Actes 28

Pol ve ningi Malete

1Ne gukatuge pembi ne polu, dulu re ningi yanengu re Malete. 2Bisi ningi besagwambili gireke, tumbe bedusambegene ne ginyunge, neve mvule noge ne gyotsi, bebangise ruvi duneni du yetu botsu dwore. 3Pol bole gikuru gi bisotsu bi goke gu ruvi, tumbe mbisi yivuduge ne kagese, yimuravile ve dikake. 4Ve bisi ningi belabile mbisi yalelengi mu dikake di Pol, bambesene re «Mutu wuwu abenze gube mumbenge, mbare nyambi mugetu yanengu re Sisetise yisamuvegi dinyange di gube monyu, nesi nane atsedobuge gu nzube.» 5Tumbe Pol kukumune nyoge gu ruvi, aseyulu nzungu. 6Batu bepikilange re agurandegene, aguberuge ne gufu kambule. Tumbe gigumbi givyoge, belabe re gu sandi dyambu dyamurugili, bevinze pikile, yawu re ayi nyambi.

7Ve mbeke mbure yine, vabe tsapele yi gidyeti gi ningi, dine di andi Publyus. Adusambegene ne gyenze adurare mu tsufu yireru. 8Taye Publyus abange ve tangi ne gyotsi ne difumu di melungu. Pol yende gwemwene, alembe amutsabige mekake amubeluse. 9Gigumbi kwe batu bemosi be ningi babeli beruge gwandi, bebeluge. 10Beduvege digobe dinenini, sige gigumbi gi gukwine mu watange, beduvege byotsu bibe netu ne keri gukyelu mwendu etu.

Pudugu Pol gu Rom

11Migweli mireru neguvyoge, dukunde gabuge mu watange yi yadi Lekesanderi, yanengu re Dyosekurese#28.11 Dyosekurese: mevase, Kasetore ne Poluse bikokosi bi awu bibange gu numbu watange, gi bedyanzitsi be nzube bebogange gere nyambi gu gubebandekene. yi vyose gigumbi gi mikunge ve gisyeni gi ningi. 12Duvuduge ve Sirakis ve duvyosile tsufu yireru. 13Vane dubinge mugogu gu gudate Regyo. Mbongwali, punge bande neguvuge mu tsufu beye duvuduge gu Pusolese. 14Ve yadi yine duragene bane be Nyambi. Bedusimbe gu guvyose tsonu nawu. Re nane duvudugile kwange gu Rom. 15Bane be Nyambi be yadi Rom bulu tsangu etu betsedubengusene kwange yadi yi dikase di Apise neve yadi yine dine re bikolu bireru. Ve Pol benine, agabusile Nyambi diboti agaremuge. 16Ve pudugu etu gu Rom, Pol vegu dinyange digube ndagu vike, ne gori yi gumurare.

Pol gagwanzi musamu boti gu Rom

17Tsufu yireru tsivyoge, Pol rombe gu mbu gi andi bidyeti bi Sif bi Rom. Ve begukemine, abambile re «Batu anu, nesi ve nzavage gigume gukyelu bumongu bu etu nesi gukyelu mugulu begulu betu, nzegangu gu Serisalem nisaku bisi Rom. 18Negumane nzutse, mbere beronde patule, mbare beselabe gigume gi gumbokile. 19Tumbe bidyeti bi Sif bebuse, vane nigeluge gu gyari gi Sesare. Sabe ne pikile yigu furegile bumongu bu ami. 20Re dibandu nzeronde nwenine gu gunwambile. Mbare nyadwari pange tsitsi gukyelu mutu wavingili bumongu bu Iserayel, Kirisete.» 21Bemwagule re «Duselabe gisangumu nesi gimosi gyarugili gu Sudé gukyelu agu, sige gusabe mwane tate nesi wumosi wurugile gune wudubegile misamu nesi gudwambile dibi gukyelu agu. 22Tumbe dwarondi gulu pikile agu, mbare dwayabi re mbure tsyotsu, batu babusi dibundu di ndyayu wuvu.»

23Betunge ndagi ne Pol, sige wisi eni, beruge mbili gutsemuragene ve agatsagenini. Bandile mekyele kwange tsisige, Pol bevege mutangu, abanzile bulongu bu Nyambi negukebe bulisu gukyelu Sesu negu rangulange mugage Moyise ne bisangumu bi bebigitsi. 24Bemosi babe ne gitu gukyelu mambu me yandi yambile, bane bebuse vege gitu. 25Sige ve bagwendile nesi gulusenu yawu ne yawu, Pol bambile didi, «Dinyuni Diboti abe ne miranu ve ayambilile begulu benu gu munu mubigitsi Esayi! 26Yandi re

“Yende gwambile bumongu bune,

Nwagulu, tumbe nusakutisi;

Nugugengile, tumbe nusagulabe.

27Mbare bumongu bubu bwatsemugilu;

bemakwe kudibe maru,

batsibige misu,

be kole labe ne misu mawu,

gulu ne maru mawu,

gukutise ne tendu awu

ne gukabugile nonge nikubebeluse#28.27 Esayi 6.9-10.”

28Pol kunde re kabe yabanu re, Nyambi vegitse gu batu be sandi Sif musamu wagwambili re agubobule. Begumulu yawu!»

29[Pol ne gwambile nane, Sif bende ne gwene sosange yawu ne yawu#28.29 Girini gigi ([]) giserendu mu mbili bisangumu bigulu bi Girek..]

30Pol tsagene mipume mibeye gu ndagu yi yandi sombe. Asambegenange botsu betsemwenange. 31Ayanzange bulongu bu Nyambi negunenzange ne gitu gyotsu gukyelu Fumu Sesu Kirisete asabange ne medume.

Currently Selected:

Actes 28: SWJ

Highlight

Compare

Copy