Janja 23
23
1Pole okwi apami mo okuha ompaa, oduhi ndi: «Baana ma anguhu, me ejanji o Njyami na otima ove, tii ngo o cuhu e lobi.» 2Ŋa osi avwoŋi onini a nkuumi Ananyase, oduhi na baari ma aki o paani e Pole ndi: «Lebeere nde mo onwa.» 3Pole oduhi na nde ndi: «A Njyami abeere we, ki oma mva obaha o kubuhu! We oli o nci ŋa mo opama me mo osuumbu ekele meduha. Ŋa we i nyiime ekele ni, we atuma mbɨri abeere me?» 4Baari ma aki tuha ŋa Pole aduhi na nde ndi: «We atuha ŋa osi avwoŋi onini a Njyami!» 5Pole okaali ndi: «Baana ma anguhu, me eka yaa mbɨri nde osi avwoŋi onini ni. Mo oma amateende nca Osaangumu o Njyami ndi: “We i duha jaa e mbi o nkʉmu a baari a we ni!”»
6Pole aki oyaa ndi nca okuha akuuru apami ake aki Asadisi, maamo Afarisi. Kya obila o nde aduhi o miisi a bo na ankala ndi: «Baana ma anguhu, me Ofarisi me se mwana a Ofarisi. Me na lila mva bo mbɨri akwi ma aje onyusiha. Kya obila mapama me o co.» 7Nde okini mo omana owobo vwa, Afarisi bɨla Asadisi abayi abuha nca okuha. Aya matoho. 8Ŋa Asadisi ndi akwi ma aka aje onyusiha ni. Abaanji bɨla edidima onyaŋa. Ŋa Afarisi ma yalaha ndi jo eli. 9Baari aso aya mawʉla ankɨma. Ayisihi me ekele eke a ma ocwi Afarisi, atemiŋi aduhi na mpari eso ndi: «Bisi lemono mbɨri mvuuru yu aka sa jaa e mbi ni. Odidima leke mvuuru awobi na nde, si kali obaanji?» 10Bo aki maselehe otoho. Nkʉmu aworo onini aki na vwoho, ncaki bo amacebehe Pole ma etini. Ŋa nde na aworo ndi: «Lesuraha! Letusuha Pole o njo opami, be levuura nde nca njo aworo!» 11Lempiibi lo ojwele, Nkʉmu olahi nyuru na Pole na nde ndi: «Yaasa nyuru! We oma siisa enwa o maami a me o Jerusaleme kuuni, ove we oma siisa enwa se o Rome.»
Akuri cuumu o ma Pole
12Eto na encyere, Ajife ake avuniŋi ma ajisihi. Bo alabi okesi o miisi a Njyami ndi: «Saabe i ja kiila, i nywa se kiila ni, yuhu saabe lekini sa buma Pole ni!» 13Baari malabi okesi jwa aki manyura ekuumi e baari ena (40). 14Bo ayeni na amono ankʉmu ma asi ma avwoŋi, bɨla akuuru mo okuha. Na bo ndi lemono okesi a bisi lelabi na Njyami: «Bisi leka asa aja biila ni, yuhu bisi lekini obuma Pole ni. 15Ŋa be o cuumu o be bɨla akuuru mo okuha, be lepɨsa na nkʉmu aworo ma oya na Pole. Be leduha mbɨri be lesaha oya jaa e ciici e nde ama sa. Ma lengulu le bisi, bisi le ba ledɨla nde o njila mo obuma nde o biri e nde akini oto kuuni ni.»
16Ŋa mwana a nkeri a Pole omo oyuhi cuumu e bo ma kuri o nde. Nde oyeni njo aworo, nde onyuniŋi ojyesi Pole. 17Ŋa Pole ocwoli nkʉmu aworo omo, na nde ndi: «Bira onjambu a balaha yu mpili e nkʉmu aworo onini, nde ŋa jaa mo oduha nde.» 18Nkʉmu aworo obiri nde mpili e nkʉmu aworo onini, oduhi ndi: «Ongeneŋe macwoloho o Pole omacwolo me, nde omatuma me ndi me eya na we onjambu a balaha yu. Nde na jaa mo oduha we.» 19Nkʉmu aworo onini okwari onjambu a balaha o kwoho. Obiri nde o paani, opɨsi nde ndi: «A we asaha oduha me a ma?» 20Onjambu a balaha okaali na nde ndi: «Ajife ake amakura cuumu ndi bo maya na pɨsa we ndi we oya na Pole osuuha o mwa okuha akuuru a bo. Bo ma aje oduha ndi bo masaha oyaa jaa e ciici e nde ama sa. 21Ŋa we oka yalaha maami a bo ni. Obila ekuumi e baari ma evʉla ena, ma eje olehe nde oyere. Bo ama laba okesi o miisi a Njyami ndi bo ma aka asa ja anywa, yuhu bo akini osabuma Pole ni. Bo aya ma ama diliha kwa ekalihi e we.» 22Nkʉmu aworo onini na onjambu a balaha ndi: «We oka duha maami a we aduhi me ma na mvuuru ni.» Emana nde onyili nde oyeni.
Ayeni na Pole mpili e Felikse lepatima
23Nkʉmu aworo onini ocwoli ankʉmu ma aworo vwele, na bo ndi: «Lekusuha enkama ma aworo jyele (200), aworo majwanaŋa o yula anyama ekuumi ncaami 70, bɨla enkama ma abalaha jyele 200 ma eli na ajwo. Bo ayeese biibi, mo oje Sesare atari wa 9 a mpiibi. 24Be leyeesi anyama mo obira Pole yemiŋi mpili e Felikse lepatima.» 25Emana nkʉmu aworo onini oteendi osaangumu ndi:
26«Me Klode Lisyase, ewooso we nkʉmu Felikse lepatima. 27Ajife aki amakwara balaha e me etuma we ji. Bo aki amasaha obuma nde. Ŋa me emaya bɨla aworo a me, lemivusuha nde. Mo oma, me emayuha ndi nde osi Rome. 28Me eki esaha oyaa jaa Ajife mabaniŋi nde oyo. Me se ebiri nde mwa okuha akuuru a bo. 29Me emoni bo mabanaŋa Pole obila me ekele e bo. Ŋa jaa mabuma nde, si kali malehe nde ongeneŋe oyo onyaŋa. 30Amapeese me ndi baari baa masaha olehe nde oyere. Kya obila o me etuma we nde asisari. Ŋa me duhi na baari mabanaŋa nde baa mo oya na soso nde na e we.»
31Aworo asi mva o nkʉmu a bo atumi bo osa. Bo abiri Pole na mpiibi, tii mpili onguundu Antipatɨrise. 32Eto na encyere, aworo avurihi njo aworo, bo anyili aworo ma ali o yula anyama awunuŋi opiinga bɨla Pole. 33Bo ato ongunndu o Sesare, ampi osaangumu na lepatima. Bo se alahi nde Pole. 34Lepatima leliiri osaangumu, opɨsi Pole ndi: «We osi jini ngaala?» Pole okaali nde ndi: «Me osi Silisi.» 35Lepatima leduhi na nde ndi: «Me olehe we eduhu o ntini e baari mabaniŋi we ma aje oka ŋa.» Nde otumi okyele Pole nca njo Erode Okuuru.
Currently Selected:
Janja 23: MDT
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Janja 23
23
1Pole okwi apami mo okuha ompaa, oduhi ndi: «Baana ma anguhu, me ejanji o Njyami na otima ove, tii ngo o cuhu e lobi.» 2Ŋa osi avwoŋi onini a nkuumi Ananyase, oduhi na baari ma aki o paani e Pole ndi: «Lebeere nde mo onwa.» 3Pole oduhi na nde ndi: «A Njyami abeere we, ki oma mva obaha o kubuhu! We oli o nci ŋa mo opama me mo osuumbu ekele meduha. Ŋa we i nyiime ekele ni, we atuma mbɨri abeere me?» 4Baari ma aki tuha ŋa Pole aduhi na nde ndi: «We atuha ŋa osi avwoŋi onini a Njyami!» 5Pole okaali ndi: «Baana ma anguhu, me eka yaa mbɨri nde osi avwoŋi onini ni. Mo oma amateende nca Osaangumu o Njyami ndi: “We i duha jaa e mbi o nkʉmu a baari a we ni!”»
6Pole aki oyaa ndi nca okuha akuuru apami ake aki Asadisi, maamo Afarisi. Kya obila o nde aduhi o miisi a bo na ankala ndi: «Baana ma anguhu, me Ofarisi me se mwana a Ofarisi. Me na lila mva bo mbɨri akwi ma aje onyusiha. Kya obila mapama me o co.» 7Nde okini mo omana owobo vwa, Afarisi bɨla Asadisi abayi abuha nca okuha. Aya matoho. 8Ŋa Asadisi ndi akwi ma aka aje onyusiha ni. Abaanji bɨla edidima onyaŋa. Ŋa Afarisi ma yalaha ndi jo eli. 9Baari aso aya mawʉla ankɨma. Ayisihi me ekele eke a ma ocwi Afarisi, atemiŋi aduhi na mpari eso ndi: «Bisi lemono mbɨri mvuuru yu aka sa jaa e mbi ni. Odidima leke mvuuru awobi na nde, si kali obaanji?» 10Bo aki maselehe otoho. Nkʉmu aworo onini aki na vwoho, ncaki bo amacebehe Pole ma etini. Ŋa nde na aworo ndi: «Lesuraha! Letusuha Pole o njo opami, be levuura nde nca njo aworo!» 11Lempiibi lo ojwele, Nkʉmu olahi nyuru na Pole na nde ndi: «Yaasa nyuru! We oma siisa enwa o maami a me o Jerusaleme kuuni, ove we oma siisa enwa se o Rome.»
Akuri cuumu o ma Pole
12Eto na encyere, Ajife ake avuniŋi ma ajisihi. Bo alabi okesi o miisi a Njyami ndi: «Saabe i ja kiila, i nywa se kiila ni, yuhu saabe lekini sa buma Pole ni!» 13Baari malabi okesi jwa aki manyura ekuumi e baari ena (40). 14Bo ayeni na amono ankʉmu ma asi ma avwoŋi, bɨla akuuru mo okuha. Na bo ndi lemono okesi a bisi lelabi na Njyami: «Bisi leka asa aja biila ni, yuhu bisi lekini obuma Pole ni. 15Ŋa be o cuumu o be bɨla akuuru mo okuha, be lepɨsa na nkʉmu aworo ma oya na Pole. Be leduha mbɨri be lesaha oya jaa e ciici e nde ama sa. Ma lengulu le bisi, bisi le ba ledɨla nde o njila mo obuma nde o biri e nde akini oto kuuni ni.»
16Ŋa mwana a nkeri a Pole omo oyuhi cuumu e bo ma kuri o nde. Nde oyeni njo aworo, nde onyuniŋi ojyesi Pole. 17Ŋa Pole ocwoli nkʉmu aworo omo, na nde ndi: «Bira onjambu a balaha yu mpili e nkʉmu aworo onini, nde ŋa jaa mo oduha nde.» 18Nkʉmu aworo obiri nde mpili e nkʉmu aworo onini, oduhi ndi: «Ongeneŋe macwoloho o Pole omacwolo me, nde omatuma me ndi me eya na we onjambu a balaha yu. Nde na jaa mo oduha we.» 19Nkʉmu aworo onini okwari onjambu a balaha o kwoho. Obiri nde o paani, opɨsi nde ndi: «A we asaha oduha me a ma?» 20Onjambu a balaha okaali na nde ndi: «Ajife ake amakura cuumu ndi bo maya na pɨsa we ndi we oya na Pole osuuha o mwa okuha akuuru a bo. Bo ma aje oduha ndi bo masaha oyaa jaa e ciici e nde ama sa. 21Ŋa we oka yalaha maami a bo ni. Obila ekuumi e baari ma evʉla ena, ma eje olehe nde oyere. Bo ama laba okesi o miisi a Njyami ndi bo ma aka asa ja anywa, yuhu bo akini osabuma Pole ni. Bo aya ma ama diliha kwa ekalihi e we.» 22Nkʉmu aworo onini na onjambu a balaha ndi: «We oka duha maami a we aduhi me ma na mvuuru ni.» Emana nde onyili nde oyeni.
Ayeni na Pole mpili e Felikse lepatima
23Nkʉmu aworo onini ocwoli ankʉmu ma aworo vwele, na bo ndi: «Lekusuha enkama ma aworo jyele (200), aworo majwanaŋa o yula anyama ekuumi ncaami 70, bɨla enkama ma abalaha jyele 200 ma eli na ajwo. Bo ayeese biibi, mo oje Sesare atari wa 9 a mpiibi. 24Be leyeesi anyama mo obira Pole yemiŋi mpili e Felikse lepatima.» 25Emana nkʉmu aworo onini oteendi osaangumu ndi:
26«Me Klode Lisyase, ewooso we nkʉmu Felikse lepatima. 27Ajife aki amakwara balaha e me etuma we ji. Bo aki amasaha obuma nde. Ŋa me emaya bɨla aworo a me, lemivusuha nde. Mo oma, me emayuha ndi nde osi Rome. 28Me eki esaha oyaa jaa Ajife mabaniŋi nde oyo. Me se ebiri nde mwa okuha akuuru a bo. 29Me emoni bo mabanaŋa Pole obila me ekele e bo. Ŋa jaa mabuma nde, si kali malehe nde ongeneŋe oyo onyaŋa. 30Amapeese me ndi baari baa masaha olehe nde oyere. Kya obila o me etuma we nde asisari. Ŋa me duhi na baari mabanaŋa nde baa mo oya na soso nde na e we.»
31Aworo asi mva o nkʉmu a bo atumi bo osa. Bo abiri Pole na mpiibi, tii mpili onguundu Antipatɨrise. 32Eto na encyere, aworo avurihi njo aworo, bo anyili aworo ma ali o yula anyama awunuŋi opiinga bɨla Pole. 33Bo ato ongunndu o Sesare, ampi osaangumu na lepatima. Bo se alahi nde Pole. 34Lepatima leliiri osaangumu, opɨsi Pole ndi: «We osi jini ngaala?» Pole okaali nde ndi: «Me osi Silisi.» 35Lepatima leduhi na nde ndi: «Me olehe we eduhu o ntini e baari mabaniŋi we ma aje oka ŋa.» Nde otumi okyele Pole nca njo Erode Okuuru.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES