Janja Ebaanihi
Ebaanihi
Like ateendi Ncya e Mve e Jesu, mvuuru se ateendi osaangumu o Janja Antuma.
Osaangumu o Janja Antuma, osaangumu o Like ojwele. Nca osaangumu oncomi, nde awobi ma lebihi le Jesu le yula ncye, bɨla janja e Jesu asi, ŋa leku le nde le ma lembanji. Emana nde onyusihi. Nde olahi nyuru na alwoni a nde (24. 36-53), ŋa Osaangumu o Janja Antumo obaana o ntini e Jesu awobi na antuma a nde. Emana nde oyeni yulu (1. 1-11), ekihi e Jesu o mpaniŋi alwoni a nde ekaali osuumbu. Ma aka ma aje omono nyuru e nde ni. Jya biri osaangumu o Janja Antuma ebaani okuha a Njyami. Jesu osiili mo Oduduma a nde aki ma alwoni.
Jaa ji ema luula na lebihi. Lemono ebaniihi me ekuha ma akritye o mpaniŋi Ajife, bɨla ntuma macwoloho o Pyere. Mva o Jerusaleme, na nca baari ma ali ka Ajife ni, ŋa Antyose bɨla Korete na enguundu ekɨma. Lelwono le Pole nca epiinga e nde ayirihi na otooso mbari e Njyami. Lemono na ampasi mo okuha okyehe, na osuumbu a co eselihi maami mo puha Oduduma a Nkʉmu.
Mo maami ma abaani osaangumu, lesacyese macwoloho mo «osaangumu o Like». Like awobo mo nde o nca opiinga o Tʉrwa ŋa onguundu o Filipe. «Lesahi mo obaana...» (16. 10-40), na tii Jerusaleme mpili ma kwari Pole 20. 5-18, bɨla ŋa Sesare o Rome mpili e Pole adilihi opami esibi jyele 27-28.
Ebaanihi mo osaangumu me laha osumbu a Like ama aje na oyeese co na njele. Jesu aduhi na alwoni a nde ndi: «Ŋa be leje obasaha mpari o ntini Oduduma Santi aya o be, be leje oka baari ma siisa enwa e me o Jerusaleme, na o nca Jude eso, na Samari tii ngo ancwo a ncye.» 1.8.
Ebaanii mo Okuha a ncomi o Jerusaleme o ntini e Jesu ayeni yulu 1. 1-8.3.
Abiri Ncya e Mve nca osi Ajife oso 8. 4-12.25.
Bla nca miditerane tii ngo Rome, onguundu enini ŋa osi. 13. 1-28.31.
Mbari jya atoosi nca esi ma ajyabi o ntini jya eso. Etoosihi bɨla ewobihi ma antuma, eki ni mo Ncya e mve e Jesu. Lemono ndi Jesu malahi na baari aso, Ajife bɨla baari ma ali ka Ajife ni, omakaaha ni Jesu akuli o Palestine. Oduduma ovuura antuma a nde antini aso mpili e mbari bɨla maami a nde.
Maami ma amaduha nca Osaangumu o Janja Antuma, malaha osuumbu Okuha a Njyami antini aso ayeese maami: letooso Ncya e Mve le Jesu Krisi na baari amayula ncye aso, tii mpili esyelehe ncye.
Currently Selected:
Janja Ebaanihi: MDT
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES