Janja 24
24
Ajife mabanaŋa Pole
1Ecuhu etaani eyira, osi avwoŋi onini Ananyase osurihi Sesare bɨla akuru mo okuha ake, na Tertilise awoboho ma lengulu le bo. Bo maya na asoso Pole na e Felikse lepatima. 2Bo ayi na Pole. Tertilise oya abaana obanaŋa nde. Oduhi na Felikse ndi: «E nkani, bisi leli o nca oduusu ŋa, obila mo osuumbu a we ama kaala maami ma ave nca osi o bisi. 3Bisi lebaha eve bya, nkani Felikse antini aso me ebiri eso, bisi lempa we leve lo mini. 4Ŋa me eka aya na awobo kuna ni, kya obila o me esaha mbɨri we ota cwi yemiŋi. We omayuha bisi. 5Bisi lemamono mbɨri balaha ji obi o mvuuru. Nde alehe okʉrukusu o mpaniŋi Ajife me esi eso. Nde nkʉmu okuha a Najareye#24.5 Acwolihi Jesu bɨla alwoni a nde ma Najareye.. 6Nde omasaha obonjolo njo e Njyami, bisi se lemakwara nde. [ 7] 8We abuuna olehe nde eduhu we anku, we omono mbɨri maami maduha o nde ma aso asisyele.» 9Ajife bɨla Tertilise aki jaa mo, bo ayalihi ndi: «Ee sisyele!»
Pole aduha e nde enwa o mwa Felikse
10Lepatima lekuyi Pole ndi nde owobo. Pole oyahi mbari ndi: «Me eyaa mbɨri esibi emi yira kuna e we ali opami a mo osi o bisi. Me ewobo o mwa we ŋa na lila leso. 11We abuuna opɨsa bo we anku, ecuhu eya kuumi na jyele (12) e me ekumi Jerusaleme, ma ovwono Njyami. 12Ŋa aka basaha me o nca njo e Njyami, me ewobo, me ecyese lemvuuru ni, se o nca anjo mavwonoŋo si kali nca onguundu ni. 13Baari ba se i buuna olaha maami a bo mabanaŋa me o mo maa lobi ni. 14Ŋa me ebuuna oduha o miisi a we mbɨri: me ejanja o Njyami ankaha a saabe, na elwoniŋi e njila e Nkʉmu. Mo bo, njila jya njila e mbi. Ŋa me eyalaha ma amateende eso nca esaangumu me ekele bɨla mawobi a mbari e Njyami. 15Ŋa me na lila o Njyami, na baari mabanaŋa me na lila lya. Njyami aje onyuusa akwi, na a tele na ma ali ka tele ni. 16Kya obila o me esa mpari mo okyele lebihi le me yemiŋi, o miisi a Njyami na a baari.
17Esibi kuna emayira, me eyi na avuriha o Jerusaleme na ampa baari a mo osi o me adoro, moyamaŋa bo. Me se empa ndamini e Njyami. 18Jya biri e bo ma basihi me o nca njo e Njyami. Me eki esa cinda macukaha nyuru. Lemvuuru leka aka bɨla me ni, okʉrukusu se aki onyaŋa. 19Ŋa Ajife ake a mo ngaala Asi aki ŋa. Bo kaa baari mayi o mwa we ŋa na abanaŋa me, yuhu bo aki na jaa na me. 20Si kali ntini e bo mabiri me, na apama me o mwa okuha akuuru, yuhu baari a kuuni ma amono ndi me ncoso mbi, ŋa bo aduha. 21O mwa okuha akuuru, me ewobi na ankala mo otele mbɨri: “Me na lila mbɨri Njyami anyuusa akwi. Mapama me o mwa be ŋa mo obila o me eduhi vwa?”»
22Felikse aki omayaa maami a njila e Nkʉmu yemiŋi. Nde ovuuri opami mo cuhu lekɨma, oduhi ndi: «Me opama jaa e be, ntini e Lisyase a nkʉmu aworo aje oya.» 23Nde oduhi na nkʉmu aworo ma okyele nde mo ongeneŋe, okoroho bo i kura nde endi ni. Bo se i kanaŋa andihi a nde mo oya ŋa ayamaŋa nde ni.
Pole o mwa Felikse bɨla Drijile
24Ecuhu eke eyira, Felikse oyi bɨla okari a nde Drijile aki Ojife. Nde otumi oya na Pole. Nde oyuhi Pole awobo mo oyalihi o ma Jesu Krisi. 25Pole oya awobo na nde ma leka le tele o miisi a Njyami, na opami ove. Nde oduhi ndi Njyami aje opama baari aso. O ŋa Felikse omoni vwoho, na Pole ndi: «Lesasyele ŋa lobi, sa vuriha me dɨla ocwolo we ntini nkɨma.» 26Felikse se aki ndi Pole ampa nde adoro. Kya obila o nde acwolihi Pole antini aso mowobo bɨla nde. 27Esibi jyele eyira, acyesi Felikse o mbara, alehi Porsise Festise. Ŋa mo osa Ajife ove, nde okyeli Pole mo ongeneŋe.
Currently Selected:
Janja 24: MDT
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Janja 24
24
Ajife mabanaŋa Pole
1Ecuhu etaani eyira, osi avwoŋi onini Ananyase osurihi Sesare bɨla akuru mo okuha ake, na Tertilise awoboho ma lengulu le bo. Bo maya na asoso Pole na e Felikse lepatima. 2Bo ayi na Pole. Tertilise oya abaana obanaŋa nde. Oduhi na Felikse ndi: «E nkani, bisi leli o nca oduusu ŋa, obila mo osuumbu a we ama kaala maami ma ave nca osi o bisi. 3Bisi lebaha eve bya, nkani Felikse antini aso me ebiri eso, bisi lempa we leve lo mini. 4Ŋa me eka aya na awobo kuna ni, kya obila o me esaha mbɨri we ota cwi yemiŋi. We omayuha bisi. 5Bisi lemamono mbɨri balaha ji obi o mvuuru. Nde alehe okʉrukusu o mpaniŋi Ajife me esi eso. Nde nkʉmu okuha a Najareye#24.5 Acwolihi Jesu bɨla alwoni a nde ma Najareye.. 6Nde omasaha obonjolo njo e Njyami, bisi se lemakwara nde. [ 7] 8We abuuna olehe nde eduhu we anku, we omono mbɨri maami maduha o nde ma aso asisyele.» 9Ajife bɨla Tertilise aki jaa mo, bo ayalihi ndi: «Ee sisyele!»
Pole aduha e nde enwa o mwa Felikse
10Lepatima lekuyi Pole ndi nde owobo. Pole oyahi mbari ndi: «Me eyaa mbɨri esibi emi yira kuna e we ali opami a mo osi o bisi. Me ewobo o mwa we ŋa na lila leso. 11We abuuna opɨsa bo we anku, ecuhu eya kuumi na jyele (12) e me ekumi Jerusaleme, ma ovwono Njyami. 12Ŋa aka basaha me o nca njo e Njyami, me ewobo, me ecyese lemvuuru ni, se o nca anjo mavwonoŋo si kali nca onguundu ni. 13Baari ba se i buuna olaha maami a bo mabanaŋa me o mo maa lobi ni. 14Ŋa me ebuuna oduha o miisi a we mbɨri: me ejanja o Njyami ankaha a saabe, na elwoniŋi e njila e Nkʉmu. Mo bo, njila jya njila e mbi. Ŋa me eyalaha ma amateende eso nca esaangumu me ekele bɨla mawobi a mbari e Njyami. 15Ŋa me na lila o Njyami, na baari mabanaŋa me na lila lya. Njyami aje onyuusa akwi, na a tele na ma ali ka tele ni. 16Kya obila o me esa mpari mo okyele lebihi le me yemiŋi, o miisi a Njyami na a baari.
17Esibi kuna emayira, me eyi na avuriha o Jerusaleme na ampa baari a mo osi o me adoro, moyamaŋa bo. Me se empa ndamini e Njyami. 18Jya biri e bo ma basihi me o nca njo e Njyami. Me eki esa cinda macukaha nyuru. Lemvuuru leka aka bɨla me ni, okʉrukusu se aki onyaŋa. 19Ŋa Ajife ake a mo ngaala Asi aki ŋa. Bo kaa baari mayi o mwa we ŋa na abanaŋa me, yuhu bo aki na jaa na me. 20Si kali ntini e bo mabiri me, na apama me o mwa okuha akuuru, yuhu baari a kuuni ma amono ndi me ncoso mbi, ŋa bo aduha. 21O mwa okuha akuuru, me ewobi na ankala mo otele mbɨri: “Me na lila mbɨri Njyami anyuusa akwi. Mapama me o mwa be ŋa mo obila o me eduhi vwa?”»
22Felikse aki omayaa maami a njila e Nkʉmu yemiŋi. Nde ovuuri opami mo cuhu lekɨma, oduhi ndi: «Me opama jaa e be, ntini e Lisyase a nkʉmu aworo aje oya.» 23Nde oduhi na nkʉmu aworo ma okyele nde mo ongeneŋe, okoroho bo i kura nde endi ni. Bo se i kanaŋa andihi a nde mo oya ŋa ayamaŋa nde ni.
Pole o mwa Felikse bɨla Drijile
24Ecuhu eke eyira, Felikse oyi bɨla okari a nde Drijile aki Ojife. Nde otumi oya na Pole. Nde oyuhi Pole awobo mo oyalihi o ma Jesu Krisi. 25Pole oya awobo na nde ma leka le tele o miisi a Njyami, na opami ove. Nde oduhi ndi Njyami aje opama baari aso. O ŋa Felikse omoni vwoho, na Pole ndi: «Lesasyele ŋa lobi, sa vuriha me dɨla ocwolo we ntini nkɨma.» 26Felikse se aki ndi Pole ampa nde adoro. Kya obila o nde acwolihi Pole antini aso mowobo bɨla nde. 27Esibi jyele eyira, acyesi Felikse o mbara, alehi Porsise Festise. Ŋa mo osa Ajife ove, nde okyeli Pole mo ongeneŋe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES