaleme.» 14Ŋaa mva bizi a be le ki buna kaliga nde ŋi, bizi a be le kivura sa mpiini ŋi, ŋa bizi a be le dugi : «Ndi Mfumu Jezu kasa mva e kuru nde!» 15Ecugu eke emana yira ka biri yia, bizi Lekozi ŋa bizi le kumi Jeruzaleme. 16Alwoni ake a Sezare akiigi yila bizi, bo abiri bizi mpila mbuuru omo nkuumu Menazo, wo Cipre, nde kiigi olwoni emabiga.
Poole aje mono Jake
17Ŋaa eto e bizi Jeruzaleme, andumu ayagi bizi bila kase. 18Anyuzuga, Poole yeni bila bizi mpila Jake eli ankuuru aso ba Okuga avunuŋi. 19Poole bigi bo ŋa nde naani bo lemo ŋa lemo aso a Njyami makasi mpila baali ka aJife ŋi ma janja le nde. 20Amana yuzuga nde, bo akiigi mpa Njyami lekuma. Amana bo ŋa Poole ndi: «We amono, ndumu, kpe enkuumu ba amili e baari ba aJife ba amikiriga ayaligi. Ŋa aso ba alwono ngiri tele. 21Ŋaa mono ma dugi bo yila we: we ayiziga aJife aso ba baaka ka akabikari a baari baali ka aJife ŋi ma kanyina ngiri a Moyize. We alyele bo ma kabiza sa baana cazi, ŋa ma kabiza lwono angiri ma aJife. 22Lesa bunu? Bo ŋa ba aya ndi we mi ya. 23Ee yemiŋi, sa ma alyele bizi we. Bizi kunu ŋa abalaga ana baama kana jaa kasa. 24Yaga abalaga baa, je sa kiza le cece bila bo, mpa se ampara mini bo awuna mfu. Ŋaa baari aso aya amaami ma kiigi lyele bo yila we kiigi ka jaajaa ŋi. Bo aya se ni weankulu anyima ngiri a Moyize ye kalyele ndi lesa. 25Ŋaa ma baali ka aJife ŋi amikiriga ayaligi, bizi le lyele bila bo ma okanda ma ancuumu ma akuru bizi: Bo abizi kaja anyama baabi ba baampa ambwoŋi ma eduduma. Abizi kaja nyama wooli ŋa togi, ŋa ma kabiza ja akabi ba anyama ba baapya akii, ma kabiza sa maami maabi ma baala.»
26Ŋaa Poole yi ŋa abalaga baa ana ŋa enyuzuga nde baani bila bo kiza le cece. Ŋa nde yeni Njo Njyami ma kamvyere ma ntini maa ecugu ba cece kiigi ba ewa, ma kalyele ni ma ntini maa lebuna mpa ambwonŋi mbuuru ŋa mbuuru.
Poole akuari ka Njo Njyami
27Ecugu e ncaami kiigi yiga beewa, ntini ye moni aJife ba bungu le Azi Poole nca lebugu le Njo Njyami. Bo asati lembuuru leso ŋa bo akwari Poole. 28Bo ba kata nya ndi: «Baari a Ezerayele le yamba! Lemono balaga le lempa ebiri eso ŋa ma baari aso eyizigi beebi ma baari a Ezerayele, ŋa ma Ngiri ye Moyize ŋa ma Njo Njyami yi. Ŋa yiga, nde mi lege baali ka aJife ŋi nca biri le cece ŋa nde mi kaala yo ma biri le amaami maabi!» 29Okorogo, aJife amoni Terofime wo Efeze bila Poole nca kangundu ŋa bo kiigi ba acimiŋa ndi Poole kiigi ma abira nde nca lebugu le Njo Njyami.
30Ngimiŋa enyuniŋi nca kangundu kaso ŋa baari a Jeruzaleme awi ma ebiri eso. Baari akwari Poole acuzigi nde nca lebugu le Njo Njyami kancinci ŋa bo abiidi edubugu. 31Bo yiga ba asaga buma Poole, ntini ye ayi lyele komanda wo oju wo Arome ndi Jeruzaleme eso ŋa ngimiŋa. 32Kancinci ŋa, nde kuzugi amfumu bila aworo ŋa biri nciini maka je baraga lembuuru. Ŋaa baari amono komanda bila aworo, bo aki ma bere Poole ŋi. 33Ŋaa komanda yi ciina mpaana nde, si nde ka kwara ŋa nde mpi ma kakura nde esia ba ankozo jwele. Ŋa nde pizi ndi: «Li balaga na? Nde ema kasa?» 34Ŋaa nca lembuuru, ake baata nya ma jaa lemo, baamo baata ma lekima. Komanda kiigi buna yuga jaa le tele nca lesugu ŋi; nde tumi ndi alege Poole nca njo aworo. 35Ŋaa Poole kato ka biri ye ba akuma yila etazi, aworo abiri nde ma nkeri ye lembuuru, 36kabila aso ba kalwono nde ma kata nya ndi: «Lebuma!»
Poole acuula njuru a nde
37Ma ntini eli baasa kanyunuŋa Poole nca njo aworo, nde dugi ŋa komanda ndi: « Mi ebuna kalyele we jaa lemo?» Komanda pizi nde ndi: «We yayi le nGereke? 38We ka balaga le Ezipite le lecyniŋa baari ma kajuana antini ma ayiri maa ŋi? Ŋa yeni nca ncege bila enkuumu ba amili e baari ena (4.000) ba ebeŋe?» 39Poole kaali ndi: «Mi Jife, akuli ka Tarese nca bungu le Silisi, mi mbuuru wo kangundu kamon keenini. Nyina mi, Kolokolo we, mi lyele bila baari.» 40Komanda tumi nde ma kalyele. Poole, ma otele yila biri ye ba akuma etazi, nde si njiimi ma kwogo. Ŋaa bo aso aki pi, ŋa nde dugi bo nca jui le Eberayike. Nde dugi bo ndi:
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES